Aitor Mendiluzek irabazi du lehen itzuliko azken finalaurrekoa
Aitor Mendiluzek bildu ditu puntu gehien azaroaren 12ko igande arratsaldean Durangon izandako Euskal Herriko Bertsolari Txapelketa Nagusiaren lehen itzuliko azken finalaurrekoan.
Mendiluzek 740,5 puntu lortu ditu, eta finalaurrekoetako bigarren itzulian aritzeko txartela eskuratu du horrela. Beraz, Andoaingo bertsolaria oholtza gainean izango da berriro abenduaren 2an, Iruñean.
Durangoko saioaren puntuazioak
Aitor Mendiluze: 740,5 puntu
Miren Amuriza: 678,5 puntu
Jon Maia: 675 puntu
Oihana Iguaran: 671 puntu
Iñaki Apalategi: 648 puntu
Miren Artetxe: 639 puntu
Igande honetako saioa Durangoko Landako Gunean egin dute, eta 2.000 lagunetik gora bildu dira bertan. Finalaurrekoetako lehen itzulia amaituta, bigarrenera sailkatu diren bertsolarien izenak eman dituzte ezagutzera:
Maialen Lujanbio (Irungo irabazlea)
Sustrai Colina (Bastidako irabazlea)
Beñat Gaztelumendi (Maule-Lextarreko irabazlea)
Aitor Mendiluze (Durangoko irabazlea)
Aitor Sarriegi
Igor Elortza
Agin Laburu
Miren Amuriza
Jon Maia
Jon Martin
Oihana Iguaran
Jone Uria
Julio Soto
Unai Agirre
Nerea Ibarzabal
Etxahun Lekue
Alaia Martin
Iñaki Apalategi
Hurrengo saioak
Amurrion, Donibane Lohizunen eta Iruñean izango dira finalaurrekoak datozen hiru asteburuetan; azaroaren 19an, 26an eta abenduaren 2an, hurrenez hurren.
Zure interesekoa izan daiteke
Aroa Arrizubietak irabazi du Arabako Bertsolari Txapelketako Oiongo saioa
Txapelketako lehen saioa irabazita, finalaurrekoetarako pase zuzena eskuratu du gasteizko bertsolariak. Hurrengo saioa otsailaren 15ean izango da Laudioko Kasinoan, 17:30ean.
Arabako Bertsolari Txapelketa, abiatzear
Arabako txapelketaren XVII. edizioko lehen saioa Oionen egingo dute, larunbatean. Aroa Arrizubietak, Felipe Zelaietak, Iñaki Viñasprek, Martin Abarrategik, Sabin Abarrategik eta Unai Andak kantatuko dute.
Euskarak biziraun dezan lan egin duten guztiei eskaini die azken agurra Maddi Ane Txoperenak
Bizkarsoro filmari erreferentzia egin, eta euskararen kontra aritu direnen aurrean altxatu direnak izan ditu gogoan Maddi Ane Txoperenak, Donibane Lohizuneko Jai Alain.
Maddi Ane Txoperenak irabazi du Xilaba Ipar Euskal Herriko Bertsolari Txapelketa
Maddalen Arzallusekin jokatu du azken buruz burukoa, eta, azkenean, Txoperena gailendu da finalean. 2026ko Euskal Herriko Bertsolari Txapelketan bost finalistek hartuko dute parte.
Sei bertsolari, Xilabako finalerako prest
Gaur jokatuko da Lapurdiko, Nafarroa Behereko eta Zuberoako Bertsolari Txapelketako finala, Donibane Lohizuneko Jai Alain. Maialen Hiribarrenek jarriko dio txapela bost emakumek eta gizon batek osatuko duten seikoteko bertsolari irabazleari: Miren Artetxe Sarasola, Maddi Ane Txoperena Iribarren, Irantzu Idoate Funosas, Maddalen Arzallus Antia, Aitor Servier Etxexuri eta Elixabet Etxandi Goienetxe. 17:00etatik aurrera izango da ikusgai, zuzenean, Orain.eus atarian.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Osatu da Xilaba bertsolari txapelketaren finala jokatuko duen seikotea
Larunbateko saioa irabazita, Maddi Ane Txoperenak eskuratu du finalerako txartela, Aitor Servier eta Irantzu Idoaterekin batera. Finala hilaren 31n jokatuko dute, Donibane Lohizunen.
Miren Artetxe gailendu da Xilaba Bertsolari Txapelketako lehen finalaurrekoan eta zuzenean sailkatu da finalerako
Baigorrin jokatu den final aitzinetakoan Maddalen Arzallus izan da bigarrena. Datorren larunbatean Bardozen jokatuko da Ipar Euskal Herriko Bertsolari txapelketaren bigarren final aitzinekoa.
Patxi Etxeberria bertsolaria zendu da, 95 urte zituela
Bertsolari oriotarra ia 60 urtez aritu izan da oholtzaz oholtza eta plazaz plaza bertsotan.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.