Zinemaldia, Merian Cooper eta Ernest Schoedsack zinemagileei begira
Donostiako Zinemaldiaren 63. edizioak Merian C. Cooper (1893-1973) eta Ernest B. Schoedsack (1893-1979) zinemagileen pelikulei eskainitako atzera begirako ziklo bat eskainiko du. Hollywoodeko historiak inoiz eman duen "bikote sortzaile bitxi eta estimulatzaileenetakoa" eratu zuten bi zuzendariek Ameriketako Estatu Batuetako (AEB) zinemaren aro klasikoan, Zinemaldiko arduradunek adierazi dutenez.
Hainbat belaunaldiz King Kong (1933) film ospetsuaren egile izateagatik ezagutu dituzte Cooper eta Schoedsack, baina beste film batzuetan ere aritu ziren elkarrekin: The Most Dangerous Game (1932) Cooperrek ekoitzia eta Schoedsackek eta Irving Pichelek egina; eta Dr. Cyclops (1940) miniaturizatutako izaki batzuei buruzko fantasia telurikoa, Schoedsackek bakarka egina, adibidez.
Jatorriz abenturazaleak biak, antropologiako hainbat espediziotan parte hartu zuten kamerari gisa, eta hor piztu zitzaien zinema dokumentalarekiko grina. Hala, elkarrekin genero horretako bi maisulan zuzenduta egin zuten debuta: Grass (1925) eta Chang (1927). Lehenengoan, Persiako (gaur egungo Iran) tribu nomada baten eguneroko bizitza jaso zuten; bigarrenean, berriz, Siamgo oihaneko natibo baten eta elefantekume baten arteko harremana erakutsi zuten. Horren betiko oihartzuna izango da, apika, beren fikziozko filmetan beti ikasbide dokumentalak indar handia izatea: King Kongen eta Zaroffen istorioak esploratu gabeko mundu exotikoekin izandako harremanetik sortu ziren, adibidez.
Cooper-Schoedsack bikotea galtzak bete lan aritu zen 30eko hamarkada osoan zehar, Ruth Rose (1891-1978) gidoilariarekin batera. Hiruren artean, hainbat generotako filmak jarri zituzten martxan; Cooperrek ekoitzi zituen eta Schoedsackek zuzendu, hala bakarka nola lankidetzan, The Monkey's Paw (1933) eta Blind Adventure (1933) gisako misterio filmak; Trouble in Morocco (1937) eta Outlaws of the Orient (1937) abentura filmak; The Last Days of Pompeii (1935), Bulwer-Lyttonen eleberri ezagunaren moldaketa; eta John Barrymore protagonista izan zuen Long Lost Father (1934).
King Kong egin ostean, zuzendaritza lanetatik urrundu zen Cooper, eta RKO etxeko ekoizle nagusietako bat bihurtu zen. Han, Fred Astaire eta Ginger Rogersekin egin zuen lan, adibidez.
1933an, David O. Selznickekin elkartu zen, eta 40ko hamarkadan John Fordekin batu zen, The Fugitive (1947), Fort Apache (1948), Rio Grande (1950), The Quiet Man (1952) eta The Searchers (1956) haren filmak eta beste asko pantailaratu zituen.
Zure interesekoa izan daiteke
Los Javis, Araujo, Dhont edo Hamaguchiren film berriak eskainiko dituzte Zinemaldiko Perlak sailean
Guztira 16 film luze proiektatuko dira Perlak sailean eta guztiak, Olivier Nakache eta Eric Toledanoren 'Juste une illusion' izan ezik, Donostia Hiria Publikoaren Saria eskuratzeko lehiatuko dira.
Zinemaldiko Belodromoko saioetarako sarrerak salgai daude dagoeneko
Donostiako belodromoak 'Karateka' eta 'Muguruza FM 40 Tour' filmen mundu mailako estreinaldiak hartuko ditu, baita 'Go! azen' telesailaren denboraldi berriaren lehen atala ere.
Hayden Panettiere aktorea hil da, 'Scream' eta 'Heroes'-eko protagonista, 36 urte zituela
Aktorearen ordezkariak baieztatu du albistea, baina oraingoz ez dute jakinarazi zergatik hil den.
Zinemaldiak Urrezko Maskorra lortzeko lehian arituko diren sei film gehiago iragarri ditu
Jesse Eisenbergen eta Fred Cavayeren lanak, besteak beste, aurretik iragarritako hamar izenburuei batuko zaizkie Zinemaldiko Sail Ofizialean.
Leihoa irekita izan arren, pantailarik ez
Werner Herzog, Donostia saria
Zuzendari, gidoilari, ekoizle eta aktore alemaniarrari Zinemaldiko ohorezko sari ospetsuenetako bat emango diote. Herzogek inaugurazio-ekitaldian jasoko du saria, eta bere azken filma aurkeztuko du: Bucking Fastard.
Manolo Solo espainiar aktorea hil da
Andaluziar aktoreak, "Cerrar los ojos" eta "Una quinta portuguesa" flimen protagonistak, 62 urte zituen.
?fmt=webp-alpha&qlt=80)
Hamalau zinemagilek beren lehen edo bigarren filmak aurkeztuko dituzte New Directorsen
Javier Giner barakaldar zuzendariak “Esta soledad” bere estreinako pelikula aurkeztuko du Zinemaldiaren atal honetan.
Eta sirenek kantu ez bazuten egin?!
Sirenen isiltasunaren kontra (edo alde) egin behar izan zuten borroka The Odissey filmaren musikaz arduratu zirenek, Suedian jaiotako Ludwig Göransson musikari hiru Oscar sariduna buru zela. Erabaki sendoak, ezin utzizkoak hartu zituzten. Lehengo eta kasik garrantzi handienetakoa: orkestrarik ez zen izango.
Urriaren 9an iritsiko da zinemetara “Inurri itsuak” Igor Legarretaren filma
Euskarazko pelikulak Ramiro Pinillaren eleberri bat du oinarri, eta antzeztaldea Urko Olazabal, Itziar Ituño, Josean Bengoetxea, Miren Gaztañaga eta Carlos Santosek osatzen dute.