Lizarra, Manu Chaoren zain
Los Llanos parkeko agertokia prest dute Manu Chaok eta La Venturako taldekideek gaur gauean, 22:00etatik hasita, Lizarrako jaien barruan kontzertua eskaintzeko. Duela bi urte Donostian, Zurriolako hondartzan, 60.000 pertsona batu eta gero, Euskal Herrian joko du berriz musikari frantziarrak.
Euskal Herrian emango duen kontzertu bakarra izango da, Udalaren kalkuluen arabera 12.000 lagun batuko ditu eta hainbat arrazoi izan ditu Chaok Lizarra aukeratzeko, Regino Etxabe Lizarrako Kultura zinegotziak Radio Euskadiri azaldu dionez: “Birarekin ondo uztartzen zitzaion gaurko kontzertua, jaien barruan zelako, doakoa zelako… Horrek guztiak ekarri du Lizarrara”.
Musikariak hainbat eskaera egin zituen Lizarran jotzeko, eta Udalak sano onargarritzat jo zituen. “Prezio garestirik ez jartzeko eskatu digu, edariagatik zenbat kobratu behar dugun zehatz-mehatz esan, publizitaterik ez egiteko eskatu, bere irudia ez erabiltzea…”, azaldu du Etxabek. Bestelako eskakizun bitxirik ez du egin, Udaletik esan dutenez, catering-ean patxarana eta bertoko postreren bat egon behar izateaz haraindi.
Chaoren aurretik, Bolbora Arellanoko ska-reggae taldeak joko du, 20:30etik hasita. Ordu eta erdi geroago, Manu Chaoren txanda izango da.
Manu Chao, Fermin Muguruza eta Xabi Solanorekin "Sarri, Sarri" jotzen
Zure interesekoa izan daiteke
Bilbao BBK Live jaialdiak amaiera borobila eman dio bere 20. urteurrenaren ospakizunari
Bilbao BBK Live jaialdiak amaiera borobila eman dio bere 20. urteurrenaren ospakizunari, hiru egunetan Kobetamendi belaunaldien, kulturen eta musika ulertzeko moduen arteko topagune bihurtu ondoren. 112.500 pertsonak baino gehiagok gozatu dute aurtengo programazioaz, aniztasun artistikoak eta hiriaren zein naturaren arteko loturak sendotuz. Jaialdiak nazioarteko izaera baieztatu du, Bilborekin eta hurbileko talentuarekin duten lotura estua galdu gabe.
Arde Bogotak Kobetamendi girotu du, iragarri gabeko agerraldi batekin BBK Live jaialdian
Talde murtziarra Kobetamendiko agertoki nagusira igo da larunbat arratsaldean, BBK Live jaialdiaren unerik gogoangarrienetako batean. 'Bigger Splash' abesti berriaren izenpean iragarrita, taldea ia oharkabean igaro da karteletan.
Robbie Williamsek poparen errege izaten jarraitzen duela erakutsi du BBK Liven
Kantari britainiarrak Kobetamendin aurkeztu du bere azken lana, pop festa handi batean, musika, umorea, nostalgia eta futbola uztartuz. Horrela, Williamsek BBK Liven erakutsi du poparen erregea izaten jarraitzen duela.
Robbie Williams zain da Kobetamendin
Britainiar musikariarena da jaialdiko bigarren jardunaldiko izen nagusia, baina beste artista eta talde interesgarri asko egongo dira gaur Bilbao BBK Liveko agertokietan: Marte Lasarte, La M.O.D.A., Alabama Shakes, Belle and Sebastian, Tomora, Soulwax…
Abian da 2026ko BBK Live jaialdia!
Gaur, uztailak 9, hasi da jaialdia Bilboko Kobetamendi parkean, eta uztailaren 11ra arte luzatuko da. Aurten 20. urteurren berezia ospatzen du topaketak, eta nazioarteko zein etxeko artistak bilduko ditu hiru egunetan zehar. Kobetamendiko eszenatokietan Robbie Williams, Calvin Harris, Lily Allen eta Interpol bezalako izen handiak arituko dira, Aimarz edo Gar bezalako euskal taldeekin eta tokiko talentuarekin batera, giro paregabean.
Bonnie Tylerren ibilbidea, bost abestitan
Galesko artista mitikoa 75 urterekin hil da, baina 80ko hamarkadako pop-rockaren ikur bilakatu zenak kantu zoragarriak utzi ditu bere ibilbidean zehar, oraindik bizi-bizirik dirautenak. Horietako bost errepasatu ditugu.
Bonnie Tyler hil da, pop musikaren mitoa
Besteak beste, "Total Eclipse of the Heart" arrakastagatik ezaguna, 80ko hamarkadako abeslari ikonikoa bart zendu da, 75 urterekin, familiak ohar baten bidez jakinazi duenez.
Bilbao BBK Liveko sorpresetako bat, argituta: Arde Bogotá Kobetamendin izango da
Egitarauan Bigger Splash bere single berriaren izenez programatuta zegoen murtziar taldeak larunbatean joko du, 18:00etatik aurrera, agertoki nagusian.
Jose Gonzalezek piztu du Bilbao BBK Liveko musika
Argentinar-suediar kantautoreak kontzertua eskaini du bart, Guggenheim Bilbao Museoan, Bilbao BBK Live jaialdiaren Bereziak zikloaren barruan. Kobetamendin gaur, ostegunarekin, hasiko dira bozgorailuak aldarrika, eta, Bilbon, musika ez da igandera arte isilduko.
Kobetamendi, festibalarien zain
BIlbao BBK Livek uztailaren 9tik 11ra ospatuko du 20. urteurrena, Robbie Williamsen, Calvin Harrisen, Lily Allenen, Idlesen eta beste haimaika artista eta talderen doinupean. Jaialdiko eremua prest dago, publikoaren gozagarri.