Nork esan du osteguna ez dela rock-and-rollerako egun aproposa?
Ikasturte amaierako afariak, sanjoanak, oporraldiaren hasiera, udaburuko ospakizunak… eta, Gasteizen, Azkena Rock Festival jaialdia. Udarekin iritsierarekin bat, gitarrek gidatutako rockak ez dio huts egiten Arabako hiriburuarekin duen urteroko zitari. Aurten ere, burrunbaka iritsiko dira Mendizabalara, hiru egunez, Jane's Addiction, L7, Ty Segall, Queens of the Stone Age, Redd Kross, The Real McKenzies eta PiLT, besteak beste, eta goxoxeago, Sheryl Crow, Mavis Staples eta Band of Horses.
Lehen egunean, bi euskal talde izango dira musika proposamena abiatzeko arduradunak: Txopet eta Brigade Loco; talde bergararra jo gabe gelditu zen iaz, larunbatean botatako erauntsien ondorioz, eta aurten kitatutako dute Azkena Rock Festivaleko musikazaleekiko zorra.
Bilbotarren kontzertua 18:15ean hasiko da, Respect agertokian; han entzungo dira Nahiz eta jausi beren estreinako disko luzeko kantuak: jarrera punka, oinarri erritmiko sendoa, autotunearen iragazkiak markatutako ahotsak eta, ororen gainetik, ahots melodia oso itsaskorrak.
Brigade Loco punk rock taldeak hartuko die lekukoa txopetarrei. 2022an beren Social Distortion miretsiek (hala azaldu zigun iaz Alex Arteaga Urrutia taldeko gitarristak) jo zuten agertoki bera, God izenekoa, zapalduko dute bergararrek azkenean, iazko saiakera antzuaren ondoren, 19:05etik aurrera. Berotzen jarraitzeko eta lelo batzuk airera oihukatzeko aukera emango dutela, zalantza gutxi.
Haien ondoren (20:05, Respect agertokia), karteleko misterioak argitze aldera entzundako proposamenen arteko ezusteko atseginenetako baten txanda izango da, Whispering Sons belgikar boskotearena. The Great Calm hirugarren diskoa aurkeztuko du Gasteizen post-punk talde ilunak, keinu popak eta Fenne Kuppens abeslariaren ahots sakon, misteriotsu eta iradokitzailea ikur dutela.
Iluntzearekin bat, bi apustu seguru aurkituko ditugu kartelean, nor bere moldean: Ty Segall kaliforniarra (21:10, God) eta Tarque & la Asociación del Riff (22:30, Respect). Kaliforniarrak bere errepertorio oparo eta askotarikoko alerik rockeroenak hautatzen baditu, zale zaharrak ase eta berriak aurkituko ditu, dudarik gabe, baina oparoa bezain ezin aurreikusizkoa da Segall.
Tarque M-Claneko kantariak, berriz, eskatzen zaiona emango du 22:30etik aurrera: bere ahots izugarria, talde oso fidagarri batek jotzen duen rock-and-roll klasikoaren gainetik, Tarque & la Asociación del Riff izenarekin argitaratutako bakarkako bi diskoetan erakutsi duenez.
Eguneko kartelburuak, Jane's Addiction 90eko hamarkadako rock talde estatubatuarrak, 23:35ean oholtzaratuko dira. Rock alternatiboa deitu zen horren aitabitxietako bat da taldea, Blind Melonekin, Stone Temple Pilotsekin eta beste hainbat talderekin batera, eta jatorrizko laukoteak joko ditu Gasteizen, besteak beste, Ritual de lo habitual disko arrakastatsuko kantuak; hots, Perry Farrel kantariak, Dave Navarrok gitarristak (One Hot Minute Red Hot Chilli Peppersen diskoan eta biran jo zuen, John Frusciantek taldea utzi zuen lehenengo aldian), Eric Avery baxu-jotzaileak eta Stephen Perkins bateria-jotzaileak.
Gogotsuenek Bonafide suediar hard rock taldea edo Ukelele Joe y sus Hula Shakers asturiarrak ikusten luza dezakete gaua, baina gogoan izan ostirala eta larunbata faltako direla oraindik.
Zure interesekoa izan daiteke
Maurice Ravel musikari ospetsuaren omenezko eskultura inauguratu dute Donibane Lohizunen
Ziburun jaio bazen ere, denbora asko igaro zuen bere bizitzan zehar Donibane Lohizunen. Artista euskaldunaren jaiotzaren 150. urteurrena dela eta, hainbat ekitaldi egin dituzte urte osoan; larunbat honetan, eskultura bat inauguratu dute, eta bertan izango da ikusgai hemendik aurrera. Romain Tiercin egilearen esanetan, Ravelen ondareak "mundua argitzen segitzen du".
Delaware Choral Scholars abesbatzak irabazi du Tolosako 56. Abesbatza Lehiaketa
AEBko abesbatzak lau sari eskuratu ditu: polifonia saileko eta folklore saileko lehenengo sariak, Kutxaren sari nagusia eta euskal abesti baten interpretazio onenaren saria.
9 herrialdetako hamahiru abesbatza, Tolosan kantuan
Zortzi ganbera abesbatzak eta bost ahots taldek kantu erlijioso eta profanoak interpretatuko dituzte Gipuzkoako lehiaketaren 56. edizioan.
Urtz: "Iragana hil baino lehen" (2025)
"Urtzen" Urtz taldeak azaroan kaleratuko duen diskoaren lehen aurrerapena da "Iragana hil baino lehen" taldearen kantu klasikoaren bertsio berria. "Urtzen" lanak taldearen hamabost kanturen moldaketa berriak eta kantu berri bat bilduko ditu, guztiak ere bertsio "akustiko eta intimoagoan".
Leire Martinez: “Arrakasta bat ospatzen ari ginen eta konpainiako presidenteak esan zidan: 'Horiek bai titiak!'"
La Oreja de Van Gogh taldeko abeslari ohiak industria eraldatzen duten emakumeei buruzko hitzaldi batean parte hartu du. Emakumeek pairatzen dutenaren adibide gisa, diskoetxe bateko zuzendari batekin bizi izan zuen gertakari bat kontatu du.
Fito: "Atsegin dut jendeak Fito & Fitipaldisen soinua identifikatzea"
Arratsaldean BIME musika-azokaren baitan publikoarekin topaketa bat egin aurretik, Fitok "El monte de los aullidos" fitipalditarrekin batera kaleratu duen zortzigarren diskoari buruz hitz egin digu.
Ruper Ordorika: "Neure sasoi bat adierazten du disko honek, argi-itzalekin"
Oñatiar musikariak "Lurra ikutu barik" diskoa grabatu du, Leo Abrahams, Joh Thorne eta Kenny Wollesen musikariek lagunduta. Hamaika kantu biltzen ditu CD eta binilo formatuetan eskuratu ahalko den diskoa, eta Elkar argitaletxeak argitaratu du. Laster abiatuko du aurkezpen-bira Ordorikak. Ikusi Maite Eskarmendi kazetariak "Egun On" saioan egin dion elkarrizketa.
Alice Cooper eta Social Distortion, Azkena Rock Festivaleko lehen izen handiak
Gasteizko rock-and-roll jaialdiaren 24. edizioan Imelda May, Old Crow Medicine Show, Evaristo eta Sleaford Mods ere egongo dira, besteak beste. Aurretik jaialdira joan direnentzako aurresalmenta bihar, asteazkenarekin, abiatuko dute, eta salmenta orokorra asteartean, azaroak 4, hasiko da.
Olaia Inziartek EP berria kaleratu du, “Zura”
Hiru abestiz osatutako lana kaleratu du nafar musikariak, bere ibilbide artiskoaren “etapa berri baten hasiera”.
Bime jaialdiak zuzeneko musikaz eta profesionalentzako jarduerez beteko du Bilbo
Bime Prok eta Bime Livek, Last Tour enpresak antolatzen duen jaialdiaren bi aldeek, aste honetako agenda beteko dute: Rubén Blades, Mon Laferte, Fito, Leire Martínez, Zahara eta beste hainbat artistekiko topaketak eta Delaporteren, Villano Antillanoren eta Silitiaren kontzertuak egongo dira, esate baterako.