Joaquin Sabina Bilbon eta Iruñean izango da 2023an
Joaquin Sabinak kontzertu bira abiatuko du otsailaren 25ean San Josen, Costa Rican, eta Bilbora (ekainak 25) eta Iruñera (irailak 15) iritsiko da andaluziar musikariaren emanaldi errenkada hori.
"Contra todo pronóstico" izen ironikoa duen biran, Kolonbian, Perun, Txilen, Argentinan, Uruguain, AEBn, Mexikon eta Espainiako Estatuko 15 hiritan joko dute Sabinak eta bere taldeak.
Bilboko kontzertua Barakaldon izango da, BECeko Bizkaia Arenan, eta Iruñekoa, Nafarroa Arenan.
Antolatzaileek azaldu dutenez, sarrerak ostegunean, azaroak 10, jarriko dituzte salgai, 12:00etatik aurrera, artistaren webgunean eta biraren izenarekin martxan jarri duten gunean.
Albiste gehiago musika
Bruce Springsteenek 40.000 zale bildu ditu Anoetako lehen emanaldian
Sasoi onean dagoela erakutsiz, Bruce Springsteenek txundituta utzi zituen bart Anoeta bete zuten 40.000 zaleak. Kritika politikorako baliatu zuen emanaldia, eta, Trumpi aipamena eginez, batasuna aldarrikatu zuen autoritarismoen aurrean. Asteartean beste hainbat zale bilduko ditu Anoetan eskainiko duen bigarren kontzertuan.
Hunkituta jaso du Antton Valverdek Adarra Saria
Antton Valverde musikari donostiarrak jaso du aurtengo Adarra saria Eneko Goia alkatearen eskutik. Euskal kantagintzari egindako ekarpena aitortu diote. Saria musika sortzen jarraitzeko bultzada handia dela esan du sortzaile donostiarrak.
Bruce Springsteen Donostian da jada
Bart Frankfurten kontzertua eskaini ondoren, Springsteen eta bere talde osoa Hondarribiko aireportura iritsi dira bi charter hegalditan. Dozenaka lagun zituen zain Donostiako Maria Cristina Hoteleko atean, datozen egunetan bere kuartel nagusia izango den hotelean. Bossek bi kontzertu eskainiko ditu Anoeta estadioan. Lehenengoa larunbatean izango da, 38.000 jarraitzaileren aurrean, eta bigarrena, berriz, asteartean, ekainaren 24an.
50.000 musikazale espero ditu ateak ireki berri dituen Azkena Rock jaialdiak
Dinosaur Jr. estatubatuarrak izango dira osteguneko kartelburuak, eta The Damned britainiarren punka ere izango da entzungai. Ostiralean, John Fogerty eta bi urteren ostean Azkenara itzuliko den Lucinda Williams izango dira izen nagusiak. Johnny Rotten Sex Pistols taldeko abeslari ohiak indarra jarriko du. Larunbatean, Manic Street Preachers talde ezagunak, The Flaming Lipsen psikodeliak eta The Hellacopters suediarren 30. urteurrenak emango diote amaiera 23. edizioari.
Dena prest da Mendizabalan, Azkena Rock Festival hartzeko
Gaur hasiko da Gasteizko rock jaialdi beteranoaren 23. edizioa. Alfonso Santiago arduradunak esan digunez, "modan ez dagoen festibala" da Azkena Rock Festibal.
Akelarre musika taldea, pantailara
Bideografik durangar ekoiztetxea plaza taldearen 33 urteko historia biltzen duen dokumental bat grabatzen ari da. 2025eko udazkenean estreinatu nahi dute,
Dee Dee Bridgewater, Marc Ribot eta Bill Bruford sarituko dituzte Donostiako 60. Jazzaldian
Musika jaialdiak 88 kontzertu eskainiko ditu bederatzi egunean, horietatik 51 doakoak.
?fmt=png-alpha&qlt=80)
Udan barrena, rock-and-rollaren doinupean
Azkena Rock Festivalen 23. edizioa ekainaren 19, 20 eta 21ean egingo dute Gasteizen, Mendizabalako eremuan. Ez dirudi ideia txarra udarako sarrera (larunbat goizaldean sartuko gara udan) John Fogertyren, Lucinda Williamsen edo Manic Street Preachersen eskutik egiteak.
Bilborekin zuen zorra ordaindu du Alan Parsons mito handiak
Musikari eta ekoizle britainiarrak kontzertua eman du larunbat honetan BBK Bilbao Music Legends Fest jaialdian, 2022ko edizioan parte hartzeari uko egin behar izan ostean.
Euriak ez du itzali Anoetako "akelarre antifaxista"
Fermin Muguruzak 30.000 lagun bildu ditu Donostian, 40 urteko ibilibide musikala ospatzeko, Palestinaren aldeko aldarri solidarioen artean. Gainera, abeslariak beste kontzertu bat iragarri du abuztuaren 14an, Irunen.