Euskadiko Orkestrak artearen bidez sortzen eta eraldatzen duen gizakiari begiratuko dio 2023/2024 denboraldian
Euskadiko Orkestrak 2023/2024 denboraldia aurkeztu du gaur, maiatzaren 31n, Orkestrak Donostian, Miramonen, duen egoitzan. Han azaldu dutenez, "sortzen eta eraldatzen duen gizakiengan jarri nahi dugu arreta, bizi-esperientzien bidez mundua mugitzen duen pertsonengan".
Abonu denboraldia 2023ko irailaren 29an hasiko da, Gasteizen, eta 2024ko ekainaren 7an amaituko da Donostian. Guztira 12 abonu programa egingo dituzte denbora horretan, Gasteizen, Bilbon, Donostian eta Iruñean; orotara, 50 emanaldi.
Kontzertu horietan guztietan, Mahlerren Hirugarren Sinfonia, Brucknerren Zazpigarren Sinfonia, Dutilleuxen Correspondances, Richard Straussen Aus Italien eta Symphonia Domestica obrak, Rakhmaninoven Hirugarren Sinfonia eta Pianorako Bigarren Kontzertua, Prokofieven Alexander Nevski lana, Dvoraken Zazpigarren Sinfonia eta Rudi Stephanen Die ersten Menschen opera entzungo dira, azken hori Arriaga Antzokiarekin lankidetzan ekoitzia Calixto Bieitoren zuzendaritza eszenikoarekin.
Doinu horiek zuzentzeaz arduratuko dira Robert Treviño zuzendari titularra (lau programaz arduratuko da), Stanislav Kochanovsky, Riccardo Frizza, Marie Jacquot, Lina Gonzalez-Granados, Baldur Bronnimann, Juanjo Mena, Juraj Valcuha eta Pablo Gonzalez, eta bakarlari arituko dira Federico Colli, Markus Schirmer (pianoa), Sergey Khachatryan (biolina), Olesya Petrova (mezzosopranoa), Alban Gerhardt (biolontxeloa), Justina Gringyte (mezzosopranoa), Alfonso Gomez (pianoa), Elena Sancho Pereg (sopranoa) eta Clara Mouriz (mezzosopranoa).
Denboraldi berrian, hiru euskal abesbatza batuko zaizkio Orkestrari: Bilboko Koral Elkartea (Mahlerren Hirugarren Sinfonia), Donostiako Orfeoia (Prokofieven Aleksander Nevski) eta Gasteizko Vocalia Taldea (Debussyren Nocturnes).
Euskal musika
Hurrengo denboraldiari begira, Euskadiko Orkestrak obra bat enkargatu dio Antonio Lauzirikari, Eduardo Chillidaren jaiotzaren mendeurrena ospatzeko: Chillida-Elogios.
Gainera, Itziar Viloria bizkaitarraren Oihartzun gorriak ere estreinatuko dute, baita Saskia Venegas euskal-belgikar musikagileak Egeo itsasoko errefuxiatuen arazoa gogoan konposatu duen At the Aegean Shores (Egeo itsasoko kostaldean) lanaren berrikuspena ere. Errenteriako Musikasteren aurreko edizioan estreinatutako lana da, baina Venegasek berridatzi egin du.
Ramon Lazkanoren Mugarri ere joko du Orkestrak 23/24 denboraldian, eta, sortzaile garaikideez haraindi, denboraldiko hirugarren kontzertu programan Gabriel Pierné konpositorearen Ramuntcho (Pierre Lotiren liburuan oinarrituta) eta Maurice Ravelen Concerto en sol joko dute.
Halaber, euskal musikaren erregistro diskografikoaren atalean, Gabriel Erkorekaren lanen grabazio bat egingo du Euskadiko Orkestrak denboraldi honetan, Ondine diskoetxearekin.
Bira
2024ko otsailean, Salzburgora, Mozarten jaioterrira, eta Linzera joango da Euskadiko Orkestra, kontzertuak eskaintzera.
Abonuak eta sarrerak
Abonuak ekainaren 5etik aurrera erreserbatu ahalko dira, 10 kontzerturako 80 eta 235 euro artean, webgunearen bitartez, 943 01 32 32 telefonora deituta edo mezu elektroniko bat bidalita abonatuak@euskadikoorkestra.eus helbidera.
Sarrera solteak irailaren 1etik aurrera jarriko dituzte salgai.
Zure interesekoa izan daiteke
Sigur Rós talde islandiarrak Bilbon joko du irailaren 15ean
Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.
Basoa eta Lasai Bilbao BBK Live jaialdiko guneek osatu dute aurtengo kartela
2manydjs (DJ set), Donato Dozzy, Erol Alkan, Meritxell de Soto, DJ Koze, Somadamantina (live) eta beste hainbat disko-jartzaile arituko dira jaialdiko bi gune elektronikoetan.
Abestu Euskadiko Orkestrarekin ekimenaren bigarren edizioa Euskaldunara iritsiko da gaur
Aurten 132 abeslari ez profesionalek parte hartuko dute ekimen honetan, orkestrarekin eszenatokian zuzenean abestuz. Gaur Bilbon arituko dira, Euskalduna Jauregian, eta datorren astean bi emanaldi eskainiko dituzte Donostian, Kursaal Jauregian.
Juanjo Mena, euskal batuta unibertsala
Musikari gasteiztarra Bilboko Orkestra Sinfonikoaren, BBCko Orkestra Filarmonikoaren eta Cincinnatiko Maiatzeko Jaialdiaren zuzendari titularra izan da, eta Arabako Urrezko Domina eta Gasteizko Seme Kutunaren izendapena jaso ditu.
Euskal orkestra-zuzendariak bideo hau kaleratuta eman zuen jakitera alzheimerra zuela
Nazioartean ospe handia duen zuzendariak 2025ean eman zuen diagnostikatu zioten gaitz horren berri, eta "lasaitasunez eta musikarekiko esker onez" aurre egingo ziola esan zuen.
Juanjo Menak agur esango dio publikoari aurten
Gasteizko orkestra-zuzendariaren aurtengo kontzertuak “podiumetik” egingo dituen azkenak izango dira, eta egindako bidea gogoratu nahi du berorietan. Alzheimerra detektatu ziotela iragarri zuen 2025eko urtarrilean.
Eñaut Elorrieta diskoa grabatzen ari da, Bryce Dessner eta David Chalmin ekoizleekin
Musikaria The National taldeko gitarristarekin eta Triple Sun taldeko kidearekin ari da bere hurrengo lana ontzen, Senperen. Bon Iver, Sufjan Stevens, Bruce Springsteen, Nick Cave, Taylor Swift eta Madonna musikariekin zein Labèque ahizpekin aritutako musikariek parte hartuko dute saioetan.
Bilbao All Star Blues Band, Travellin’ Brothers eta The Cherry Boppers, Bilbao Blues Festivalen
Festibalaren bosgarren edizioan Bilbao All Star Blues Band taldeak joko du, jaialdirako propio sortua eta Bob Stroger baxu-jotzaileak eta Willie Buck abeslariak osatzen dutena, besteak beste.
Gure Ahotsak zikloak Clara Peya, La Tremendita, Chica Sobresalto, Mirua eta Neomaken kontzertuak eskainiko ditu
Emanaldi errenkadak emakume musikarien kontzertuak antolatu ditu berriz Donostian, martxoaren 3tik 7ra.
ETS, Nøgen, Hofe, Danielle Nicole eta Ibibio Sound Machine, Zurriolan Jazzaldian
Donostiako 61. Jazzaldian Zurriolako hondartzan, Keler Gunean, doako kontzertuak eskainiko dituzten talde eta artisten izenak iragarri dituzte. Uztailaren 22tik 25era, zortzi kontzertu izango dira.