'Lincoln', 10 BAFTA sari eskuratzeko hautagai
"Lincoln" eta "Los Miserables" urteko pelikula onenaren Bafta sarietarako hautagai dira. Britainia Handiko Oscar sarien antzeko sariak dira eta otsailaren 10ean emango dituzte Londoneko Royal Opera Housen. Britainia Handiko Zinema Akademiak jakinarazi duenez, "Lincoln" eta "Los miserables" dira pelikula onenari saria lortzeko hautagaiak, "Argo", "La vida de Pi" eta "La noche más oscura" lanekin batera.
Javier Bardem aktore espainiarra ere Bafta sari bat eskuratzeko hautagaien artean dago, "Skyfall" pelikulan egindako lanagatik. Tommy Lee Jonesekin ("Lincoln") eta Alan Arkinekin ("Argo") izango da lehian, besteak beste.
"Lincoln"ek 10 hautagaitza ditu, "Los miserables"ek eta "La vida de Pi", bederatzina eta "Skyfall"ek, zortzi.
Gizonezko-aktore onenari sarirako Daniel Day Lewis ("Lincoln") eta Hugh Jackman ("Los Miserables") dira hautagaiak, besteak beste. Emakumezko-aktore onenaren sarirako Helen Mirren ("Hitchcock") eta Emmanuelle Riva ("Amour") daude aukeratuen artean.
Zuzendari onenaren sarirako, hauek dira hautagaiak: Quentin Tarantino ("Django desencadenado"), Michael Haneke ("Amour"), Ben Affleck ("Argo"), Ang Lee ("La vida de Pi") eta Kathryn Bigelow ("La noche más oscura"). Atzerriko film onenari sarirako, bestalde, hauek dira hautagaiak: "Amour", "Headhunters", "The Hunt"; "Rust and Bone" eta "Intocable".
Zure interesekoa izan daiteke
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ez da ostegunean irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.