Juan Carlos Perezek eta Kirmen Uribek opera bat idatzi diete "libreak izatean irakatsi zigutenei"
Ostegunean entzungo du publikoak lehenengoz Saturraran, Juan Carlos Perez musikariak (Itoiz, Hau berua bakarkako diskoa…) konposatu duen opera garaikidea, Kirmen Uriberen euskarazko libretoa duena. Hain zuzen ere, ekainaren 20an (19:30) eta 22an (20:00) taularatuko dute, Arriaga Bilboko antzokian, antzokiaren beraren eta Bizkaiko Foru Aldundiaren ekoizpena.
Lucía Astigarragak sinatu du opera honen zuzendaritza eszenikoa, eta agertokian Kirmen Uribek euskaraz idatzitako libretoak iradokitzen duen alderdi onirikoa azpimarratzen dela aurreratu dute. Ikuskizuna euskaraz interpretatuko da, eta gaztelaniazko eta ingelesezko gainidatziak izango ditu.
Jon Malaxetxebarria arduratu da Saturraranen zuzendaritza musikalaz, eta berak gidatuko du Bilbao Orkestra Sinfonikoa (BOS). Zortzi ahots solistak interpretatuko dute opera: Elías Arranz eta Andrea Jiménez nagusiak, Marifé Nogales, José Manuel Díaz, Botond Ódor, Aitor Garitano, Itxaro Mentxaka eta Iñigo Fernández.
Gainera, Bilboko Koral Elkarteko 40 abeslarik baino gehiagok hartuko dute parte ikuskizunean.
Elkar maitatzerik ez duten bi emakumeren kontakizuna da Saturraran, Bilboko antzokitik azaldu dutenez. 80ko hamarkadan, Ane, alturako arrantzale baten alaba, eta Luna, furgoneta batean heldutako andaluziarra, elkarrekin maitemindu ziren. Heroinaren zurrunbiloak harrapatu eta, herritarren gaitzespena dela eta, Saturrarango kartzelaren hondakinetan hartu zuten babesa. José, Aneren aita alarguna, haiek laguntzen ahaleginduko da. Desberdina den hori onartzearen zailtasuna, heroina eta hiesaren oldarraldia, arrantzaren munduaren gainbehera… Libreak izaten irakatsi zigun belaunaldi galduari egindako omenaldia da Saturraran.
Elezahar baten arabera, gainera, Saturraran hondartzako bi haitz handiak bi maitale dira. Gizarteak ez zien elkar maitatzen uzten, eta uretan ito ziren maitaleak; itsasoan bi haitz handi sortu ziren gero, haien oroimenez.
Sarrerak salgai daude dagoeneko, 20 eta 42 euro arteko prezioan.
Albiste gehiago musika
Gipuzkoako Aldundiak Lourdes Iriondo abeslariari emango dio 2025eko Urrezko Domina
Sariaren helburua "Lourdes Iriondok euskararen eta euskal kulturaren biziberritzean garatu zuen lan zabal eta berritzailea gaur egunera ekartzea eta justizia egitea da, bere ondareak lurraldeko historian merezi duen lekua izan dezan".
Estrella Morente, bart Getxon
Granadar kantariak kontzertua eskaini du bart Muxikebarri Getxoko aretoan, Getxo Folk jaialdiaren bigarren gauean. Igandean, Benito Lertxundi omenduko dute espazio berean.
Zetak taldeak Bilbon eskainiko duen bigarren ikuskizunerako sarrerak, agortzear
70.000 sarrera inguru saldu dituzte nafarrek bi egunean. Ekainaren 20ko emanaldikoak berehala agortu ziren, eta 19koak, agortzeko bidean dira.
Xabier Zeberio & Andrés Isasi Musika Eskolako Orkestra, Getxo Folk irekitzen
Xabier Zeberioren zuzendaritzapean, orkestrak jazza, euskal herri musika eta inprobisazioa uztartu ditu Bizkaiko jaialdiaren lehen egunean, "Pause" proiektuko kantuetan.
Zetak taldeak San Mameseko kontzerturako sarrera guztiak saldu ditu, eta bezperan ere joko du
Pello Reparaz buru duen taldeak Mitoaroa III ikuskizun distopikoa taularatuko du ekainaren 19an eta 20an Bilboko estadioan. Bihar, ostegunarekin, jarriko dira ekainaren 19rako sarrerak.
Pello Reparaz: "Jendea epel ez gelditzea zen asmoa, eta lortu dugu"
"Egun On" ETBko saioak elkarrizketa egin dio Pello Reparazi, Zetak-ek "Mitoaroa II" kontzertu errenkada amaitu eta biharamunean. Ekainaren 20an San Mamesen egingo duten ikuskizunari buruz ere hitz egin digu.
-1:eitb-banner?$eitb-banner$&fmt=png-alpha&qlt=80)
Rick Davies Supertrampeko abeslari eta konpositorea zendu da
Britainiar musikariak mieloma zuen duela hamar urtetik, eta 81 urte zituela hil da.
Lady Gaga, Mariah Carey, Sabrina Carpenter eta Ariana Grande, MTV Video Music Awardseko izar distiratsuenak
Ariana Grande pop abeslariak irabazi du MTV Video Music Awards sarietako sari nagusia, eta Lady Gagak eta Sabrina Carpenterrek jaso dituzte ohore handienak New Yorken, jarraitzaileen gogokoenen izarrez beteriko ospakizunean. Grandek urteko bideo onenaren saria irabazi du Brighter Days Ahead lanagatik, eta, ondorioz, jarraitzaileek bozkatutako sarietan gaueko saririk handiena jaso du. Mariah Careyk ibilbidearen saria jaso du, eta bideoklipak egitea zein dibertigarria den azaldu du.
Pello Reparaz: “2084an kokatuko da ‘Mitoaroa III’ ikuskizuna”
Zetak taldeak 2026ko ekainaren 20an eskainiko du San Mames futbol zelaian George Orwellen 1984 obran oinarritutako Mitoaroa III ikuskizuna, 2084an kokatuko den etorkizun distopikoa. “Apustuak, arriskua eta gauza ezberdinak bizitzeko aukera bat da Zetak”, nabarmendu du Reparazek, eta historia egiteko gogoz agertu da.
'Mitoaroa III' ikuskizuna San Mames futbol-zelaira iritsiko da 2026ko ekainaren 20an
Zetak taldeak Bilbo aukeratu du bere ikuskizun arrakastatsuaren hirugarren zatirako, Bizkaia euskal kulturaren erdigunean kokatuz.