Osatu da Xilaba bertsolari txapelketaren finala jokatuko duen seikotea
Larunbateko saioa irabazita, Maddi Ane Txoperenak eskuratu du finalerako txartela, Aitor Servier eta Irantzu Idoaterekin batera. Finala hilaren 31n jokatuko dute, Donibane Lohizunen.
Osatu da Xilaba Xiberoa, Lapurdi eta Baxenabarreko Bertsulari Txapelketaren finala jokatuko duten sei bertsolarien zerrenda: Miren Artetxe Sarasola, Maddalen Arzallus Antia, Maddi Ane Txoperena Iribarren, Aitor Servier Etxexuri, Irantzu Idoate Funosas eta Elixabet Etxandi Goienetxe.
Finala urtarrilaren 31n izango da, Donibane Lohizuneko (Lapurdi) Jai Alain, 17:00etan, eta sarrerak salgai daude jada bertsosarrerak.eus webgunean.
Atzo Bardozen jokatutako bigarren eta azken finalaurrekoarekin osatu da finalean arituko den seikotea. Maddi Anne Txoperena Iribarren gailundu zen atzokoan, 562 puntu jasota, eta bigarren eta hirugarren postuan geratu ziren Aitor Servier Etxexuri (546,5 puntu) eta Irantzu Idoate Funosas (539 puntu).
Hala, hiru horiek gehitu zaizkie aurreko finalaurrekoan Donibane Lohizunerako txartela lortu zuten Miren Artetxe Sarasolari, Maddalen Arzallus Antiari eta Elixabet Etxandi Goienetxeri.
Finalerako sarrerak online agortu ezean, finalaren aurretik, 16:00etan, Jai Alai frontoiko txarteldegian izango dira salgai saltzeko falta direnak.
Zure interesekoa izan daiteke
Nerea Ibarzabalek irabazi du Eibarko finalaurrekoa
Eibarko finalaurrekoa
Txapelketako finalaurrekoak Eibarrera iritsiko dira, bigarren saiorako
Euskal Herriko Bertsolari Txapelketako finaleko sarrerak guztiak saldu dira
Amets Arzallusek irabazi du Euskal Herriko Bertsolari Txapelketako lehenengo finalaurrekoa
Larraun-Lekunberriko finalaurrekoa, zuzenean
Finalaurrekoen ordua, Euskal Herriko Bertsolari Txapelketan
Nerea Elustondok irabazi du Aguraingo saioa, eta ezagun dira jada finalerdietarako sailkatu diren 17 bertsolariak
Xabat Illarregi nagusitu da txapelketako seigarren saioan
