Nobela beltzaren hila
Ostiralean, "Oraingoz izen gabe" Jose Julian Bakedanoren filma proiektatuko dute Iruritan, (H)ilbeltza jaialdiaren barruan.
Ilbeltza da, bat edo bat bada, zinema eta eleberri beltzaren hilabete nagusia Euskal Herrian. Ilbeltzaren, urtarrilaren, eskutik iritsi dira, izan ere, gaurtik, hilaren 19tik aurrera, genero noiraren euskal zaleen hitzordu ezinbesteko bi: (H)ilbeltza Euskal Nobela Beltzaren Baztango Astea eta Pamplona Negra Literatura eta Zinema Beltzaren Iruñeko jaialdia.
Baztango jaialdiari Arizkunen emango diote hasiera; 19:30ean, Amaia Apalauza itzultzaileak Nuria Cadenas idazlearen Guillem liburua aurkeztuko du, (H)ilbeltzaren VIII. Bekaren lan irabazlea.
Asteazkenean, Anizen, Ernesto Pratek Muga hautsien hegalak liburua aurkeztuko du, eta ostiralean, hilak 23, Oraingoz izen gabe José Julián Bakedanoren film ertaina proiektatuko dute, Iruritako Gizarte Bilgunean.
Asteburuan, larunbatean, Bea Salaberrik eta Aingeru Epaltzak “Basque noir edo euskal nobela beltza?” mahai inguruan parte hartuko dute Arizkunen, 11:00etan, eta gero bazkaria egongo da, Erratzun. Bazkalondoan, Amorante frantsesa (Miren Agur Meabe), Haize beltza (Amaiur Epher) eta Azpijokoa Azpiazun (Iñaki Dorronsoro) liburuak aurkeztuko dituzte eta ilunabarrean “Izar bat eskuan, susmagarrien gaua” jokatuko dute Erratzuko ostatuetan.
Igandean, jaialdia bukatzeko, Isiltasunerat errendituak Itzuli beltz dramatizatua egingo Erratzuko kanposantutik abiatua, eta Pinpilipauxa horiak emanaldia egingo du Mairu antzerki taldeak.
Iruñea beltza
Iruñeko literatura eta zinema jaialdiak estereotipoen gaineko azterketa bat proposatuko du, pertsona batzuk arriskutsutzat eta beste batzuk errugabetzat hartzera gidatzen gaituzten arrazoiei buruz, Susana Rodríguez Lezaun zuzendariak azaldu duenez.
Jaialdian izango dira, besteak beste, Arturo del Burgo, Jon Arretxe, Arantxa Rufo, Santiago Díaz, Alaitz Leceaga, Mikel Santiago eta Laura Balagué idazleak, ibilbide antzeztuak egin ahalko dira, euskaraz zein gaztelaniaz, eta Arsenic and Old Lace filma ikusi ahalko da, besteak beste.
Zure interesekoa izan daiteke
Espainiako Kritikarien Elkarteak Eider Rodriguez eta Ane Zubeldia sarituko ditu
Gipuzkoar idazleek lortu dituzte euskarazko sariak: Rodriguezek, narratiba atalean, Dena zulo bera zen lanagatik, eta Zubeldiak, poesian, Kontra liburuari esker.
Profesionalen eguna, Sarako Idazleen Biltzarra bukatzeko
Apirilaren 5ean abiatutako topagune literarioa gaur bukatuko da, profesionalei eskainitako jardunaldi batean. Aurten, Marikita Tambourin Baigorrin sortutako idazle, irakasle, ikertzaile eta militantea eta Anne-Marie Lagarde zuberotar idazle, ikertzaile eta antropologoa omendu dituzte.
Jabier Muguruza musikari eta idazleak bere lehen eleberria argitaratu du: "Café Mokka"
Eleberria “lehen pertsonako kontakizun intimo eta ironikoa eskaintzen du, kafetegi baten egunerokotasunetik abiatuta. Café Mokka kafetegia behatoki soziokultural bilakatzen da, non bezeroen elkarrizketek eta eguneroko egoerek gizartearen kontraesanak, joerak eta aldaketak islatzen dituzten”.
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.
Gutun Zuria jaialdiak Gerediaga Elkartea eta Valerie Miles sarituko ditu
Gaur, asteartearekin, hasiko da Bilboko literatur jaialdia, eta hilaren 28ra arte iraungo du. Aurten, Gerediaga Elkarteari, Durangoko Azoka antolatzaileari, eta Valerie Miles idazle eta editore estatubatuarrari eskainiko dizkie ohorezko sariak.
Euskaltzaindiak eta EIEk hitzarmena sinatu dute, idazle gazteei laguntzeko
Euskaltzaindiak eta Euskal Idazleen Elkarteak (EIE) lau urterako akordioa adostu dute. Euskaltzaindiak urtean bi ikastaro emango dizkie EIEren bazkideei, bekak deituko ditu eta mentoretza programa abiatuko du. Andres Urrutia euskaltzainburuak, Mikel Ayllon EIEko zuzendaritza batzordeko kideak eta Miren Agur Meabe idazle eta Euskaltzaindiaren idazkariak hartu dute parte ituna sinatzeko ekitaldian.
Hitza erdigunean jarriko du Gutun Zuriak berriz, 19. edizioan
Bernardo Atxagak, Alana S. Porterok, Karmele Jaiok, Layla Martinezek, Harkaitz Canok, Mario Obrerok, Miren Agur Meabek eta beste hainbat idazlek parte hartuko dute letren Bilboko nazioarteko jaialdian.
Xabier Montoiak "Bakea, bakea" eleberria aurkeztu du
Inazio Osa 43 urteko donostiarrak hondamendia biziko du ama hiltzean, "baina laster ikasiko du oker dagoela oso, deskalabrurik handienean ere beti baita posible zuloan beherago erortzea, are eta zoritxar handiagoak etortzea".