Diana Krall eta Gloria Gaynor Donostiako Jazzaldian izango dira
Donostiako 51. Heineken Jazzaldia uztailaren 20tik 25era izango da aurten, eta karteleko lehen izarrak iragarri ditu gaur. Diana Krall, Gloria Gaynor, Branford Marsalis Kurt Ellingekin; Brad Mehldau, John Scofield eta Mark Guilianarekin; Jan Garbarek; Steve Coleman; Marc Ribot and The Young Philadelphians; Ibrahim Maalouf eta Christian Scott igoko dira Donostiako agertokietara aurtengo udan.
Jazzaldiaren programa osoa otsailaren azken aldera iragarriko da, eta orduan jarriko dira sarrerak salgai.
Diana Krall jazzaren egungo abeslaririk azpimarragarrienetakoa da, eta Donostiara itzuliko da 2016 honetan, laukote baten buruan.
Gloria Gaynor disko-musikaren erreginetakoa da, baina esparru hori txiki geratu zaio, eta musika beltzaren mito bizietako bat bilakatu da. I Will Survive himno bilakatu da belaunaldi askorentzat.
Branford Marsalis egungo jazzeko saxo tenor nagusietakoa da, eta gonbidatu berezi bat aurkeztuko du bere laukotearekin batera: Kurt Elling abeslaria.
John Scofield gitarristaren groove-ak Brad Mehldau piano jotzailearen musikaltasunarekin eta Mark Guilianaren erritmoarekin uztartuko da Donostian. Guiliana jazzeko bateriaren berritzaile handietako bat da, eta David Bowie zendu berriaren azken diskoan (Blackstar) parte hartzen duelako egin da ezagun.
Jan Garbarekek, besteak beste, Keith Jarrettekin egin du lan, eta, berorrez gain, Steve Coleman saxofonista Marc Ribot gitarrista, Ibrahim Maalouf eta Christian Scott ere arituko dira Donostian, esan bezala, uztailaren 20tik 25era.
Zure interesekoa izan daiteke
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Jazza ozen Donostian, Pat Metheny, Diana Krall eta Marcus Millerren eskutik
Donostiako 61. Jazzaldiak 77 kontzertu eskainiko ditu uztailaren 22tik 26ra, horietako 47, doakoak. David Murrayk, Joe Lovanok eta, jaialdia gidatuko duen azken urtean, Miguel Martín zuzendariak jasoko dituzte Donostiako Jazzaldia sariak.
Madonna, Shakira, Ronaldinho edo Ronaldo Nazario, izar nagusiak Super Bowl kutsuko Munduko Kopako finalean
Justin Bieberrek Everyyhing Hallejujah interpretatu zuten, gitarraz lagunduta. Harmailetan beste izar batzuk zeuden; hala nola Beyonce, Dua Lipa, Rihanna, Timothée Chalamet eta Matt Damon.
The Bad Plus taldeak bere agur-birako azken kontzertuetako bat eskaini du Gasteizko Jazzaldian
The Bad Plus taldeak Gasteizko Jazzaldian eskaini zuen bere agur-birako azken kontzertuetako bat. Talde estatubatuarra 26 urte, 16 disko eta milaka emanaldiren ibilbideari amaiera ematean ari da, eta jaialdiaren 49. edizioko azken eguneko hitzordu hunkigarrienetako baten protagonista izan zen. Giant eta Anthem for the Earnest kantek Mendizorrotzako publikoa hunkitu zuten.