Jose Luis Perales, Los Secretos eta 'Antoine' musikala, Gabonetan Euskalduna jauregian

Abenduaren 2tik urtarrilaren 15era bitartean, 32 ikuskizun eta 56 emanaldi izango dira lau aretotan.

Bilbook Euskalduna jauregia. Argazkia: Begoña Barrutia

Agentziak | EITB Media

2021/11/30 - 22:11

Azken eguneratzea

2021/11/30 - 22:11

50 emanaldi baino gehiago izango dira Eguberrietan, Euskalduna jauregian, besteak beste, Jose Luis Perales, Los Secretos eta "Antoine" 2021ean ikuskizun berri onenaren Max saria irabazi duen musikala. Euskaldunak astearte honetan aurkeztu du Gabonetako egitaraua.

Abenduaren 2tik urtarrilaren 15era bitartean, 32 ikuskizun eta 56 emanaldi izango dira Euskaldunako lau aretotan.

20 kontzertu baino gehiago, familientzako ikuskizunak, musikal bat, zinema jaialdi bat, balleta eta magia jaialdi bat hartuko ditu jauregiak. Guztira, 51.000 txartel jarriko dira salgai, 9 euroko prezioan.

"Antoine" musikalaren bi emanaldi eskainiko dituzte, El Principitoren egilearen bizitza ezagutzeko aukera paregabea, mundu mailan ospea eman zion lana erabiliz, autobiografia poetiko bat baita.

Eguberrietako egitarau musikala Bilbao Orkestra Sinfonikoaren kontzertuekin abiatuko da abenduaren 2an eta 3an, baina abenduaren 16an eta 17an ere emanaldiak errepikatuko ditu.

Era berean, abenduaren 8an, Euskadiko Orkestraren kontzertua izango da, eta, abenduaren 13an, Ganbera BOSena.

Abenduaren 28an, Alabama Gospel Choir taldeak XIX. mendeko abesti espiritualak eskainiko ditu, baita protesta kantak eta askatasun martxei omenaldia egin ere. 20 artistak osatzen dute taldea.

Jose Luis Peralesek pare bat kontzertu emango ditu, "Baladas para una bienvenida" lana aurkezteko. Bestalde, Michael Jackson poparen erregeari omenaldia egingo diote, haren abesti onenak gogoratuz.

Urte berriari ongietorria "Strauss Festival Orchestra" kontzertu handiarekin emango dio Euskaldunak, eta, urtarrilaren 3an, EGO Euskal Herriko Gazte Orkestrak egitarau barroko bat eskainiko du, Lina Tur Bonet adituaren zuzendaritzapean.

Gainera, Alvaro Urquijoren musika taldeak covid-19aren osteko garaiari aurre egingo dio Los Secretosekin.

Haurrek ere gozatzeko aukera izango dute Gabonetan, Encanto (Cantajuego) taldearen eskutik.

Horrez gain, "Perez Sagutxoa" eta "Botadun katua" antzezlanak izango dira ikusgai, baita "Aladdin musikala" eta "Oihaneko liburua" ere.

Abenduaren 4an, BBK Mendi Film nazioarteko mendiko zinemaldiaren aurkezpen ofiziala egingo dute Luis Arrieta Etxeberriaren "Mendiak - 1976" pelikularekin.

Albiste gehiago musika

Dave Douglas Quartetek Getxoko jazz jaialdia itxi du

Estatubatuar tronpeta-jotzaileak bost eguneko egitarau oparoa itxi du bart, Muxikebarri antzokian.

Oasis oholtza gainean da berriro, 16 urteren buruan, eta munduko birari ekin dio Cardiffen eskainitako kontzertu supersoniko batekin

75.000 pertsona bildu ziren bart Principality Stadiumen "Oasis Live '25" izenburuko biraren lehen emanaldian. Gallagher anaiak sorbaldatik helduta iritsi ziren, eta eskuak altxatuz, jendaurrean modu sinbolikoan bakeak egin zituzten.

Oasis taldeak isilaldia etengo du gaur, Cardiffen hasiko den bira historiko batean

Manchesterko taldea agertokietara itzuliko da gaur, mundu mailan ikusmira piztu duen kontzertu batean. Gallagher anaien mundu birak Europa, Amerika, Asia eta Ozeania zeharkatuko ditu, sarrera guztiak agortuta dituztela.

Paquito D’Rivera Quintetok Getxo sorgindu du

Kubatar klarinete eta saxo jotzaileak emanaldi gogoangarria eskaini du Getxoko jazz jaialdiaren bigarren gauean, Pepe Riverok (pianoa), Yuvisney Aguilarrek (perkusioa), Reinier Elizarde ‘el Negrón’ek (kontrabaxua) eta Sebastián Laverdek (bibrafonoa) lagunduta.