Hertzainak taldearen lehen agur-kontzertuak ez du huts egin
Hertzainak euskal rock musika talde handiak "Azkena gure alde!" bere agur-birari ekin dio lehen kontzertuarekin ostiral honetan jendez gainezka egindako Barakaldoko BECen. Gariren eta Josu Zabalaren taldeak lehenengo agurra eskaini zuten bart, eta ez da bakarra izango, larunbat gau honetarako beste kontzertu bat aurreikusita baitago, Barakaldoko BECen berriro, talde mitikoak dituen zale guztiak behar bezala agurtzeko.
Ikusi EITB Nahieranen bart Barakaldon eskainitako kontzertua osorik.
Publikoaren zoramenerako, abesti mitikoak jo zituen bart Hertzainak taldeak, hala nola, "Aitormena", "Ta zer ez da berdin", "Pakean utzi arte" eta "Hil ezazu aita". Bereziki, 40 urtetik gorako publikoa ikus zitekeen bart BECen, eta gradetan pistan bezain animatuta egon ziren gau osoan.
Bereziki hiru kantak zoratu zuten publikoa: "564", "Guantanamera" eta "Esaiok".
Kontzertuan bizitako poza igo dute ehunka lagunek sare sozialetara, ikuskizunaren bideoak partekatuta nahiz abestien letrak. Horien artean, pertsona ezagunak izan dira, besteak beste, Jon Maia bertsolaria edo Kike Amonarriz Topaguneko presidentea:
Bira honen ikuskizuna prestatzeko lanekin buru-belarri ibili ziren taldekideak azken egunotan, eta horren lekuko izan zen EITB Media:
Ez da oholtzari agur esateko asmoa erakusten duten lehen aldia, izan ere, 1993an taldearen jarduera gelditzeko gogoa adierazi zuten, arrazoi gisa "nekea eta euskal merkatuaren mugak" aipatuta:
41 urteko ibilbidearen buruan, azken akordeak joko ditu laster agertoki baten gainean Hertzainak taldeak: Errege Eguneko opari moduan, urtarrilaren 6an izango dira Gasteizen, Mendizabalan prestatuko duten karpa batean.
Itxiera borobila emango diote horrela birari, eta baita euren ibilbide berari ere, dena hasi zen hirian bertan bukatuko baitute. Guztira, ia 50.000 lagun batuko ditu hiru kontzertuetan euskal rockaren historian leku nabarmena irabazi duen talde handiak.
Albiste gehiago musika
ETS taldearen 20 urteak: Arabako Ekora herritik Madrileraino
Larunbat honetan, omenaldia egin diote ETSri, Ekora bere jaioterrian, taldearen 20 urteko ibilbidea ospatzeko. Hori aitzakia hartuta, Iñigo Etxezarreta buru duen taldearekin bildu gara, 60 abestik eta 500 emanaldi baino gehiagok osatutako ibilbidea gogoratzeko.
Hasi da Donostiako Musika Hamabostaldia, estreinaldiz eta izen handiz beteriko edizio historiko batekin
Donostiako jaialdiaren 86. edizioa abuztuaren 1ean inauguratu da, "Requiem (s)" baletarekin, eta lehen aldiz izango dira Parisko Operako eta Leipzigeko Gewandhausorchesterreko orkestrak.
Donostiako Jazzaldiak "arrakasta handiarekin" eta "sasoi betean" itxi du bere 60. edizioa
Miguel Martinen azken edizioa izan da, zuzendari gisa, baina Donostiako jaialdiaren "zerbitzura" lanean jarraituko du. Martinek ordainpeko 17 kontzertutan harmailak lepo bete direla nabarmendu du, eta gainerakoetan ia beteta egon direla. Doako 52 kontzertuek 158.700 pertsona batu dituzte, eta ordainpekoek, berriz, 20.480.
Jimmie Vaughan blues rockaren izen handia, IV. Bilbao Blues Festival Saria
Jaialdiko txapela jaso du larunbat honetan Vaughanek (Texas, 1951), eta, ondoren, kontzertua eskaini du, Estatuko bakarra. 1976an The Fabulous Thunderbirds talde mitikoa sortu zuen Vaughanek eta, 1989an taldea utzi ondoren, bakarlari gisa aritu zen. Guztira, lau Grammy irabazi ditu.
Bulego taldeak Jazzaldiko publikoa bereganatu du
Donostiako jazz jaialdiaren barruan, energiaz beteriko zuzenekoa eskaini du bart Azkoitiko taldeak Zurriola hondartzan, familiaz eta gaztez osatutako publikoaren aurrean.
Dee Dee Bridgewaterrek, jazzaren izar handiak, Donostiako Jazzaldia saria jaso du
Menphiseko abeslari handiaren lau hamarkada baino gehiagoko ibilibidea saritu nahi izan dute. Bridgewater Donostiako Jazzaldiaren oholtza gainean zuzenean aritu da ostiral honetan. Golardoa jasotzean, "emakume guztien eta bereziki emakume beltzen" alde egindako lana aldarrikatu du.
Latzen taldea oholtza gainean da berriro, 17 urteren ondotik
Egunotan Lakuntzan ospatzen ari diren Hatortxu Rock jaialdiaren azken edizioan agertu da berriro Oñatiko heavy taldea. Bi maketa eta bi diskoren ostean, 1999. urtean banandu ziren. 2007an, laukoteak itzulera bira bat egin zuen, "Hellmuga" diskoan jasoa gelditu zena.
Mississippi Queen & The Wet Dogs bilbotarrek hasiera eman diote Bilbao Blues Festival jaialdiari
Igandera arte, Bilbo bluesaren munduko hiriburua izango da, eta bertan ez da legendarik eta ezustekorik faltako. Ostiral honetan Mississippi Queen & The Wet Dogs, The Kings of Blues eta Blackburn Brothers taldeen txanda izan da.
Jamie Cullumek festa handia bihurtu du Zurriola hondartzako kontzertua
Zurriolako hondartza agertoki bikaina izan da, beste behin, Jamie Cullum britaniar artista entzutetsua hartzeko. Cullum Donostiara itzuli da bostgarren aldiz, jazz, pop eta swing estiloak nahasten dituen errepertorio berriarekin.
The Beach Boys talde kaliforniarrak debuta egin du Donostiako Jazzaldian
Estreinakoz Donostiako jazzaldian, taldearen hainbat garaitako kanta ezagunak jo dituzte. Kaliforniakoen kantak belaunaldien himno bihurtu dira: gaztaroko maitasuna, surfaren kultura eta baikortasuna islatzen duten abestiak.