"Denbora da poligrafo bakarra”, euskarazko urteko diskorik onena
Espainiako Batasun Fonografiko Independenteak, musika edizio eta sustapena eta artisten ordezkaritza eta kontratazioa jorratzen duten enpresa ertain eta txikien elkarteak, Musika Independentearen Sariak banatu ditu gaur, astelehenarekin, Madrilen.
Euskarazko 2014ko diskorik onenaren atalean, "Denbora da poligrafo bakarra" Berri Txarraken disko hirukoitzak irabazi du saria. Kalifornia, Madril eta Koloradon grabatu dute lana, hiru ekoizle ezberdinekin, eta 20 kantu ditu guztira, bat taldeak agertoki gainean egindako urte bakoitzeko. Hirukotea zuzenean aritu da sariketa ekitaldian.
Nafarren lehiakideak Gatiburen, Joseba Irazokiren, Kepa Junkeraren eta Ruper Ordorikaren azken lanak ziren atal horretan.
Belako, talde berri onena
Bestalde, Belako talde mungiarrak talde berri onenaren saria eskuratu du zeremonia horretan. Atal berean, Joe la Reina euskal herritarrak ere bazeuden izendatuta.
Belako, Bilbao BBK Liven jotzen. Argazkia: Tom Hagen.
Halaber, El Columpio Asesinok ez du saririk eskuratu, nahiz eta hiru ataletan izendauta zegoen. Hiru atalotan, gaueko irabazle nagusiak, Vetusta Morla, nagusitu dira.
nagusitu dira.Zure interesekoa izan daiteke
132 kantari amateurrek osaturiko abesbatza, Euskadiko Orkestrarekin entseatzen
Abestu Euskadiko Orkestrarekin proiektuaren bigarren edizioa bide erdira iritsi da, eta dagoeneko egin dute herritarren abesbatza prestatzeko hamar entseguetako seigarrena. Bi hilabetez, asteazkenero, 600 hautagairen artetik zozketa bidez aukeratutako 132 abeslari ez-profesional ari dira lanean, Euskadiko Orkestrarekin batera oholtzara igotzeko.
Bilbao Blues Festival jaialdiak Travellin’ Brothers sarituko du bosgarren edizioan
Jaialdiak doako hamar kontzertu eskainiko ditu uztailaren 24 eta 26an, Areatza inguruan. Leioaztar taldeak jaialdiaren ohorezko txapela jasoko du.
Señeak egonaldiak musika gerturatuko die gazteei
Señeak Bizkaia Rock Kanpusak "lehen mailako euskal artistekin" ikasteko aukera eskaintzen die 14 eta 17 urte bitarteko gazteei.
Kneecap taldea Bilbora itzuliko da, ekainean
Bilbao BBK Live jaialdiaren iazko edizioan jo eta gero, Belfasteko hirukoteak “Fenian” disko berria aurkeztuko du oraingoan, Santana 27 aretoan, ekainaren 8an.
Pepo Márquez: “Jada ez dago kontsumo kultural kaltegaberik”
“Antineutral” saiakeran, musikari eta musika industriako profesionalak musika lurralde neutrala izan ote daitekeen galdetzen dio bere buruari (spoilerra, ez), eta inbertsio funtsek, joko eremu horretan sartuta, hankaz gora jarri duten industriaren zentzu kulturalean sakontzen du.
Izaro abenduan itzuliko da, disko berriarekin
Mallabiar kantariak “Arkitektura” disko berria kaleratuko duela iragarri du. 2027ko urtarrilean aurkeztuko du lan hori zuzenean, Irunen.
Arriagak ireki eta Fallak itxiko du Musika-Música jaialdia
Bilboko jaialdiaren 25. edizioa Arriagan hasi, eta Euskalduna jauregian egingo da martxoaren 6, 7 eta 8an.
Baga Bigak 20 urte bete ditu, euskal musikagintzaren ikur bilakatuta
Euskal taldeak eta artistak kudeatzeaz arduratzen dira Baga Bigan, eta horien estrategia lantzen dute: kontzertuak, grabazioak... Urteurrena ospatzeko, Baga Bigak kontzertu berezia antolatu du gaur, larunbata, Euskaldunan, beraiekin aritu diren talde eta artista askorekin elkarlanean.
“Rosas” La Oreja de Van Goghen kantuak mila milioi entzunaldiko marka gainditu du Spotifyn
Donostiako taldearen kantua “Let It Be”, “Imagine”, “Knockin’ On Heavens Door” edo “Like a Prayer” baino gehiago entzun da plataforma horretan.
Judith Jaureguik Victoria Eugeniara eraman du "Homeland"
Donostiar piano-jotzaileak bere hiriko antzokian ("oso leku berezia niretzat") aurkeztu du bart disko berria, Griegen pianorako kontzertua eta Manuel de Fallaren "Noches en los Jardines de España" biltzen dituen lana. Errezitaldian, Chopin, Grieg, De Falla, Komitas Vardapet, Villa-Lobos eta Ginasteraren piezak errepasatu zituen Jaureguik. Datorren hilean, Bilbon (martxoak 7 eta 8), Errenterian (martxoak 26) eta Donibane Lohizunen (martxoak 28) joko du.