Alaia Martin garaile Amurrioko finalaurrekoan
Orain arteko mailari eutsita, Alaia Martinek pauso handia eman du Bertsolari Txapelketa Nagusiko finalera begira. Izan ere, larunbat arratsaldez Amurrion jokatu den finalerdian garaile izan da Martin 676 puntu biltzea lortu ostean; ariketa guzti-guztietan aurretik aritu da oiartzuarra. Amurrioko Bañueta kiroldegian jokatu dute finalaurrekoetako bigarren itzuliko lehen saioa eta 1.250 lagun bildu dira bertan.
Gaurkoan, Aitor Bizkarraren lana ere nabarmendu da eta bigarren egin du 651,5 punturekin. Hirugarren eta laugarren postuan berdindu dute Oihana Iguaranek eta Onintza Enbeitak (632,5). Agin Laburu bosgarren izan da (624 puntu) eta seigarren Miren Artetxe (595,5). Beñat Vidal aritu da gaiak jartzen.
Epaimahaia hurrengoek osatu dute: dira: Ainhoa Sarasua Lascaray, Aitor Jimenez Tolosana, Amaia Otxotorena Gamio, Iñaki Aurrekoetxea Arkotxa, Mirari Azula Aurrekoetxea, Nerea Bruño Artazkoz eta Zigor Leunda Eizmendi. Idazkari lanetan Joxe Mari Altuna Berridi eta Itziar Basterretxea Olarreaga.
Finalaurrekoen lehen itzulian egindako puntuazioei batuko zaizkie bigarren itzuliko hiru saioetan zehar bertsolariek lortzen dituzten puntuak. Saio horiek denen amaieran puntuazio altuena lortzen duten zazpi bertsolariak pasako dira Iruñeko final handira eta, han, Maialen Lujanbio egungo txapeldunak osatuko du zortzikoa.
Horrenbestez, gaurko saioaren ostean Alaia Martin da finalaurrekoetako sailkapenean lehenengo postuan 1.405,5 punturekin, bigarren da Aitor Bizkarra 1.329 punturekin, hirugarren Oihana Iguaran 1321 punturekin, laugarren Agin Laburu (1.301), bosgarren Onintza Enbeita (1.272), seigarren Miren Artetxe (1.240) eta zazpigarren Aitor Mendiluze, 726,5 punturekin.
Hurrengoak, Baionan eta Bilbon
Bigarren itzuliko lehenengo saioa izan da gaurkoa eta beste bi geratzen dira: bata, azaroaren 26an Baionan jokatuko da; bestea, abenduaren 3an Bilbon. Sarrerak eskuragai daude www.bertsosarrerak.eus atarian.
Zure interesekoa izan daiteke
Abian da Nafarroako Bertsolari Txapelketa
Auritzeko kultur etxean jarri da abian aurtengo Nafarroako Bertsolari Txapelketa. Sei bertsolari izan dira oholtza gainean. Larunbatetik azaroaren 29ra bitartean jokatuko da txapelketa eta 24 bertsolarik hartuko dute parte. Zortzi saio izango dira beste horrenbeste udalerritan. Nafarroa Arenan amaituko da txapelketa.
Xilaba azaroaren 8an hasi, eta urtarrilaren 31n amaituko da, Donibane Lohizunen
24 bertsolarik hartuko dute parte, hamar saiotan, eta horietako sei arituko dira finalean.
Euskal Herriko Bertsolari Txapelketaren finala 2026ko abenduaren 20an izango da, Iruñean
2026ko irailean hasi eta abenduaren 20an amaituko da Bertsolari Txapelketa Nagusia datorren urtean. Lehenago, aurtengo irailetik 2026ko martxora bitartean, Bizkaiko, Nafarroako eta Arabako Txapelketak eta Xilaba Ipar Euskal Herrikoa jokatuko dira.
Nafarroako Bertsolari Txapelketa urriaren 4an hasi eta azaroaren 29an amaituko da, Nafarroa Arenan
24 bertsolarik kantatuko dute Txapelketako zortzi saioetan, tartean Julen Zelaieta, Julio Soto eta Saioa Alkaiza txapeldunek.
Bizkaiko Bertsolari Txapelketa Urdulizen hasi eta Bilbon, Casillan, bukatuko da
Nerea Ibarzabal Bizkaiko azken bi txapelketen irabazleak parte ez hartzea erabaki du. Finalaurrekoak bi bueltatara jokatuko dira oraingoan: lehenengoan hiru saio izango dira, eta bigarrenean bi.
Mixel Aire bertsolari eta artzaina zendu da
Fernando Aire Etxart "Xalbador"en semea zenak 80 urte zituen. Euskal Herriko Bertsolari Txapelketa Nagusian hirutan hartu zuen parte, eta hiru aldiz irabazi zuen Nafarroakoa. Aire Ahizpak abeslari hirukoteko kideen aita zen.
Martin: ''Lasaitasun bat bezala daukat, zorte handia delako horrelako egun bat bizitzeko aukera izatea''
Gipuzkoako bertsolari txapeldun gisa lehen orduak igaro ditu jada Alaia Martinek. Oiartzunen hitzordua izan du goizean ETBrekin, eta atzoko sentsazioei buruz zein etorkizunerako planei buruz aritu da.
Alaia Martinek irabazi du Gipuzkoako Bertsolari Txapelketako finala
Oiartzuarrak Beñat Gaztelumendiren kontra jokatu du azken buruz burukoa. Oihana Iguaran, Ane Labaka, Aner Peritz, Nerea Elustondo, Andoni Rekondo eta Eneritz Artetxe izan dira hurrengoak sailkapenean.
Laguntasunari eskaini dio azken agurra Alaia Martinek: ''Elkarrengandik gertu eta elkarrentzat gertu''
Alaia Martinek irabazi du Gipuzkoako Bertsolari Txapelketako finala. Oiartzuarrak Beñat Gaztelumendiren kontra jokatu du azken buruz burukoa. Oihana Iguaran, Ane Labaka, Aner Peritz, Nerea Elustondo, Andoni Rekondo eta Eneritz Artetxe izan dira hurrengoak sailkapenean.
Gipuzkoako zortzi finalistak, gaurko finalerako prest
Gaur izango da Donostian Gipuzkoako Bertsolari Txapelketaren finala, 17:00etatik aurrera. ETB1en eta eitb.eus-en zuzenean jarraitu ahalko da.