Mario Vargas Llosa Literaturaren Nobel sariduna hil da, 89 urterekin
Mario Vargas Llosa idazlea, 2010eko Literaturako Nobel sariaren irabazlea, hil da, 89 urte zituela, Lima Peruko hiriburuan, familiak ohar baten bidez jakinarazi duenez.
"Alde egiteak senideak, lagunak eta irakurleak munduan zehar atsekabetu ditu, baina espero dugu kontsolamendua aurkitzea, guk bezala, bizitza luzea, anitza eta emankorra izan zuelako, eta atzean bizirik iraungo dion obra bat utzi duelako", adierazi dute Alvaro, Gonzalo eta Morgana Vargas Llosa seme-alabek.
Haren senideek iragarri dutenez, ez da zeremonia publikorik egingo idazlearen omenez, eta "familia eta gertuko lagunekin agurtzeko espazioa eta pribatutasuna izatea" espero dute.
Vargas Llosa 1936ko martxoan jaio zen Arequipan (Peru), eta espainiar nazionalitatea du 1993tik, eta dominikarra, 2022tik. Azken hilabeteetan, agerpen publiko gutxiago egin ditu.
Euskaraz, Pantaleon eta bisitariak eleberria dago irakurgai, Santi Leonek 2011n itzulia. Latinoamerikako idazleen boomaren ordezkariak (Julio Cortazar, Gabriel Garcia Marquez eta Carlos Fuentes izan zituen lagun, besteak beste) La ciudad y los perros (1963), Conversación en La Catedral (1969), La guerra del fin del mundo (1981), La fiesta del chivo (2000) eta Le dedico mi silencio (2023) eleberriak idatzi zituen, besteak beste.
Bere ibilbde luzean, hainbat eta hainbat sari jaso zituen Vargas Llosak, hala nola Literaturaren Nobel saria (2010), Romulo Gallegos saria (1967), Asturiasko Printzearen Literatura saria (1986) eta Cervantes saria (1994).
Zure interesekoa izan daiteke
Bernardo Atxaga: "Pertsonaiarik gabe ez dago nobelarik"
Bernardo Atxaga idazleak Enarak eleberria (Pamiela argitaletxea) aurkeztu du gaur Arte Ederren Bilboko museoan.
Lourdes Oñederra: “Isiltasuna zentsura edo auto-zentsura bada, bakerik gabe bizitzera kondenatzen gaitu”
Donostiar idazleak “Azken batean” liburua argitaratu du, bere hirugarren eleberria. Ama-alaba heldu batzuen bizitzan sakonduz, absentzia, isiltasuna eta indarkeria kartografiatu ditu Oñederrak.
Karmele Mitxelenak, Laura Chivitek eta "Gerra Gazan" liburuak Zilarrezko Euskadi sariak jaso dituzte
GIpuzkoako liburu-denden elkarteak Zilarrezko Euskadi sariak banatu ditu goizean; Karmele Mitxelenak (Zoriona, edo antzeko zerbait), Laura Chivitek (El ataque de las cabras) eta Joe Saccoren Gerra Gazan (Astiberri argitaletxea) lanek jaso dituzte literatura lanei bigarren aukera bat eman nahi dien golardoa.
Espainiako Kultura Ministerioak Xabier Olarra eta Marian Ochoa de Eribe itzultzaileak saritu ditu
Olarra tolosarrak Itzultzailearen Obraren Espainiako Saria jaso du, eta Maria Angeles Ochoa de Eribe bilbotarrak Itzulpen Onenarena, “Theodoros” Mircea Cărtărescuren eleberria gaztelaniara eramateko orduan egindako lanagatik. Sari bakoitzak 30.000 euroko diru saria dakar.
Garazi Albizuak, Koldo Bigurik, Markos Zapiainek eta Itxaso del Castillok ere irabazi dituzte Euskadi sariak
Gaztelaniazko Literatura, Euskarazko Literatura Itzulpena, Saiakera Euskaraz eta Saiakera Gaztelaniaz modalitateetako irabazleak dira, “Termita”, “Arturoren uhartea. Ume baten oroitzak”, “Txillardegi hizkuntzalari” eta “Mujeres furiosas. El monstruo femenino en el audiovisual de terror” lanekin. Joan den astean, Unai Elorriaga, Karmele Mitxelena eta Maite Rosende idazleek ere jasoko dutela iragarri zuten.
‘Linguae Vasconum Primitiae’, urriaren 11tik aurrera ikusgai Baionako Euskal Museoan
Linguae Vasconum Primitiae liburuaren ale bakarra Baionako Euskal Museoan ikusi ahal izango da larunbat honetatik urtarrilaren 11ra. 1545ean Bordelen argitaratutako lan hau "mugarria" da euskal literaturan, eta autoreak berak (Bernart Etxepare) eman dio izena Institutuari. Linguae Vasconum Primitiae lanak 28 orrialde ditu, eta, itxura xumea izan arren, garrantzi berezia du euskal ondarearen historian.
Eider Rodriguez: "Normaltasun nahiaren azpian ezkutatzen den ezinegona agerrarazten saiatu naiz"
Eider Rodriguez idazleak "Dena zulo bera zen" (Susa, 2025) liburua argitaratu du. Lanak sei kontakizun biltzen ditu.
Euskaltzaindiak Gabriel Arestiren idatzi eta objektuak bildu ditu Bilbon
Idazlearen heriotzaren 50. urteurrenean, Arestik literatura aldizkarietan egin zituen lehen argitalpenak eta objektu ikonikoak jarri dituzte erakusgai Bizkaiko Foru Liburutegian, haren betaurreko ikonikoak esate baterako.
Tere Irastortzaren poemen katalanerako itzulpenarentzat, Etxepare-Laboral Kutxa Itzulpen saria
‘Glosak·Glossar el món’ Manel Rodríguez-Castellok eraman du katalanera, eta Contrabando valentziar argitaletxeak kaleratu du. 4.000 euro jasoko dituzte.
Literatura Nobel saria, László Krasznahorkairentzat
Suediako Akademiak hungariar idazlearen obra goraipatu du, "lan sinesgarri eta irudikorra" baita, "terrore apokalptikoaren erdian artearen boterea berresten duena".