Hertzainak taldeak agur esango die betiko agertokiei gaur gauean, Gasteizen
Hertzainak euskal talde mitikoak agur esango die gaur agertokiei, Mendizabalan ezarriko duten karpa klimatizatu batean, 20.000 lagunen aurrean eta "Azkena gure alde!" izenburupean. Sarrerak azaroaren 30ean jarri ziren salgai taldearen webgunean, eta astelehen honetan agortu ziren.
Publikoaren aurreko azken hitzordu honetan, Hertzainak ez da bakarrik egongo; izan ere, 22:00etan hasiko den kontzertua baino bi ordu lehenago, hainbat estilo eta belaunalditako 15 artista gonbidatuk joko dute; besteak beste, Ruper Ordorikak, Mikel Urdangarinek eta Duplak.
Nolanahi ere, musika eta jai giroa dezente lehenago hasiko dira Arabako hiriburuan, 13:00etatik aurrera hainbat emanaldi prestatu baitituzte Matxete plazan eta hiriko alde zaharrean zehar.
Egunean zehar eta kontzertu propiora jende ugari hurbiltzea espero da. Izan ere, Gasteizko Udalak autobus zerbitzu bereziak jarri ditu, bertaratutakoek ibilgailu pribatura jo behar ez dezaten, Mendizabalara iristeko.
Zehazki, Tuvisak hiriko musika hitzordu handietan ematen duen zerbitzuaren antzekoa eskainiko du, esaterako, leku berean izatekoa den Azkena Rock Festival jaialdian.
Hala, 80ko hamarkadan jaiotzen ikusi zituen hiri berean azken aldiz joko duen taldearen agurraren agertoki bihurtuko da Mendizabala. Gasteizko hitzorduak amaiera emango dio abenduaren erdialdean Barakaldoko BECen bi kontzerturekin abiatutako agur birari.
1978 urtean du jatorri taldeak, orduan hasi baitzen Hertzainak izango zenaren hezurdura osatzen. 1981eko Urtezahar gauean egin zuen lehen zuzeneko emanaldia, Gasteizen, eta 1993ko urriaren 30ean eman zuen azken kontzertua, Izarran.
Orduz geroztik, Hertzainak taldeko kideek noizbehinkako emanaldiak eskaini izan dituzte, hala nola Tito Aldamaren omenaldian (2012) edo 2019an egin zituzten kontzertuetan. Gaur gaueko kontzertua, 20.000 lagunen aurrean, agertokien behin betiko agurra izango da.
Albiste gehiago musika
Massive Attackek, beste 400 artistarekin batera, Israelen presentzia duten plataforma guztietatik kendu du bere musika
Primal Scream, Mogwai, Sleaford Mods, Arca, Ana Tijoux eta Japanese Breakfast taldeek, besteak beste, "No Music For Genocide" kanpaina babestu dute, eta Spotifyk teknologia militarrean egindako inbertsioak kritikatu dituzte.
Gipuzkoako Aldundiak Lourdes Iriondo abeslariari emango dio 2025eko Urrezko Domina
Sariaren helburua "Lourdes Iriondok euskararen eta euskal kulturaren biziberritzean garatu zuen lan zabal eta berritzailea gaur egunera ekartzea eta justizia egitea da, bere ondareak lurraldeko historian merezi duen lekua izan dezan".
Estrella Morente, bart Getxon
Granadar kantariak kontzertua eskaini du bart Muxikebarri Getxoko aretoan, Getxo Folk jaialdiaren bigarren gauean. Igandean, Benito Lertxundi omenduko dute espazio berean.
Zetak taldeak Bilbon eskainiko duen bigarren ikuskizunerako sarrerak, agortzear
70.000 sarrera inguru saldu dituzte nafarrek bi egunean. Ekainaren 20ko emanaldikoak berehala agortu ziren, eta 19koak, agortzeko bidean dira.
Xabier Zeberio & Andrés Isasi Musika Eskolako Orkestra, Getxo Folk irekitzen
Xabier Zeberioren zuzendaritzapean, orkestrak jazza, euskal musika popularra eta inprobisazioa uztartu ditu Bizkaiko jaialdiaren lehen egunean, "Pause" proiektuko kantuetan.
Zetak taldeak San Mameseko kontzerturako sarrera guztiak saldu ditu, eta bezperan ere joko du
Pello Reparaz buru duen taldeak "Mitoaroa III" ikuskizun distopikoa taularatuko du ekainaren 19an eta 20an Bilboko estadioan. Bihar, ostegunarekin, jarriko dira ekainaren 19rako sarrerak.
Pello Reparaz: "Jendea epel ez gelditzea zen asmoa, eta lortu dugu"
"Egun On" ETBko saioak elkarrizketa egin dio Pello Reparazi, Zetak-ek "Mitoaroa II" kontzertu errenkada amaitu eta biharamunean. Ekainaren 20an San Mamesen egingo duten ikuskizunari buruz ere hitz egin digu.
-1:eitb-banner?$eitb-banner$&fmt=png-alpha&qlt=80)
Rick Davies Supertrampeko abeslari eta konpositorea zendu da
Britainiar musikariak mieloma zuen duela hamar urtetik, eta 81 urte zituela hil da.
Lady Gaga, Mariah Carey, Sabrina Carpenter eta Ariana Grande, MTV Video Music Awardseko izar distiratsuenak
Ariana Grande pop abeslariak irabazi du MTV Video Music Awards sarietako sari nagusia, eta Lady Gagak eta Sabrina Carpenterrek jaso dituzte ohore handienak New Yorken, jarraitzaileen gogokoenen izarrez beteriko ospakizunean. Grandek urteko bideo onenaren saria irabazi du Brighter Days Ahead lanagatik, eta, ondorioz, jarraitzaileek bozkatutako sarietan gaueko saririk handiena jaso du. Mariah Careyk ibilbidearen saria jaso du, eta bideoklipak egitea zein dibertigarria den azaldu du.
Pello Reparaz: “2084an kokatuko da ‘Mitoaroa III’ ikuskizuna”
Zetak taldeak 2026ko ekainaren 20an eskainiko du San Mames futbol zelaian George Orwellen 1984 obran oinarritutako Mitoaroa III ikuskizuna, 2084an kokatuko den etorkizun distopikoa. “Apustuak, arriskua eta gauza ezberdinak bizitzeko aukera bat da Zetak”, nabarmendu du Reparazek, eta historia egiteko gogoz agertu da.