Saiakerari eskainiko diote Gutun Zuriaren hamargarren edizioa
Gutun Zuria Letren Bilboko Jaialdiaren X. edizioak saiakera izango du ardatz, martxoaren 31tik apirilaren 4ra. Literatura jaialdian parte hartuko duten egileen artean egongo dira Alma Guillermoprieto, Javier Gomá eta Paul B. Preciado, besteak beste.
Guillermoprieto mexikarrak, 2018ko Komunikazio eta Giza Zientzien Asturiasko Printzesaren sariaren irabazleak, abiatuko du hamargarren edizioa, emakumeek gaur egun betetzen duten rolaren inguruko hitzaldi batekin.
“Saiakera hemen hasten da” goiburua izango du aurtengoak, eta, horren haritik, literatura genero gisa duen izaeratik harago jorratuko dute, “kultura-prozesutzat, pentsamendu garaikidetzat eta, azken batean, kulturan jarduteko eredutzat”.
Hala, bada, gai hauek hartuko dituzte hizpide: “Big Data eta feminismoa, duintasunaren eta duintasun ezaren aurpegi ugariak, artea praktika eta diskurtso gisa, trap-aren filosofia millenniala, mutazio betean dagoen euskal literaturaren eredugarritasuna eta argazki finkoa, transkulturala eta transexuala, fikzioa eta egia, testua eta gorputza”, gaurko aurkezpenean zehaztu dutenez.
Albiste gehiago literatura
400 lagunek Bizenta Mogelen "Ipui onak" irakurriko dute ostegunean, Arriagan
Emakume batek argitaratu zuen euskarazko lehen liburua aukeratu dute Bilbo Zaharra euskaltegikoek Klasikoen Irakurketa Etenik Gabearen XVIII. ediziorako. Nerea Ibarzabal markinar idazle eta bertsolariak abiatuko du saioa, 08:00etan.
Jabier Kalzakortak Bilboko Liburu Azokako Urrezko Luma jaso du
Markinar irakasle, ikertzaile, euskaltzain eta idazleak jaso du Bilboko literatura hitzorduaren garaikurra. Herri literaturan aditu handia da Kalzakorta.
Jabier Kalzakorta: ''Neska harrigarri argia zen Bizenta Mogel''
Markinar euskaltzain, irakasle eta ikertzaileak Bizenta Mogelen argitasuna azpimarratu du.
Bizenta Mogel, "zigor zaurigarriaren beldur" izan ez zen idazlea
Ekainaren 5ean, "Ipuin onak" Bizenta Mogelen liburua irakurriko dute Arriaga antzokian, Klasikoen XVIII. Irakurketa Jarraituan. Euskaraz idatzi zuen lehen emakumetzat hartu izan da Bizenta, Joan Antonio Mogel "Peru Abarka"ren egilearen iloba.
Miren Agur Meabe, Dolores Redondo eta Mircea Cartarescu, Bilboko Liburu Azokako zilarrezko lumen irabazle
Maiatzaren 30etik ekainaren 8ra egingo da Areatzan 55. Bilboko Liburu Azoka. Hurrengo egunetan sari gehiago banatuko dira, besteak beste, Urrezko Luma eta Kutxabank Atea sariak.
Ngugi Wa Thiong'o kenyar idazlea zendu da
Thiong'ok kikuyu hizkuntzan idazten zuen eta Nobel sarirako hautagai izan zen sarritan; 87 urteko idazlearen hainbat lan daude euskaratuta, "Gerra garaiko ametsak" lan autobiografikoa, berbarako.
Esteban Urkiaga 'Lauaxeta' omendu dute haren jaiotzaren 120. urteurrenean
Bizkaiko Foru Aldundiak ekitaldi bat egin du gaur Laukizen, "Bide barrijak" eta "Arrats beran" sortu zituen poetaren jaiotzaren urteurrena ospatzeko.
Literaturak eskaintzen duen ihesbidea ospatuko du Literaturiak
Maiatzaren 23tik 25era egingo dute Literaturia Zarautzen, aurten 'Ihes' lelopean. Liburu azoka, liburu aurkezpenak, elkarrizketak, eta musika, antzerki eta bertso emanaldiak bildu dituzte programan.
"Pleibak" Miren Amurizaren liburuak irabazi du 111 Akademiaren saria
111 Akademia literaturazaleen elkarteko kideen bozketen arabera, Miren Amurizaren eleberria izan da 2024. urteko literatura lanik onena.
Paloma San Basiliok "Uxoa, el secreto del valle" aurkeztu du, Baztanen girotu duen eleberri berria
Artista madrildarrak Iruñean aurkeztu duen eleberriak galerei, doluari eta bizitzan aurrera egiten saiatzeari buruzko hausnarketa egiten du. "Ez da autobiografikoa, baina galera baten eta berreraikuntza baten istorioa da", azaldu du idazleak.