Benito Lertxundik Gipuzkoako Urrezko Domina jaso du
Benito Lertxundi abeslariak Gipuzkoako Urrezko Domina jaso du ostegun honetan, bere ibilbidea goretsita, ekitaldi berezi batean. Bertan, harrerako familien lana eta frankismoaren kastigua jaso duten emakumeak ere omendu dituzte.
Martin Garitano ahaldun nagusia izan da ekitaldi garrantzitsuaren buru, eta hark eman ditu sariak, foru jauregian, duela gutxi Bilduk Gipuzkoa plazan ezarritako ikurrina handitik zenbait metrora.
Ekitaldira, bestak beste, ondorengo hauek joan dira: Foru diputatu guztiak, Lohitzune Txarola Gipuzkoako Batzar Nagusien presidentea eta EH Bildu eta EAJ alderdietako prokuradoreak. 18:30ean hasi da, "ezpatadantza" bat egin die saria jaso duten kide guztiei.
Partekatutako saria
Hitzaldian, Lertxundik ibilbidean berekin lan egin duten musikariak, profesionalak eta lagunak gogoratu ditu, eta jasotako sariaren "zati handi bat" eurena eta urteotan jarraitu duen jendearena dela guztiz konbentzituta azaldu da.
"Orioko bardoa" bezala ezaguna den abeslariaren hitzetan, "ohorea" da Gipuzkoako dominen "klubean" sartzea. Besteak beste, Nestor Basterretxea eta Mikel Laboa euskal artistak daude bertan.
Aldundiak aurten sari nagusia, Gipuzkoako Urrezko Domina, Benito Lertxundi gipuzkoarrari ematea erabaki zuen, euskal kulturan eta euskarari egindako ekarpenean izandako ibilbideagatik.
Musikari eskainitako bost hamarkada baino gehiago
Lertxundik (Orio, 1942) musikari bizitzako bost hamarkada baino gehiago eskaini dizkio. Kaleratutako diskoen artean: "Oro laño mee batek" (1974), "Zuberoa/Askatasunaren semeei" (1977), "Pazko gaierdi ondua" (1989) eta "Hitaz Oroit" (1996).
Maitasuna, protesta, tradizioak, Zuberoako folklorea, kantu epikoak, euskal poetei musika ipini die eta bere konposaketa propioak jasota daude Lertxundiren diskografia zabalean. "Ez dok amairu" mugimendu kulturalaren parte ere izan da; Jorge Oteiza eskultorearen eragina ere izan zuen azken horrek.
Ekitaldian hainbat audiobisual eman dituzte, eta diktaduran emakumeek jasandako errepresioa gogoratu dute, harrera familien lana ezagutzera emateaz gain. Martin Garitanok mintzaldian azaldu duenez, Gipuzkoako herritarren "kalitatea" agerian jartzen du horrek.
Benito Lertxundik euskal kulturari eta euskarari egindako ekarpena goraipatu du Garitanok. Ekitaldian hainbat musikarik albokarekin, klarinetearekin eta txalapartarekin egindako piezak jo dituzte. Bi emakumek dantza eginda eta koro baten emanaldiarekin amaitu da.
Zure interesekoa izan daiteke
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.