EOSa esentziara bueltatuko da, publiko zabalago batengana heltzeko
Euskadiko Orkestrak, bere jarduera nagusia, 2012-2013 Denboraldia aurkeztu du gaur Musika Irekia lelopean. Irekia bere musika hainbat formatuetan eskaintzen duelako, matinéeak direla, Musika Gela, KlasikAt zikloa, musika laborategia, grabazioak etab., ahalik eta publiko zabalenera iristeko. Guztira 15 abonu programa eskainiko dituzte denboraldi berrian.
30 urtetan, 3.000 emanaldi baino gehiago eskaini ditu Euskadiko Orkestrak eta hiru miloi entzuletik gora izan ditu. Denboraldi berria aurkeztu duten arren, denboraldi hontako hiru programa eskainiko ditu oraindik maiatza eta ekaina bitartean, beste hainbat jarduera ditu egiteko, grabazioak, matinéeren bat, Musika Hamabostaldian parte hartzea, etab. Denboraldi berria irailean hasiko da eta beraiek dioten bezala kolore askodun mosaikoa izango da, obra garrantzitsuak nahiz gutxi ezagutzen direnak, lehenbizikoz interpretatuko diren 17 obra, kolaborazio berriak, guztira 15 abonu programa eskainiko dira 2012-2013 denboraldian, Iñigo Alberdi Orkestraren zuzendari nagusiak azaldu duenez.
Denboraldi berriaren amaieran, datorren urteko maiatzean, Mahleren 6. Sinfonia estreinatuz egingo du bere azken kontzertua Andres Orozco Estradak Orkestraren zuzendari titular bezala.
Ekoizpen diskografikoari dagokionez Orkestrak 15. Zenbakiarekin itxiko du Euskal Konpositoreen Bilduma Carmelo Bernaolari eskainitako lanarekin, eta Klasik At zikloan Ken Zazpi taldearekin arituko denez talde honekin ere grabatuko du diskoa.
Denboraldi berri hau azkena izango da Andres Orozko Estrada zuzendari titularrarentzat. Orozko Estradak "arrazoi personalak tarteko" esan du utziko duela zuzendaritza, nahiz eta orkestran jarraituko duen beste zeregin batzuetan.
Zure interesekoa izan daiteke
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.
Pantxoa eta Peio bikoak azken bira bat egingo du agur kontzertuen aurretik
2027ko urtarrilaren 9 eta 10ean BECen azken kontzertuak egin aurretik, bikote historikoak bost kontzertu eskainiko ditu Santutxu Bilboko auzoan (maiatzaren 9an), Baluarte Iruñeko jauregian (maiatzaren 24an), Lesakan (irailaren 5ean), Bergaran (irailaren 16an) eta Lauga Baionako kiroldegian (abenduaren 11n). Sarrerak astelehenean (apirilaren 13an) jarriko dituzte salgai.
BOSek Euskaldunara eramango du Kobetamendi
Ostiralean, apirilak 10, Bilbao Orkestra Sinfonikoak Bilbao BBK Live jaialdian jo duten hainbat talde eta musikariren kantuen bertsio sinfoniko berriak interpretatuko ditu, Euskaldunan. Talde eta artista hauen abestiak prestatu dituzte: The Cure, Depeche Mode, Arcade Fire, Pulp, Radiohead, The Strokes, Florence + The Machine, Muse, R.E.M., Guns N’ Roses, Coldplay eta Rosalía, besteak beste.
Olaia Inziartek "Zerrautsa" diskoa aurkeztu du Bilbao Basque Festen
Olaia Inziarte abeslariak Zerrautsa izeneko bere bigarren diskoa aurkeztu du Bilbao Basque Fest jaialdian. “Zerrautsa” bere barrura egindako bidaia bat da, ahultasunari eta emozioei tartea eginez.
Lan Eskaintza Publikoa egingo da, Donostiako Jazzaldiaren zuzendari berria hautatzeko
Lanpostua aldi baterako betetzeko hautaketa prozesuak ez du emaitzarik eman, bi hautagaik uko egin baitiote lanpostua aldi baterako betetzeari. LEP bidez, behin betiko beteko da postua orain.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
"Agur esan barik" dokumentala aurrestreinatuko du Gatibuk
Gatiburen ibilbideko azken urtean filmatutako lanak taldearen bideari begiratzen dio, Jabi Elortegi zuzendariaren ikuspegitik. Gaur aurrestreina egingo dute Bilbon, eta irailetik aurrera egongo da ikusgai, zinema jaialdietan eta Primeran plataforman.
Juan Diego Flórez, Sokolov eta Juanjo Mena, Donostiako Musika Hamabostaldian
Perutar tenorrak irekiko du jaialdia, abuztuaren 2an, Italiako eta Frantziako opera, zarzuela eta musika hegoamerikarreko piezekin eraikitako programa batean, pianistak Beethoven eta Schuberten obrak interpretatuko ditu eta gasteiztar maisuak "Arriaga harrigarria" kontzertua zuzenduko du.
Sun Ra Arkestra eta Snarky Puppy, Gasteizko jazz jaialdiko kontzertu nagusiak ixteko
Ruben Blades, Gretchen Parlato, Take 6, The Bad Plus, Irene Reigen laukotea eta Magali Sare eta Manel Fortiá bikotea arituko dira Mendizorrotzan. Sarrerak bihar, hilak 27, jarriko dituzte salgai.