Agortu dira Hertzainak taldeak urtarrilaren 6an Gasteizen eskainiko duen azken kontzerturako sarrerak
Agortu dira Hertzainak taldeak urtarrilaren 6an Gasteizen eskainiko duen azken kontzerturako sarrerak, antolatzaileek jakitera eman dutenez. Behin betirako agurtuko dira talde arabarreko kideak, Mendizabalan jarriko duten karpa batean eskainiko duten kontzertuaren bidez. "Azkena gure alde!" agur bira laburreko eta taldearen ibilbideko azken kontzertua izango da, dena hasi zen hirian bertan.
Joan den abenduaren 16an eta 17an Barakaldoko BECen eskainitako kontzertuen segida izango da Gasteizkoa, eta berriro ere, Gari abeslaria, Josu Zabala teklatu jolea eta Luis Javier Saiz Txanpi bateria jolea igoko dira oholtzara, publikoari betirako agur esatera.
Azaroaren 30ean jarri zituzten salgai Arabako hiriburuan eskainiko duten kontzerturako sarrerak, eta aurkezpen prentsaurrekoan azaldu zutenez, 15 bat artista-gonbidatu izango dira emanaldian, estilo eta belaunaldi ezberdinetakoak. "Gasteizen hasi zen guztia, eta hemen amaitu behar genuen", esan zuten taldeko kideek.
Mendizabalan jarriko duten karpan 20.000 lagun inguru batuko dira. Gaueko 22:00etan izango da kontzertua, baina atea 19:00etan zabalduko dute, 20:00etan hasiko baitira gonbidatuen emanaldiak.
Duela hamar egun BECen eskaini zituen bi kontzertuetan Hertzainak taldeak ez zuen hutsik egin, eta hainbat belaunaldik gozatu zuten euskal musikaren talde handienetakoa izan denaren abestiekin. Zuzenean eskaini zuen ETBk abenduaren 16ko kontzertua, eta lotura honetan dago ikusgai osorik.
Zure interesekoa izan daiteke
Atletico San Sebastian danborradak Jose Ramon Soroiz omendu du
Atletico San Sebastian danborradak bere kideetako bat omendu du, Jose Ramon Soroiz aktorea, hain zuzen, Donostiako Zinemaldiaren azken edizioan Zilarrezko Maskorra jaso zuena. Gaur arratsaldean hunkituta jaso du elkartearen saria, eta ahalik eta ondoen ospatu du: upelen eta danborren doinuekin bat eginez.
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Igandean hasiko dira aurtengo maskaradak, Irurin eta Ozazen
Urtarrilaren 18tik apirilaren 26ra, 15 saio egingo dituzte Zalgize, Mendikota, Ozaze eta Iruriko gazteek.
Indarkeria matxista "normalizatuta" dago ikus-entzunezkoen eta arte eszenikoen euskal sektoreetan
(H)emen Elkarteak eta EAB Euskal Aktoreen Batasunak bultzatutako ikerketa batek agerian uzten du ikus-entzunezkoen eta arte eszenikoen sektoreetan "indarkeria matxista ez dela kasu isolatuen emaitza, baizik eta sektorearen egiturarekin lotutako errealitate sistemikoa".
"Linguae Vasconum Primitiae" euskaraz inprimatu zen lehen liburuak azken eguna du Euskal Herrian
Bernat Etxeparek 1545ean idatzitako lana, euskaraz argitaratu zen lehen liburua, Bordelen izan da ikusgai. Frantziako Liburutegi Nazionalak du liburuaren kopia bakarra, eta azken hiru hilabeteetan Baionako Euskal Museoan izan da ikusgai. Hainbat erakundek eta hautetsik bertan uzteko eskatu badute ere, Parisko liburutegira itzuliko da, hiru urtez ilunpean gordeta edukitzeko.
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Hauek izan dira kultura arloko urteko albiste nagusiak
2025. urteak sekula ikusi gabeko bideak ireki ditu euskal musika industrian. Bukatzera doan urte hau sold outen eta kontzertu handien urtea izan zela gogoratuko dugu ezinbestean.
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.