Avishai Cohen tronpetariak abiatuko du Getxo Jazz
Getxoko jazz jaialdiaren 39. edizioa asteazken honetan, uztailaren 1ean, hasiko da “artista handiz eta talde gaztez beteriko programarekin”. Irekiera eguneko protagonista nagusia Avishai Cohen tronpeta-jotzailea izango da: Biotz Alai plazan joko du, 22:00etan.
Gainera, beste bi saio izango dira: Talde Lehiaketan Massimax Project bandak joko du (Biotz Alai plaza, 21:00etan), eta Hirugarren Milurtekoa atalean Jazzing Band taldeak (Algortako Geltokia plaza, 19:00etan), antolatzaileek jakinarazi dutenez.
Avishai Cohen (1978, Tel Aviv) bere belaunaldiko tronpeta-jotzaile onenetakoa da. Hasieran bebop eta post-bop estiloei lotuago ageri bazen ere, bere estiloa norabide berrietarantz doa, inprobisatzaile eta musikagile gisa, Bizkaiko kostaldeko jazzaldiko antolatzaileen arabera.
Bestalde, Talde Lehiaketan, Federico Nathan Quinteto banda uruguaiar-alemana arituko da. Boskotea Montevideon sortu zen, 2008. urtean, eta euren konposizioek eratzen dute gehienbat errepertorioa.
Azkenik, Hirugarren Milurtekoa atalean Jazzing Band taldea izango da protagonista asteazkenean. Artista ospetsuen jazz estandarren hautaketa zorrotza egin dute, besteak beste, Frank Sinatra, Ella Fitzgerald eta Chet Bakerrenak.
Programa indartsua
Getxo Jazzen harira, uztailaren 23a arte Antonio Porcar Canoren "Phocuzz" jazz argazkien erakusketa izango da ikusgai Algortako Torrene aretoan. Artista ospetsuen zuri-beltzezko 25 argazki bildu dira bertan, esaterako, Bruce Barth, Scott Hamilton eta Benny Golsonenak, baita jazzaren giro garbienetik ateratako eszenenak ere.
Ondorengo egunetan, Cohenen lekukoa Network supertaldeak (Stanley Jordan, Charnett Moffett, Casimir Libersi eta Jeff Tain Watts) ostegunean, Joe Lovano jazz munduko saxofonista interesgarrienetakoak ostiralean, Stanley Clarke baxu-jotzaile mitikoak (Art Blakey, Dexter Gordon, Stan Getz eta Chick Corearekin jo du) larunbatean eta, uztailaren 5ean jaialdia ixteko, ikusmin handiena piztu duen artistak, Madeleyne Peyrouxek, hartuko dute.
Kontzertu nagusi guztiak Algortako Biotz Alai plazan egingo dira, eta 10 eta 23 euro artean balio dute sarrerek. Jazzaldi osorako bonuak, berriz, 65 euro balio du.
Zure interesekoa izan daiteke
Gatibuk sorpresaz beteriko emanaldi batekin ekin dio agur kontzertu sortari
Gernikako taldeak abenduaren 13an utziko ditu eszenatokiak, BECen eskainiko duen hirugarren kontzertuarekin, abenduaren 6koaren eta 12koaren ostean. ETB1ek zuzen-zuzenean emango du azken emanaldi hori.
Ruper Ordorika: “Kantuen bitartez antolatzen dut neure anabasa”
Oñatiar musikari erraldoiak, herri honen bizitza emozionalaren kronikari nekaezinak, Lurra ikutu barik diskoa (Elkar, 2025) argitaratu du, sasoi zail batean “hautatu gabe, gainetik, etorri zaizkidan gai batzuk” musikatzeko ariketa zirraragarria. Lan hori ontzeko ahaleginaz, sortzeaz, musikariekiko harremanaz, ikaran ari den mundu batean kokatzeko moduaz eta musikaren industriaz hitz egin dugu Ordorikarekin, Durangoko Azokaren atarian.
Gatibuk adin guztietako zaleak bildu ditu oholtzatik jaitsi aurretik
Gernikako talde ospetsuak amaiera borobila emango dio 25 urteko ibilbideari, asteburu honetan eta hurrengoan, BECen, 45.000 pertsona bilduta. “Agur esan barik” kontzertua eskainiko du ETB1ek abenduaren 13an, zuzenean, 21:00etatik aurrera.
2026an ez da Koba Live jaialdia egingo Abadiñon, erakundeek diru-laguntzak murriztu ondoren
Ohar batean, Sugaar musika elkarte antolatzaileak azaldu du Bizkaiko Aldundiak eta Abadiñoko Udalak diru-laguntzak murriztu izana dagoela erabakiaren atzean. Etena behin betikoa dela ere argitu du elkarteak, eta ez du baztertzen etorkizunean metal eta rock jaialdia berreskuratzea.
Zea Mays, euskara 30 urtez kantuz zabalduz
Bilboko Udalak, euskararen nazioarteko egunaren ospakizunaren barruan, Zea Mays taldea omendu du euskarari egindako ekarpen handiagatik. Esker onez eta hunkituta jaso dute, eta azpimarratu dute 30 urte gehiagoz euskaraz abesten ibiliko direla, munduan zehar.
ETS taldeak disko berriaren aurrerapen festa egin du, 8.000 lagunen aurrean
En Tol Sarmiento musika taldeak "Konkista" deituriko disko berria aurkeztuko du ostiralean, Durangoko Azokan. Hala ere, igande honetan entzunaldi festa egin du 8.000 lagunen aurrean, eta abesti berriak zuzenean jo ere egin dituzte.
Delirium Tremens taldearen azken kontzertua
Rock munduko euskal talde mitikoak azken kontzertua eman du bart Bilbon, Zarama, Zea Mays, Jotakie eta Baldin Bada taldeetako kideekin batera. Argitaratutako lau diskoetako abestiak ekarri dituzte gogora bertan.
BOSek umeentzako bi kontzertu egingo ditu Basurtuko Ospitalean
Bilbao Orkestra Sinfonikoko interpreteak Bilboko ospitale horretako Neonatologia Unitatean eta Pediatria Zerbitzuan arituko dira.
Hertzainak taldeko hiru kidek Elkar auzitara eraman dute, diskoetxeak taldearen eskubide digitalak urratu dituelakoan
EITBk jakin duenez, musika taldeko hiru kidek (Josu Zabala, Luis Javier Saiz 'Txanpi' eta Enrique Saenz 'Kike') diskoetxeari leporatzen diote taldearen eskubide digitalak kontraturik gabe kudeatu izana. Garik ez du bat egin salaketarekin.
Jimmy Cliff reggaearen mitoa zendu da
James Chambers izenez jaioa, jamaikar musikaria "Sittin' in Limbo", "King of kings", "Vietnam", "You Can Get It If You Really Want" eta "Many Rivers to Cross" kantuengatik zen ezaguna, besteak beste. The harder they come filmeko protagonista ere izan zen Cliff. Irudietan, Donostiako 2015eko Jazzaldian egin zuen kontzertua. 81 urte zituela zendu da.