Willis Drummonden "Zugzwang Tour" biraren egunerokoa (I)
2020-02-12 10:42
Hiruak.
Lortu dugu. Hiruak lehen hegazkinean gara. Bordeletik Parisera eramanen gaitu eta handik Tokiora joanen gara. Lortu dugu. Ez dut hori erraten musikariaren fama txarrak sinestarazten ahal lukeen bezala, zaila baitzaigu egunsentia baino lehen esnatzea, ez gara «cliché» hauetakoak. Ez dugu izan inolako arazorik bidean ala aireportuan ere. Baina erran dezagun azken bi asteak nahiko kargatuak eta nahasiak izan direla.
Atabaleko aurkezpen kontzertua harrigarria izan da, momentu handia, areto bete-batean, eta emozio harrigarri batekin. Baina besta bera nahiko izorratua izan zen. Publikoak besta segitzen zuen bitartean, eta zale batzuekin solasean ari nintzen bitartean merch mahaian, Felixek Xan eramaten zuen urgentzietara, erakusteko kontzertu denboran egindako zauria eta kolpea...
Eta hortik 10 egun luze izan dira, ez ginelako ziur Xan etorriko ahalko zenetz, eta bira bera mantendu ahalko genukeenetz. Egoera azken egunetan hobetu zen, eta azkenean, bai hegazkinean gaude hiruok.
Eta emozioak ez dira falta izan azken egun hauetan, paraleloki gainera, abiatu baino lehen grabatu behar genuelako kanta bat, 2020 urtean zehar argitaratuko den “Ane” pelikularen soinu banda ofizialarentzat... Atzo eguerdian amaitu genuen nahasketa, eta justu utzi zigun maletak prestatzeko denbora... Pizza bat jan, zenbait orduz lo egin, eta hor gara hiruak. Hiruak lehen hegazkinean, eta poz-pozik. Pozik grabatutako «Nahi eta nahi ez» kantarekin benetan (ze gogoak entzunarazteko!), pozik joatea egin behar guzia egin dugula sentsazioarekin, eta, bistan da, pozik orain biziko dugun abentura paregabe horren aurrean. Hilabete bat, 3 herri, 15 kontzertu... hiruak.
2020-02-13 08:25
Iristear gara... Gaurik ez da zinez existitu, eta eguna itzuli da jadanik. Zeru urdina eta itsaso xuria ikus dezakegu berriro...
2020-02-13 11:10
Bus. Minami Machidaruntz.
Deus ez ulertu, baina ongi sentitu hala ere. Hori da Japonia... Normalean, ulermen faltak ala arrotza denak tentsio bat sortzen ahal du, ala beldur bat bederen. Baina hemen nagusi diren lasaitasuna, isiltasuna eta metodoari esker (metodoa hitza ordena baino aproposagoa iduritzen zait), ez da holakorik sentitzen...
Iritsi gara aireportura, bai gu, baita gure tresnak ere, eta egin behar guziak egin eta gero, autobusa harrapatu dugu, Minami Machidaruntz. Han bizi da bira muntatu digun promotore eta adiskidea, Shogo. Ze gogoak bera eta Txako bere laguna berriz ikusteko...
Gaur aukera izanen dugu momentu lasai bat elkarrekin pasatzeko, bihar goizean goiz aterako behar garelako Hakuban emateko gure lehen kontzertua... Beste esperientzia berri bat biziko dugu gainera, hemengo furgoneta bat erabiliko dugulako, eskuineko bidean gidatuz, 37 milioi jendeko hiri batean.
Zure interesekoa izan daiteke
Dwarves, Bridge City Sinners eta hamahiru talde gehiago, Azkena Rock Festivaleko Trashville espazioan
Garageari, surfari, psychobillyari eta punkari irekitako agertokiak bere kartel osoa aurkeztu du; besteak beste, Alice Cooper, Social Distortion eta Imelda May ageri dira aurtengo talde eta artisten zerrendaren buruan.
"Hasiera bat" diskoaren birako azken kontzertua eman du Gorka Urbizuk, Victoria Eugenia Antzokian
Gorka Urbizuk igande honetan eman du "Tour Bat" biraren azken kontzertua, Victoria Eugenia Antzokian (Donostia). Lekunberriko musikariak 4 kontzertu eskaini ditu Donostiako antzoki horretan, eta sekulako harrera eta berotasuna jasota, denetan agortu ditu sarrera guztiak. Igandeko kontzertua ikusgai izango da oso osorik ETBn.
Eñaut Elorrieta eta Alos Quartet “Ahots kordak” prestatzen ari dira, kontzertu bakanen sorta
Estreinakoz, Eñaut Elorrietak eta Alos Quartetek kontzertu sorta bat emango dute: "Ahots kordak". Taldea sinplea eta eraginkorra izango da: soka laukote bat, ahotsaz osatua. Bidaia musikal honen lehen geldialdia Tolosan izango da, urtarrilaren 3an. Gasteizen, Zornotzan eta Donibane Lohizunen arituko dira gero.
Euskal Herria, Ekialdea eta Mendebaldea lotu nahi dituen jaialdi hegokorear baten egoitza
Bakea, identitatea eta gizatasuna sustatu nahi dituen jaialdiaren kontzertu nagusia astelehenean, azaroak 17, izango da, Guggenheim museoan. Hego Koreako musikariak arituko dira, Gorka Hermosa, Garikoitz Mendizabal eta Josu Okiñena musikariekin batera.
Bad Bunny eta Ca7riel eta Paco Amoroso argentinarrak, garaile Latin Grammy sarietan
Bad Bunny izar handia eta gaur egungo bikote argentinar ospetsuena, Ca7riel eta Paco Amoroso, izan dira sari gehien irabazi dituztenak, urrezko bosna gramofono jaso baitituzte. Karol G-k abesti onenaren saria irabazi du "Si antes te hubiera conocido" lanarekin, eta Alejandro Sanzek ezustekoa eman du bi gramofono eskuratuta.
Neomak: "Beldurrek eragiten dizkiguten zalantzei abestu diegu"
Euskal folklorea eta elektronika uztartzen dituen proiektua laukote bilakatuta dator "Lazturak orbain" bigarren diskoa aurkezteko. Alaitzek, Garazik, Iratik eta Leirek, nolanahi den, Etxahun Urkizu (bateria) eta Eider Villalba (teklatua eta ahotsak) musikarien laguntza izango dute zuzenekoetan. "Orbainak ezkutatu beharrean, erakutsi nahi izan ditugu", esan diote Asier Otegui kazetariari "Egun On" saioan, "eraldaketa agerian utzi; indargune direla azpimarratuz, ahultasun gisa hartu beharrean, hausturak eta konponketak historiaren parte baitira".
"Kanthoria eta Auto-tunea", euskarazko musikaren historia entzungai eta ikusgai, Bilbon
Azaroaren 6tik abenduaren 4ra, Bilboko Abando Udaltegiak "Kanthoria eta Auto-tunea" Musika Bulegoak paratutako erakusketa hartuko du. Xabier Erkizia ikertzaile eta soinu-sortzaileak komisariatu du erakusketa, eta bidaia bat proposatzen du ahozko tradizioan jasotako lehen kantuetatik hasi eta musika sortzeko forma hibrido eta digital berrietara arte. Erakusketak material dokumentalak, irudiak eta entzuteko gailuak konbinatzen ditu. Musika; Bereterretxeren khantoria (Kalakan + Euskadiko Orkestra), Bertso Hop (Negu Gorriak), Tesla bat sutan (Merina Gris + Gorka Urbizu).
Bigsound jaialdi berriak Myke Towers, Juan Magan, Omar Montes eta Ben Yart eramango ditu Barakaldora
Valentzia, Sevilla eta Pontevedran ere egiten den jaialdia Ansioko azoka eremuan, Barakaldon, egingo dute 2026ko uztailaren 3an eta 4an, Euskal Herrian lehenengoz.
Iñigo Etxezarreta: "Disko berri batekin eta aurkezpen ekitaldi berezi batekin gatoz bueltan"
Urtebeteko "atseden kreatibo" baten ondoren, Iñigo Etxezarretak (ETS) taldearen itzuleraz hitz egin digu, disko berriaz (Konkista, abenduaren 5ean salgai) eta lan horren aurkezpen jai bereziaz: azaroaren 30ean izango da, Gasteizko Buesa Arena pabiloian.
Euskadiko Orkestra, 132 abeslari ez-profesionalen bila
Abestu Euskadiko Orkestrarekin ekimenaren bigarren edizioan izena emateko epea abenduaren 4ra arte egongo da zabalik. Kontzertuak martxoan izango dira, Bilbo, Donostia eta Iruñean, eta izena ematen dutenek “gutxieneko musika prestakuntza izan eta partiturak irakurtzen jakin beharko dute”.