17 film, Culinary Zinema Zinemaldiko atalean
Basque Culinary Centerrek, Donostiako Zinemaldiak eta Berlingo nazioarteko zinema jaialdiak Culinary Zinema sailaren programazioa aurkeztu dute gaur, uztailak 30.
Donostiako Zinemaldiak, Berlinalek eta Basque Culinary Centerrek orain bost urtetik hona duten lankidetzari esker, nazioarte mailako zinema jaialdi batek eta munduan Michelin izarren kontzentraziorik handiena duen eskualde batek bat egiten dute.
Bosgarren edizio honetan, 17 film erakutsiko ditu sailak: 4 labur eta 13 luze. Azken horietatik 9k lehiaketan parte hartuko dute, eta gainerako laurak lehiaketaz kanpo ikusgai izango dira. Film horietako zazpirekin batera, afari tematikoak izango dira nazioartean sonatuak diren sukaldarien eskutik.
Inaugurazio afariaren arduraduna Andoni Luis Aduriz (Mugaritz jatetxea) izango da, eta itxierako afariarena, berriz, El Celler de Can Roca jatetxeko Roca anaiak eta haiek gonbidatutako sukaldari bat. Datozen asteetan sukaldari gehiagoren izenak iragarriko dituzte.
Filmei dagokienez, “Campo a través. Mugaritz, intuyendo un camino”, “The birth of sake”, “The perfect protein” eta beste asko emango dituzte.
Culinary Zinemak Tokyo Gohan Film Festival jaialdiarekin lankidetzan jarraitzen du. Ondorioz, Tokyo Gohan Film Festivalek aukeratutako epaimahai batek 10.000 euroko saria emango dio Culinary Zinema sailean programatutako filmetako bati.
Culinary Zinema saileko proiekzio eta afarietarako txartel bateratuak irailaren 1ean ipiniko dira salgai, 67,20 euroan.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.