Bosniako gerra, Donostiako Giza Eskubideen Zinemaldia zabaltzeko
"Circles (Krugovi)" Srdan Golubovicen filmak, Bosniako gerrak zabaldu eta oraindik itxi ez diren zauriei buruzko istorio batek, zabalduko du Giza Eskubideen Donostiako XII. Zinemaldia. Sundanceko 2013ko jaialdian epaimahaiaren sari berezia eman zioten, World Cinema Dramatic sailean.
Jaialdiaren antolatzaileek programazioaren aurrerapen bat iragarri dute gaur: hamarka filmek askotxotan isilarazitako gai andana bat azaleratuko dituzte, hala nola, Euskal Herriko indarkeria, okupazio mugimendua, iraultza sandinista, botiken patenteak, organo trafikoa, heriotza duinerako eskubidea...
Jaialdia abiatuko duen filmak Sofia, Sarajevo eta Minskeko jaialdietako publikoaren sariak ere bereganatu ditu, eta 1993an Balkanetako herri batean hiru kidek hil zuten soldadu baten ingurukoei begiratzen die; hamabost urte geroago, sufritzen jarraitzen dute.
Halaber, euskal gatazkak ere bere tokia izango du jaialdian. "Echevarriatik Etxeberriara. Oiartzun: Indarkeriarekin bizi izan den herri baten kronikak" Ander Iriarteren dokumentalak "indarkeriak ezker abertzalearen munduan izan duen garrantzia" hartzen du oinarri, Gipuzkoako udalerri horretan bizi diren pertsonetatik soilik abiatuta.
"Indarkeriari, nolanahi ere, ertz guztietatik begiratzen zaio (ETArena, Poliziarena, politikoa, herriarena, Estatuarena, psikologikoa...). Horretarako, Ander Iriartek bertatik bertara ezagutzen duena gauza handiago baten isla gisa erabiltzen du", Donostiako jaialdiaren antolatzaileek ohar batean jakinarazi dutenez.
Gainera, Juanmi Rodriguezek Euskal Herriko okupazio mugimenduari buruz egindako lana ere erakutsiko da: "Ateak zabalduz" du izena.
Giza Eskubideen Zinemaldia Donostiako Udalak eta Donostia Kulturak antolatzen dute, eta apirilaren 11n amaituko da, astebetez filmen proiekzioak, solasaldiak eta erakusketak proposatu eta gero.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.