Jack DeJohnette eta Charles Bradey ere egongo dira 51. Jazzaldian
Heineken Jazzaldiaren 51. edizioak udan bertako agertokietan arituko diren beste hainbat musikariren izena iragarri du. Diana Krall, Gloria Gaynor, Branford Marsalis, Brad Mehldau, John Scofield, Jan Garbarek eta Marc Riboti, orain arte iragarritako artistei, Cyrus Chestnut, Snarky Puppy, Charles Bradley, Terje Rypdal, Jerry Bergonzi, Ellis Marsalis, Jack DeJohnette, José James, Steps Ahead eta Bobo Stenson gehitu zaizkie, beste askoren artean.
Uztailaren 21ean, Jazz Band Ball egingo dute Zurriolako hondartzan eta Kursaaleko terrazetan, baina egun horretako izarra Gloria Gaynor abeslaria izango da. Heineken agertokian bertan, gauerdian, funkeko mitoetako bat izango da gainera: The Zapp Band.
Beste agertoki batzuetan, gau horretan bertan, Cyrus Chestnut, Buster Williams eta Lenny Whiteren hirukotea; Marc Riboten azken proiektua; John Nemeth amerikar blueseko izarra eta Tricia Evy abeslari frantsesa egongo dira.
Uztailaren 22tik hasita, Heineken Jazzaldiaren agertoki garrantzizkoenak, Trinitate enparantzak, jazzeko lau saio bikoitz eskainiko ditu. Hasteko, Marsalis familiako bi izar: Ellis, aita, izango da lehen saioko protagonista, bere laukotearen buruan, eta ondoren, Branford Marsalis handiaren txanda izango da, jazzeko kantari miretsienetako bat bere taldean duela, Kurt Elling.
Uztailaren 23an, larunbata, jazz garaikideko bi erreferentzia egongo dira: Jack DeJohnette bateria-jotzaile eta pianistaren hirukoa, Ravi Coltrane saxofonista bertan dela, eta Steve Coleman saxofoilariaren 5 Elements taldea.
Uztailaren 24an, igandea, azken garaiotan estiloa markatzen ari den beste abeslari baten kontzertuarekin hasiko da Trinitateko saioa: José James. Haren atzetik, talde mitiko bat taularatuko da: Steps Ahead, Mike Mainieri bibrafonista buru duela.
Azkenik, astelehenean, uztailak 25, Diana Krall handia izango da Trinitate enparantzako oholtzan, bere laukote berriarekin. Aurretik, Bobo Stenson suediarra arituko da giroa berotzen.
Kursaal, Agertoki Bedea...
Kursaaleko auditoriumean, lau kontzertu eskainiko dituzte Jazzaldian: uztailaren 22an, Brad Mehldauk, John Scofieldek eta Marc Guilianak osatutako hirukoa; hurrengo egunean, Ibrahim Maalouf tronpetaria; igandean, Jan Garbarek norvegiarra; eta uztailaren 25ean, Christian Scott tronpetaria.
Victoria Eugenia Antzokiaren programazioak bi emanaldi berezi eskainiko ditu: uztailaren 24an, Bertsoa & Jazza egongo da, eta, uztailaren 25ean, La Marmite Infernalek joko du.
Aurten, San Telmo Museoak ere bost kontzertu hartuko ditu, 12:30ean, eguna jazz doinuz has dadin.
Azkenik, Heineken agertokian, Gloria Gaynorren ondoren (berak zabalduko du bertako programazioa), Ryley Walker eta Snarky Puppy taldea izango dira hilaren 22an; uztailaren 23an, Rural Zombies eta Nick Waterhouse ikusteko parada egongo da; eta hilaren 24an, , Grupo Fantasmak eta Charles Bradleyk itxiko dute agertokiaren proposamena.
Sarrerak salgai daude dagoeneko webgunean eta Victoria Eugenia Antzokiko leihatiletan (11:30etik 13:30era eta 17:00etatik 20:00etara).
Zure interesekoa izan daiteke
ETS, Nøgen, Hofe, Danielle Nicole eta Ibibio Sound Machine, Zurriolan Jazzaldian
Donostiako 61. Jazzaldian Zurriolako hondartzan, Keler Gunean, doako kontzertuak eskainiko dituzten talde eta artisten izenak iragarri dituzte. Uztailaren 22tik 25era, zortzi kontzertu izango dira.
Bryan Adamsek BECen joko du azaroaren 13an, "Roll With The Punches 2026" biraren barruan
Sarrerak martxoaren 6an, 10:00etan, jarriko dira salgai, 43 eurotik aurrera harmailetan eta 62 eurotik aurrera pistan.
Leire Martinez kartelera batu du Bigsound Barakaldo jaialdiak
Gipuzkoar kantaria uztailaren 3an eta 4an Barakaldon egingo duten jaialdian arituko da, Myke Towers, Lola Índigo, Juan Magan, Omar Montes, Inazio eta Ben Yartekin batera.
Ruben Bladesek Gasteizko jazz jaialdian joko du
Panamar musikaria uztailaren 17an arituko da, Mendizorrotzan, 20 musikariko big band batek lagunduta.
Janus Lesterrek disko eta bira berriak iragarri ditu
2026ko abenduan aurkeztuko du musikari nafarrak disko berria, Euskalduna Jauregian (hilak 19) eta Donostiako Kursaalen (hilak 26).
Mari Puri Herrerok egin du Musika Hamabostaldiko kartela
Musika jaialdiaren 87. edizioa abuztuaren 2tik 30era egingo dute, eta bilbotar artista arduratu da horren irudia diseinatzeaz. Juan Diego Florez perutar tenorraren kontzetu batek inauguratuko du jaialdia.
132 kantari amateurrek osaturiko abesbatza, Euskadiko Orkestrarekin entseatzen
Abestu Euskadiko Orkestrarekin proiektuaren bigarren edizioa bide erdira iritsi da, eta dagoeneko egin dute herritarren abesbatza prestatzeko hamar entseguetako seigarrena. Bi hilabetez, asteazkenero, 600 hautagairen artetik zozketa bidez aukeratutako 132 abeslari ez-profesional ari dira lanean, Euskadiko Orkestrarekin batera oholtzara igotzeko.
Bilbao Blues Festival jaialdiak Travellin’ Brothers sarituko du bosgarren edizioan
Jaialdiak doako hamar kontzertu eskainiko ditu uztailaren 24 eta 26an, Areatza inguruan. Leioaztar taldeak jaialdiaren ohorezko txapela jasoko du.
Señeak egonaldiak musika gerturatuko die gazteei
Señeak Bizkaia Rock Kanpusak "lehen mailako euskal artistekin" ikasteko aukera eskaintzen die 14 eta 17 urte bitarteko gazteei.
Kneecap taldea Bilbora itzuliko da, ekainean
Bilbao BBK Live jaialdiaren iazko edizioan jo eta gero, Belfasteko hirukoteak “Fenian” disko berria aurkeztuko du oraingoan, Santana 27 aretoan, ekainaren 8an.