Los Javis, Araujo, Dhont edo Hamaguchiren film berriak eskainiko dituzte Zinemaldiko Perlak sailean
Guztira 16 film luze proiektatuko dira Perlak sailean eta guztiak, Olivier Nakache eta Eric Toledanoren 'Juste une illusion' izan ezik, Donostia Hiria Publikoaren Saria eskuratzeko lehiatuko dira.
Javier Ambrossi eta Javier Calvoren 'La bola negra' filmeko irudi bat.
74. Donostiako Zinemaldiaren Perlak sailean 16 film eskainiko dira, horietako gehienak munduko zinema jaialdi nagusietan aitortuak izan direnak. Horien artean ageri dira Los Javis, Araujo, Dhont, Hamaguchi, Hong-jin, Mungiu, Moretti, eta Zvyagintsev zinegileen azken lanak.
Hautatutako hamaika film Cannesen izan dira, tartean, Urrezko Palma eta zuzendari onenaren ex aequo sariak irabazi dituzten Fjord (Cristian Mungiu) eta La bola negra (Javier Ambrossi eta Javier Calvo). Beste film batzuk, berriz, Venezia, Berlin, Sundance eta halako beste jaialdi batzuetatik igaro dira.
Andrey Zvyagintsev zinemagile errusiarrak emango dio hasiera Perlak sailari Minotaur (Epaimahaiaren Sari Nagusia Cannesen) film luzearekin.
Saileko film guztiak lehiatuko dira Donostia Hiria Publikoaren Saria eskuratzeko, Olivier Nakache eta Eric Toledanoren Juste une illusion izan ezik, hark lehiaz kanpo emango baitio amaiera Perlak sailari.
Sundancen Publikoaren Saria eta Epaimahaiaren Sari Nagusia lortu eta Berlinalen lehiaketa ofizialean parte hartu ondoren, Beth de Araujo zinemagile estatubatuarrak Josephine bere bigarren film luzea erakutsiko du Donostian.
Na Hong-jin zuzendari hegokorearra lehenengoz izango da Donostiako Zinemaldian Hope pelikularekin. Hain zuzen ere, film hori Canneseko lehiaketa ofizialean hautatu zuten.
Veneziako Mostran estreinatu ondoren, Nanni Moretti zuzendari eta aktore italiarrak Succederà questa notte / It Will Happen Tonight aurkeztuko du Zinemaldian. Hain justu, iaz Donostian filmatu zen, partzialki.
Ryusuke Hamaguchi zuzendari japoniarra Donostiara itzuliko da Cannesen emakumezko aktore onenaren saria lortu duen Soudain / All of a Sudden filmarekin.
Lukas Dhont zinemagile belgikarrak bere hirugarren filma erakutsiko du Donostian, Coward. 2018an Perlak sailean aurkeztu zuen bere lehen film luzea izan zena (Girl).
Zure interesekoa izan daiteke
Zinemaldiko Belodromoko saioetarako sarrerak salgai daude dagoeneko
Donostiako belodromoak 'Karateka' eta 'Muguruza FM 40 Tour' filmen mundu mailako estreinaldiak hartuko ditu, baita 'Go! azen' telesailaren denboraldi berriaren lehen atala ere.
Hayden Panettiere aktorea hil da, 'Scream' eta 'Heroes'-eko protagonista, 36 urte zituela
Aktorearen ordezkariak baieztatu du albistea, baina oraingoz ez dute jakinarazi zergatik hil den.
Zinemaldiak Urrezko Maskorra lortzeko lehian arituko diren sei film gehiago iragarri ditu
Jesse Eisenbergen eta Fred Cavayeren lanak, besteak beste, aurretik iragarritako hamar izenburuei batuko zaizkie Zinemaldiko Sail Ofizialean.
Leihoa irekita izan arren, pantailarik ez
Werner Herzog, Donostia saria
Zuzendari, gidoilari, ekoizle eta aktore alemaniarrari Zinemaldiko ohorezko sari ospetsuenetako bat emango diote. Herzogek inaugurazio-ekitaldian jasoko du saria, eta bere azken filma aurkeztuko du: Bucking Fastard.
Manolo Solo espainiar aktorea hil da
Andaluziar aktoreak, "Cerrar los ojos" eta "Una quinta portuguesa" flimen protagonistak, 62 urte zituen.
?fmt=webp-alpha&qlt=80)
Hamalau zinemagilek beren lehen edo bigarren filmak aurkeztuko dituzte New Directorsen
Javier Giner barakaldar zuzendariak “Esta soledad” bere estreinako pelikula aurkeztuko du Zinemaldiaren atal honetan.
Eta sirenek kantu ez bazuten egin?!
Sirenen isiltasunaren kontra (edo alde) egin behar izan zuten borroka The Odissey filmaren musikaz arduratu zirenek, Suedian jaiotako Ludwig Göransson musikari hiru Oscar sariduna buru zela. Erabaki sendoak, ezin utzizkoak hartu zituzten. Lehengo eta kasik garrantzi handienetakoa: orkestrarik ez zen izango.
Urriaren 9an iritsiko da zinemetara “Inurri itsuak” Igor Legarretaren filma
Euskarazko pelikulak Ramiro Pinillaren eleberri bat du oinarri, eta antzeztaldea Urko Olazabal, Itziar Ituño, Josean Bengoetxea, Miren Gaztañaga eta Carlos Santosek osatzen dute.