Literaturaren Nobel saria, Annie Ernauxentzat
Annie Ernaux frantziar idazleak jasoko du aurtengo Literaturaren Nobel saria, "memoria pertsonalaren sustraiak, banatze-prozesua eta mugatze kolektiboa azaleratzeko erakusten dituen ausardiagatik eta zorroztasun klinikoagatik".
Euskaraz ere aurki ditzakegu bere lan batzuk: Begira zenbat argi, maitea (itzultzailea: Xabier Aranburu), Emakume bat (itzultzailea: Itziar de Blas Fernandez de Gamarra), Gertakizuna, Lekua eta Pasio hutsa (hiru horiek Joseba Urteagak itzuli ditu).
Ernauxek fedea du "idazkeraren indar askatzailean", eta bere obra "zorrotza" mintzaira "soil eta garbitasunera arte inausiaz" dago idatzita, Akademiako kideen hitzetan.
Epaimahaiaren arabera, Ernauxek modu sendoan eta hainbat ikuspegitatik aztertzen du "genero, hizkuntza eta klase mailan desberdintasun handiak erakusten dituen bizitza", Euskarari Ekarriak webguneak jasotzen duenez.
1940an Normandian jaioa, Ernauxek 1974an argitaratu zuen bere lehen lana, Les armoires vides, baina La placek hauspotu zuen bere literatura ibilbidea.
Bere idazkerak esperientzia autobiografikoak ditu iturburu, eta fikzioa, soziologia eta historia uztartzen ditu bere familiako istorioak eta berari geratutakoak kontatzeko, hala nola abortua edo bularreko minbizia.
Idazleak adierazi du "ohore eta erantzukizun handia" dela saria jasotzea.
Gaur arte, sariaren 122 urteko historian, Suediako Akademiak 118 idazle saritu ditu (batzuetan ez dio saria inori eman, eta beste batzuetan, idazle bat baino gehiago saritu du), horietako 16 baino ez, emakumeak, eta guztien % 80, Europakoak edo Ipar Amerikakoak. Ingelesezko idazleek jaso dituzte sari gehien, 31k, frantsesezko eta alemanezkoen (14) eta gaztelaniazkoen (11) aurretik.
Zure interesekoa izan daiteke
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.
Gutun Zuria jaialdiak Gerediaga Elkartea eta Valerie Miles sarituko ditu
Gaur, asteartearekin, hasiko da Bilboko literatur jaialdia, eta hilaren 28ra arte iraungo du. Aurten, Gerediaga Elkarteari, Durangoko Azoka antolatzaileari, eta Valerie Miles idazle eta editore estatubatuarrari eskainiko dizkie ohorezko sariak.
Euskaltzaindiak eta EIEk hitzarmena sinatu dute, idazle gazteei laguntzeko
Euskaltzaindiak eta Euskal Idazleen Elkarteak (EIE) lau urterako akordioa adostu dute. Euskaltzaindiak urtean bi ikastaro emango dizkie EIEren bazkideei, bekak deituko ditu eta mentoretza programa abiatuko du. Andres Urrutia euskaltzainburuak, Mikel Ayllon EIEko zuzendaritza batzordeko kideak eta Miren Agur Meabe idazle eta Euskaltzaindiaren idazkariak hartu dute parte ituna sinatzeko ekitaldian.
Hitza erdigunean jarriko du Gutun Zuriak berriz, 19. edizioan
Bernardo Atxagak, Alana S. Porterok, Karmele Jaiok, Layla Martinezek, Harkaitz Canok, Mario Obrerok, Miren Agur Meabek eta beste hainbat idazlek parte hartuko dute letren Bilboko nazioarteko jaialdian.
Xabier Montoiak "Bakea, bakea" eleberria aurkeztu du
Inazio Osa 43 urteko donostiarrak hondamendia biziko du ama hiltzean, "baina laster ikasiko du oker dagoela oso, deskalabrurik handienean ere beti baita posible zuloan beherago erortzea, are eta zoritxar handiagoak etortzea".
'Lauaxeta, ametsen egilea' erakusketa Euskal Abertzaletasunaren Museora iritsi da, Bilbora
Sabino Arana Fundazioaren Euskal Abertzaletasunaren Museoak Lauaxeta, ametsen egilea erakusketa ibiltaria izango du ikusgai Sabin Etxean, Bilbon, martxoaren 12ra arte. Bizkaiko Foru Aldundiak antolatu du erakusketa, museoarekin lankidetzan, Esteban Urkiaga Lauaxeta euskal olerkari eta idazlearen jaiotzaren 120. urteurrena gogoratzeko.
Gutun Zuria jaialdiak Gerediaga Elkartea eta Valerie Miles idazlea sarituko ditu
Gutun Zuria Bilboko Letren Nazioarteko Jaialdiaren 19. edizioa otsailaren 24tik 28ra egingo dute. Literatura eta argitalpen esparruko hogeita hamar bat sortzailek parte hartuko dute, eta “datozen egunetan” iragarriko dute programazioa.
Doinuelek 2026ko hitzorduak aurkeztu ditu
Euskarazko Plazen Sareak aurten egingo dituzten euskarazko literatura azokak aurkeztu ditu, Iruñean: Baztango (H)ilbeltza, Oiartzungo Literatura Plazara, Azokitiko Gure Gelatik, Zarauzko Literaturia, Ziburuko Euskal Liburu eta Disko Azoka, Hernaniko Liburu eta Disko Azoka, Sarako Ikusi Mikusi, Oiartzungo Hitzen Lihoa eta Lazkaoko Liburu eta Disko Azoka.