Danok Oteiza komunitatea aurkeztu dute, sortzailearen figura bultzatzeko
Oteiza Fundazioak artistaren obra eta pentsamendua zabaldu, komunitate bat eratu eta lankidetzarako egitura iraunkor bat sustatu nahi du komunitate berriaren bidez. "Oteiza, 14 apostulu" Oskar Alegriaren ikus-entzunezkoa aurkeztu dute, ekimenaren abiadan.
Jorge Oteiza Fundazio Museoak Danok Oteiza komunitate berria aurkeztuko du gaur, artistaren jaiotzaren urteurrenarekin bat, Altzuzako museoan. Sortzailearen inguruan pertsonak eta erakundeak elkartu nahi ditu elkarte berriak, Museoak Altzuzan garatzen dituen jarduera eta ekintzen osagarri.
Danok Oteiza komunitateak Oteiza, 14 apostolu ikus-entzunezkoa aurkeztu du, esaterako, bere lehen urratsean, Oskar Alegriak sortua eta EiTBren laguntzarekin ekoitzia.
Lan horretan, hamalau figura kulturalek Orioko sortzailearen obrari eta pentsamendu estetikoari lotutako diziplina artistikoen eta interes kulturalen aniztasuna irudikatzen dute: Alicia Otaegui, Ignacio Aguero, Iban Urizar, Esther Ferrer, Oskar Alegria, Josu Iztueta, Sho Hagio, Jaione Apalategi, Richard Deacon, Maialen Lujanbio, Bernardo Atxaga, Kepa Akixo Zigor, Bertha Bermudez eta Altzuzako lizarra.
EITBk ekoitzi eta finantzatu du filma, eta PRIMERAN plataforman, ETBn eta eitb.eus atarian zabalduko da. Gainera, Asisko Urmeneta idazle eta marrazkilariak eleberri grafikoa idatziko du Jorge Oteizari buruz 2026ko amaierarako.
Danok Oteiza komunitateak Oteizaren ikusmoldeari erantzuten dio, Fundazioaren hitzetan: “Artea eta sorkuntza tresna boteretsuak dira eraldaketa sozial eta kolektiborako, eta lagungarriak dira, orobat, espiritu kritikoa sustatzeko eta iruditeria partekatua sortzeko”.
Oteiza Fundazioak artistaren obra eta pentsamendua zabaldu, komunitate bat eratu eta lankidetzarako egitura iraunkor bat sustatu nahi du komunitate berriaren bidez.
Komunitate horretan parte hartzeko, zenbait kategoria sortu dira, Oteizaren iruditerian oinarrituta: CROMLECH (Nafarroako Gobernua eta Jorge Oteiza Fundazioa, proiektua sustatzen duten bi erakundeak biltzen ditu), GAUR (bazkide estrategikoak), EMEN (mezenasak), ORAIN (laguntzaileak), BAITA (erakunde adiskideak), HITZA (komunikabideak) eta ITZIAR (kide indibidualak).
Urriaren 21eko arratsaldean (18:00-20:00) komunitatearen aurkezpen ofiziala egingo dute, Altzuzako Oteiza Museoan: Oteiza 14 apostoluren aurkezpena, Saioa Alkaiza eta Julio Soto bertsolarien emanaldia, ZUK Performing Arts etxearen emankizuna, Quousque Tandem Abutere piezarekin, Oteizaren poesia, Jara Calvok errezitatua, Oier Etxeberria eta Garazi Navasen Eskua askea kontzertuaren aurkezpena eta Juan Antonio Urbeltz eta Marian Arregiren Apostoluen soka-dantzaren interpretazioa, Argia Ikerfolk taldearen eskutik.
Ekitaldia STREAMING bidez jarraitu ahalko da, zuzenean.
Zure interesekoa izan daiteke
Inoizko bigarren udarik jendetsuena, Guggenheimentzat
Ekain, uztail eta abuztuan 488.971 bisitari hartu ditu Guggenheim Bilbao Museoak, iaz baino 10.656 gehiago. 2023an hartu zituen bisitari gehien museoak.
Bilboko Arte Ederren Museoak ateak itxiko ditu igande honetatik urriaren 6ra bitartean
Handitze lanak amaitu ondoren, museorako sarrera doan izango da urriaren 6tik 13ra.
Flamenco On Fire jaialdiak ‘tablao’ inprobisatu bihurtu ditu Iruñeko balkoirik enblematikoenak
Iruñeko balkoirik esanguratsuenak benetako ‘tablao’ bihurtu dira berriro egun hauetan, Flamenco On Fire jaialdiaren edizio berri bati esker. Gaur eguerdian, udaletxeko balkoitik, Pedro Heredia 'El Granaino' kantari ezagunak errezitaldi intimo eta hunkigarria eskaini du, Gabriel Lorenteren gitarra-jole bikainak lagunduta. Flamenco On Fire jaialdiaren egitarauak bihar jarraituko du toki berean; hain zuzen ere, Jose Merce maisuaren saioa dago iragarrita bertan.
Yayoi Kusama artista japoniarra hil da, 97 urte zituela
Hain zuzen ere, artista ezaguna abuztuaren 14an hil zen, Tokioko ospitale batean. 2023an "Yayoi Kusama: 1945etik gaurdaino" erakusketa hartu zuen Guggenheimek. Kusama 10 urte zituela hasi zen margotzen, eta, horretarako, ilargien eta patroien errepikapen obsesiboa baliatu zuen, hala nola sareak eta arkuak.
Bilboko Guggenheim, munduko zazpi mirari garaikideetako bat izateko bidean
Guggenheim Bilbao Museoak, aro garaikideko obra enblematikoa izateaz gain, Bilbo nazioarteko kultura-erreferente gisa kokatzea ahalbidetu du, eta eragin sakon zein onuragarria izan du inguruko turismoaren, ekonomiaren eta gizartearen garapenean.
Guggenheim Bilbao Museoak "66-76-26" iragarri du, Steve McQueenek museoarentzat sortutako lana
Instalazioak aurrez aurre jartzen ditu hamarkada batez bereizitako Nina Simoneren (1966) eta David Bowieren (1976) "Wild is the Wind" interpretazio mitikoak.
Ertibil erakusketaren 44. edizioak 18 artista berriren lanak bildu ditu
Rekalde aretoan zabaldu dute Bizkaiko artista berriei laguntzeko erakusketa ibiltaria. Urriaren 18ra arte egongo da Bilbon, eta handik Barakaldora (urriak 21-azaroak 5), Basaurira (azaroak 6-29) eta Igorrera (azaroak 30-abenduak 30) egingo du. Lehen, bigarren eta hirugarren sariak Estela Miguelek eta Markel Gonzalez Elezkanok, Natalia Suarez Ortiz de Zaratek eta Jone Elorriaga Sotok irabazi dituzte.
"Uhinak": Ra Asensiren erakusketa Bilboko Euskal Museoan
2026ko uztailaren 8tik abenduaren 28ra bitartean bisitatu ahal izango da, Miserikordia eraikineko Kukula espazioan. Kantauriko algekin eta oxidoekin egindako beiraztatutako gresezko formak eskaintzen ditu, erakusketa-aldian eboluzionatzen duten materialak.
“Bakoren Burua” ikusgai jarri dute Arabako Bibat Arkeologia Museoan
1976an aurkitu zuten I. mendeko marmolezko eskultura ezaguna, Arkaiako parrokia elizaren inguruan. 13 cm-ko altuera, 9,5 cm-ko zabalera eta 6,5 cm-ko sakonera duen pieza 46 urtez egon da desagertuta, Jon Buesa EAJk Arabako Batzar Nagusietan zuen bozeramaileak epailearen eskariz itzuli zuen arte. Irailaren 30era arte ikusi ahalko da Gasteizko Bibat Arkeologia Museoan.
Carla Filipe eta Taxio Ardanaz artisten lana batu du "Kooperatiba" erakusketak, Tabakaleran
Ángel Calvo Ulloak komisariatutako erakusketak Carla Filipe eta Taxio Ardanaz artistek lengoaia grafikoen eta irudikapen politikoaren inguruan egindako lana biltzen du. Uztailaren 3an irekiko da, Donostiako zentroan, eta urtarrilaren 10era arte egongo da ikusgai.