Disko berria
Gorde
Kendu nire zerrendatik

Belakok atzeratu egingo du 'Plastic Drama' diskoaren argitalpena

Maiatzean ateratzeko asmoa zuten arren, fisikoki banatzeko oinarrizko baldintzak izango dituztela ziurtatu arte atzeratu dute argitalpena.
Belako
Laukotearen laugarren diskoa izango da maiatzean kaleratuko duena
Plastic Drama diskoaren argitalpena atzeratzea erabaki du Belako taldeak. Sare sozialen bidez hedatutako oharraren arabera, fisikoki banatzeko oinarrizko baldintzak ziurtatu arte atzeratu dute argitalpena.

Belako taldeak datorren maiatzean argitaratuko du 'Plastic Drama' bere laugarren diskoa, eta nazioartean aurkeztuko du, besteak beste, Erresuma Batuan, Alemanian, Mexikon, Estatu Batuetan (AEB) eta Espainian. Belako Rekords zigiluarekin aterako da lana, BMG Internationalen lizentziarekin, eta "asmo handikoa, gogoetatsua eta, batez ere, errebindikatzailea" izango da, Mungiako laukoteak jakinarazi duenez.

"Gauzen benetako zentzuaren bilaketaz hitz egiten du 'Plastic Drama'-k, izaki bizidunak muntatzeko, fabrikatzeko eta ustiatzeko kate bihurtzen den mundu honetan. Ehizatu duten ehiztariaren parabola kontatzen duen diskoa da, nola gizakiak kontsumitzen duen bere burua kontsumitzen duen bitartean, berehalakotasunak betierekotasunari eta norberaren denborari irabazten dien gizarte batean", azaldu dute.

Maiatzean kaleratu arte, "single itxurako aperitibo txikiekin" eta Donostia, New York eta Austinen egingo dituen emanaldiekin emango du Belako taldeak 'Plastic Drama' diskoaren berri.

Albiste gehiago musika

Mixel Ducau eta Anje Duhalde
18:00 - 20:00
ZUZENEAN
Duela  min.

EHZ jaialdiak ozen zabalduko du herriaren erritmoa

Iaz Arberatzeko kokagune berria estreinatu eta gero, Euskal Herria Zuzenean jaialdiak hiru eguneko egitarau oparoa dakar “Lurraren herritmoa” lelopean: Fermin Muguruza, Bengo, Zetkin, Naxker, Errobi, Olaia Inziarte, Tapia eta Leturia…

Bulego taldea
18:00 - 20:00
ZUZENEAN
Duela  min.

Bulego taldeak ez du Sonorica jaialdian joko

Castro Urdialeseko jaialdian jotzekoa zen taldea, uztailaren 18an, baina atzera egitea erabaki du Superstructi, KKR inbertsio funtsa atzean duen taldeari, baitagokio musika topagune hori.

Gehiago kargatu