Juanjo Mena, euskal batuta unibertsalena
Juanjo Mena (Gasteiz, 1965) azken hamarkadetan nazioartean itzal handiena izan duen euskal musika zuzendaria da. Musika ikasketak Gasteizen hasi eta Madrilen zabaldu zituen, Carmelo Bernaolaren eskutik besteak beste.
1997an, EGO Euskal Herriko Gazte Orkestra sortu berriaren zuzendari artistiko izendatu zuten, eta 1999tik 2008ra BOS Bilbao Orkestra Sinfonikoaren zuzendari artistiko eta zuzendari nagusi izan zen. 2010ean, BBCren Orkestra Filarmonikoa zuzentzeari ekin zion, zuzendari titular gisa, 2018ra arte.
Halaber, munduko orkestra ospetsuenetako batzuen zuzendari gonbidatua izan da Mena, hala nola Bergengo Orkestra Filarmonikoa (Norvegiako taldearen zuzendari gonbidatu nagusia izan zen), Berlingo, Bambergeko, Danimarkako, Frantziako, New Yorkeko, Bostongo, Chicagoko eta Baltimoreko orkestrena eta, noski, Euskadiko Orkestrarena, sarri askotan.
Arambarri, Guridi, Arriaga, Isasi, Usandizaga, Sarasate eta Escudero euskal maisuen partiturak interpretatu ditu Menak, agertokian zein estudioan, eta bereziki maite du Ravelen Boleroa.
Carlos Mena kontratenorraren anaia da Juanjo, eta Legution bizi da. 2017an, Arabako Urrezko Domina eman zioten, eta 2018an Gasteizko Seme Kuttun izendatu zuten.
Alzheimerra duela iragarri duen honetan, familiaren, lagunen eta medikuen laguntza izango du "inoiz aurrez aurre izan dudan partiturarik zailena interpretatzeko".
Oraingoz, eritasuna gorabehera, lanean jarraitzeko asmoa du, eta hainbat kontzertu ditu iragarrita. Otsailaren 5ean Valentzian izango da, ongintzazko kontzertu batean, eta hurrengo asteetan, Reykjaviken, Bartzelonan, Madrilen, New Yorken eta Cincinnatin.
Zure interesekoa izan daiteke
Natxo de Felipe berriro oholtzara igo da da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.