Gutun Zuriak literaturaren eta beste arte batzuen arteko harremana aztertuko du
Gutun Zuria Letren Nazioarteko Bilboko Jaialdiak literaturaren eta beste arte batzuen arteko harremanei begiratuko die apirilaren 2tik 6ra, Carlos Fonsecaren, Bernardo Atxagaren, Joan Fontcubertaren, Valerie Mrenjeneren eta beste hainbat sortzaileren eskutik.
Jaialdia beste diziplina artistiko batzuetara eta, narratibaz haraindi, “sistema literarioaren beste arlo batzuetara” zabaltzeko asmoaren helburua da beste adierazpide batzuk jasotzea eta publiko berriak erakartzea, Fernando Azkuna Zentroaren, jaialdiaren bultzatzaile eta egoitzaren, zuzendari berriaren hitzetan.
Horrela, orain arte jaialdiak sustatu dituen solasaldiei, zeinetan Salman Rushdiek, Margaret Atwoodek eta nazioartean ospea duten beste zenbait egilek parte hartu baitute, beste hainbat ekimen gehituko dizkiote aurtengoan, hala nola artistek gidatutako ikastaroak, mahai-inguruak, editoreen topaketak eta hitza eta soinua uztartzen dituzten kontzertuak.
Bi solasaldi egongo dira aurten, Bernardo Atxagarena bata eta Harkaitz Canorena bestea.
Programa osatzeko mahai-inguruetan, artistek hainbat gai hartuko dituzte hizpide: “Argazkilaritzaren fikzioa”, “Artea kontatzeko artea” eta “Amildegian sakontzen duten irudiak”, esaterako.
Joan Fontcuberta Espainiako Argazkilaritza saridunak, Cristina de Middelek, Carlos Fonseca costarricar eleberrigileak, Valerie Mrejen idazle eta artista bisualak eta Enrique Vila-Matas bartzelonar idazleak hartuko dute parte horietan.
Musikari irekitako tartea Maialen Lujanbio bertsolariak abiatuko du apirilaren 2an; Christina Rosenvingek bere memoriak aurkeztuko ditu ostiralean, apirilak 5; eta Rafael Lechowski poloniar jatorriko rap kantari eta poetank itxiko du apirilaren 6an.
Gutun Zuriaren testuinguruan, Azkuna Zentroak “Inoiz ez erreala / Beti egiazkoa” erakusketa irekiko du apirilaren 14an. Iván de la Nuez saiakeragilea, arte kritikaria eta komisarioa arduradun dela, Gutun Zurian jorratuko diren kontzeptuetako asko izango dira aztergai erakusketan. Lana egin duten 13 artistek bi munduen artean jarduten dute, eta erabateko naturaltasunez lantzen dituzte biak, artea genero literario modura, eta literatura erakusketa proiektu gisa.
Zure interesekoa izan daiteke
Pamielak "Lehoikumea" berrargitaratu du, 1948an Orixek euskaratuta erbesteko Jaurlaritzaren eskariz
Lehoikumea album ilustratuak Jacques Preverten testuak eta Ylla argazkilariaren irudiak biltzen ditu, eta Nikolas Ormaetxea Orixek euskaratu zuen 1948an. Erbestean zen Eusko Jaurlaritzaren eskariz euskaratu zen, aberritik kanporatutako haur euskaldunek zer irakurri izan zezaten. Ia 80 urte geroago, Pamiela argitaletxeak moldatu eta berriz argitaratu du.
Egileekin topaketak, azokak eta ibilbide literarioak protagonista, Liburuaren Egunean
Liburuaren Egunaren ospakizuna Hego Euskal Herriko plaza, liburutegi eta kultur etxeetan zentralizatuko da, publiko guztientzat pentsatutako ekimenekin.
Espainiako Kritikarien Elkarteak Eider Rodriguez eta Ane Zubeldia sarituko ditu
Gipuzkoar idazleek lortu dituzte euskarazko sariak: Rodriguezek, narratiba atalean, Dena zulo bera zen lanagatik, eta Zubeldiak, poesian, Kontra liburuari esker.
Profesionalen eguna, Sarako Idazleen Biltzarra bukatzeko
Apirilaren 5ean abiatutako topagune literarioa gaur bukatuko da, profesionalei eskainitako jardunaldi batean. Aurten, Marikita Tambourin Baigorrin sortutako idazle, irakasle, ikertzaile eta militantea eta Anne-Marie Lagarde zuberotar idazle, ikertzaile eta antropologoa omendu dituzte.
Jabier Muguruza musikari eta idazleak bere lehen eleberria argitaratu du: "Café Mokka"
Eleberria “lehen pertsonako kontakizun intimo eta ironikoa eskaintzen du, kafetegi baten egunerokotasunetik abiatuta. Café Mokka kafetegia behatoki soziokultural bilakatzen da, non bezeroen elkarrizketek eta eguneroko egoerek gizartearen kontraesanak, joerak eta aldaketak islatzen dituzten”.
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.
Gutun Zuria jaialdiak Gerediaga Elkartea eta Valerie Miles sarituko ditu
Gaur, asteartearekin, hasiko da Bilboko literatur jaialdia, eta hilaren 28ra arte iraungo du. Aurten, Gerediaga Elkarteari, Durangoko Azoka antolatzaileari, eta Valerie Miles idazle eta editore estatubatuarrari eskainiko dizkie ohorezko sariak.
Euskaltzaindiak eta EIEk hitzarmena sinatu dute, idazle gazteei laguntzeko
Euskaltzaindiak eta Euskal Idazleen Elkarteak (EIE) lau urterako akordioa adostu dute. Euskaltzaindiak urtean bi ikastaro emango dizkie EIEren bazkideei, bekak deituko ditu eta mentoretza programa abiatuko du. Andres Urrutia euskaltzainburuak, Mikel Ayllon EIEko zuzendaritza batzordeko kideak eta Miren Agur Meabe idazle eta Euskaltzaindiaren idazkariak hartu dute parte ituna sinatzeko ekitaldian.