Kaliforniako abenturan aurrera: hirugarren emanaldia, eta Hollwoodera!
Azken emanaldia dugu aurrean. Gaur gauean, pelikula azkenekoz proiektatuko dute hemen. Lehenagoetan gertatu zaigunean oinarrituta, aurrekoak baino hobeto joango dela uste dugu… Horixe izan baita gure ibilbidea orain arte.
Gure bigarren emanaldiaren ordu berean, Michael Ketaoni sari bat eman behar zioten, eta beldur ginen (David erabat sinetsita zegoen) ez ote zen nahiko genukeen adina ikuslerik bilduko. Oker geunden; oso oker. Aretoa bete egin zen, gu bertan egotea baino diru gutxiago kostatu zen pelikula bat ikusteko gogo biziz bertaratu zen jendea. Literalki.
Zein ederra publikoa pelikulari emana, iritzia plazaratzen eta ondorioak partekatzen ikustea. Zein ederra hiri bat zinemari osorik emana ikustea.
Atzo egun lasaixeagoa genuen, eta hizkuntzakideen filmak ikusi ahal izan genituen ;) Donostia ikusi eta euskara entzun genuen ere! Oso hunkigarria! Zenbat eta urrunago egon, orduan eta hunkigarriagoa. Bitxia da.
"Five days to dance" dokumentala Larramendi ikastetxean grabatu dute, hezkuntza esperientzia alternatibo bat kontatzen du eta zinez merezi du ikustea. Malkotxoren bat ere bota nuen; aitortzen dut.
"Tercer grado" pelikula espainiarra ere hautatu dute jaialdirako. Hau ere gomendagarria da. Odola, ukabilkadak eta sua, moral bikoitzaren jokoaren testuinguruan. Oso lan ona egin dute gure kideek, bai horixe.
Gaur gauean jaialdiarekikoak bukatuko ditugu, baina ez gure abentura. Los Angelesera goaz! Bost egunez (ni apur bat gehiago geldituko naiz ;) ), lana eta aisialdia uztartuko ditugu.
Zer esango dizuet, bada, kontatuko dizuedan hurrengoa Hollywoodetik idatziko dudala jakinda…. HOLLYWOODetik!!
HOLLYWOODetik!!Zure interesekoa izan daiteke
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.
'Maspalomas', film onena Zinemastearen 42. edizioan
Maspalomas, Jose Mari Goenagak eta Aitor Arregik zuzendutako filma Zinemastearen 42. edizioko onena izendatu dute.
'Maspalomas', Zinemastearen 42. edizioko film onena
Zuzendari onenaren eta aktore onenaren sariak ere jaso ditu, azken hori Jose Ramon Soroizek egindako lanagatik.
Filmen soinuak non, emakumeak han
Pelikulak ikusi egiten dira. Pelikulak aditu egiten dira. Izan itzazue belarriak tente.
Miguel Garces aktoreak jasoko du Zinemastearen Gutako Bat saria
Garcesek larunbatean jasoko du Arabako zinemagintzako profesional nabarmenei ematen zaien golaroda, Zinemastea jaialdiaren amaiera galan.
"Los domingos" eta euskal aktoreak garaile, Feroz sarietan
Alauda Ruiz de Azuaren lanak film onenaren, gidoi onenaren, zuzendari onenaren, aktore protagonista onenaren eta bigarren mailako aktore onenaren sariak lortu ditu. Gizonezko aktore onenen sariak Jose Ramon Soroizek eta Kandido Urangak eskuratu dituzte.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Elena eta Telmo Irureta Borjako eccehomoa zaharberritu zuen emakumeari buruzko filmaren protagonistak izango dira
Bixagu euskal ekoiztetxea eta Malagako La Cochera etxea Cecilia. La historia del Ecce Homo de Borja pelikulan lanean ari dira, Cecilia Gimenez Borja Zaragozako herriko elizan fresko bat asmo onez baina ahalmen urriz zaharberritu zuen emakumearen gaineko “begirada intimo eta hunkigarri” batean.
"Benetako istorioak", Fipadoc Biarrizko jaialdian
Bederatzi egunean, 150 film ikusteko aukera izango da Lapurdiko udalerrian. Espainiako eta Portugalgo lanei garrantzi berezia eman diete egitarauan, eta hainbat euskal ekoizpen izango dira, hala nola Idi film laburra eta Akelarre plaza taldearen inguruko dokumentala.