Ray Davies, Bobby McFerrin, Chick Corea eta John Scofield, Jazzaldian
Donostiako 49. Jazzaldiak Bobby McFerrin, Chick Corea, Stanley Clarke, John Scofield eta Dave Holland maisu handiak hartuko ditu uztailean, eta Ray Davis batuko zaie horiei, The Kinks britainiar talde historikoko abeslaria.
Halaber, Muhal Richard Abrams, Enrico Rava, L'Ochestre d'Hommes-Orchestres, Wadada Leo Smith, Ibrahim Electric eta René Marie ere igoko dira Donostiako agertokietara udan, uztailaren 23tik 27ra.
Jazzaldiak astearte honetan iragarri ditu programako lehen izenak. Aurreko ekitaldietan bezala, musikak Trinitate plaza, Kursaaleko entzunaretoa, Victoria Eugenia antzokia, San Telmo museoa, Zurriolako hondartzako Agertoki Berdea eta Kursaaleko terrazak hartuko ditu.
Jazzaldiko antolatzaileek esan dutenez, "iragarpen garrantzitsuak" falta dira kartela osatzeko.
Chick Corea pianista eta Stanley Clarke baxu-jotzailea, Return to Foreverren ibiltakoak, bikote gisa helduko dira aurten Donostiara; John Scofield, berriz, Überjam bere taldearekin, eta Dave Holland baxu-jotzailea Prism proiektuarekin.
Ray Daviesek 1963an hasi zuen ibilbidea The Kinksekin, eta egun, 69 urte dituela, publiko gaztea hari begira jarri da ostera ere; Glastonury jaialdian arrakastaren bitsetan ibili zen, esaterako.
Bobby McFerrin eta horren berezkoak dituen ahots-jokoak Donostian izango dira berriz ere. "Spirityouall" ikuskizunean, musika beltz espiritualeko klasikoak berrasmatzen ditu.
Zure interesekoa izan daiteke
Sigur Rós talde islandiarrak Bilbon joko du irailaren 15ean
Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.
Basoa eta Lasai Bilbao BBK Live jaialdiko guneek osatu dute aurtengo kartela
2manydjs (DJ set), Donato Dozzy, Erol Alkan, Meritxell de Soto, DJ Koze, Somadamantina (live) eta beste hainbat disko-jartzaile arituko dira jaialdiko bi gune elektronikoetan.
Abestu Euskadiko Orkestrarekin ekimenaren bigarren edizioa Euskaldunara iritsiko da gaur
Aurten 132 abeslari ez profesionalek parte hartuko dute ekimen honetan, orkestrarekin eszenatokian zuzenean abestuz. Gaur Bilbon arituko dira, Euskalduna Jauregian, eta datorren astean bi emanaldi eskainiko dituzte Donostian, Kursaal Jauregian.
Juanjo Mena, euskal batuta unibertsala
Musikari gasteiztarra Bilboko Orkestra Sinfonikoaren, BBCko Orkestra Filarmonikoaren eta Cincinnatiko Maiatzeko Jaialdiaren zuzendari titularra izan da, eta Arabako Urrezko Domina eta Gasteizko Seme Kutunaren izendapena jaso ditu.
Euskal orkestra-zuzendariak bideo hau kaleratuta eman zuen jakitera alzheimerra zuela
Nazioartean ospe handia duen zuzendariak 2025ean eman zuen diagnostikatu zioten gaitz horren berri, eta "lasaitasunez eta musikarekiko esker onez" aurre egingo ziola esan zuen.
Juanjo Menak agur esango dio publikoari aurten
Gasteizko orkestra-zuzendariaren aurtengo kontzertuak “podiumetik” egingo dituen azkenak izango dira, eta egindako bidea gogoratu nahi du berorietan. Alzheimerra detektatu ziotela iragarri zuen 2025eko urtarrilean.
Eñaut Elorrieta diskoa grabatzen ari da, Bryce Dessner eta David Chalmin ekoizleekin
Musikaria The National taldeko gitarristarekin eta Triple Sun taldeko kidearekin ari da bere hurrengo lana ontzen, Senperen. Bon Iver, Sufjan Stevens, Bruce Springsteen, Nick Cave, Taylor Swift eta Madonna musikariekin zein Labèque ahizpekin aritutako musikariek parte hartuko dute saioetan.
Bilbao All Star Blues Band, Travellin’ Brothers eta The Cherry Boppers, Bilbao Blues Festivalen
Festibalaren bosgarren edizioan Bilbao All Star Blues Band taldeak joko du, jaialdirako propio sortua eta Bob Stroger baxu-jotzaileak eta Willie Buck abeslariak osatzen dutena, besteak beste.
Gure Ahotsak zikloak Clara Peya, La Tremendita, Chica Sobresalto, Mirua eta Neomaken kontzertuak eskainiko ditu
Emanaldi errenkadak emakume musikarien kontzertuak antolatu ditu berriz Donostian, martxoaren 3tik 7ra.
ETS, Nøgen, Hofe, Danielle Nicole eta Ibibio Sound Machine, Zurriolan Jazzaldian
Donostiako 61. Jazzaldian Zurriolako hondartzan, Keler Gunean, doako kontzertuak eskainiko dituzten talde eta artisten izenak iragarri dituzte. Uztailaren 22tik 25era, zortzi kontzertu izango dira.