Belako, Berlinen: kontzertu zikina, kontzertu bikaina
2016ko uztailak 15. Berlin.
Trenetik ozta-ozta irtenda, Galder eta Lena ikusi ditugu, guk Rote Inselen jotzearen errudunetako bi eta anfitrioi ezin hobeak. Galderrek Sonnenalleeko bere etxera eraman gaitu, tresnak bertan utzi ditugu eta Shaan izeneko indiar jatetxe merke eta gozagarrira joan gara bazkaltzera. Han, berebiziko garrantzia duten gaiak izan ditugu hizpide; Gandalfen hilezkortasuna, Harry Potterren museoa eta ?Yugiko nazioarteko txapelketan? parte hartzera zihoazen eta metroan adiskide bihurtu zaizkigun lagunak, esaterako.
Bete-bete eginda (jatetxe batetik irteten garenean, ezin bestela izan), siesta espres bat egin, dutxatu eta martxan jarri gara.
Rote Insel (?uharte gorria?) izenaren jatorria Berlingo Harresia eraitsi zuten garaiko erresistentzia ideologikoan dagoela kontatu digute. Tokia itzela da, gaztetxe baten (pintada batzuk, musika eta arduradunak nolakoak diren) eta alemaniar etxe okupatu baten arteko zerbait da.
Flensburger Pilsener eta 1312 (ACAB) garagardoekin, etxeko pizzekin eta giro bikainarekin egin digute ongietorria. Teklak entzuten ez zirenez eta monitorerik ez zegoenez, Crisek agertokipean oihuka eta saltoka egin du kontzertuaren erdia baino gehiago. Festa ederra sortu da, baina kontzertu zaratatsu eta zikina izan da: soinua ugerdo samarra da, baina bikaina izan da une eta toki horretarako.
Kanpoan sumeta bat zegoen, gaurko eta atzoko klasikoak entzuten ziren, Exkixuren ?Loretxoa? esate baterako. Birra batzuk hartu eta gero, eta berriz ere gosetuta, currywurst batzuk hartzera joan gara; txakalaldiaren aurka, ezer hoberik ez.
Asteburuko gainerakoak kodifikatuta daude, ordainpeko kanalera harpidetu beharko duzue. Arrasto txiki batzuk, hala ere: Syndicat. Clash. Bizikletak. Tiergarten. Templehoffm. Berlingo bigarren hanburgesarik onena. Don Carlos. Sweet kartoffel. Soulcaten urteurrena. Txupito mexikarrak. Sisyphos. Heriotza eta deuseztapena. Merkatua Mauerparken. Takatun.
Zure interesekoa izan daiteke
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.