Daniel Day-Lewisek aktore lanari utziko dio
Daniel Day-Lewisek, bere belaunaldiko aktore onenetako batek eta hiru Oscarren jabeak, interpretazioan jarduteari utziko dio, Leslee Dart haren bozeramaileak ohar batean iragarri duenez.
“Daniel Day-Lewisek ez du aktore lan gehiagorik egingo. Esker ona adierazi nahi die urte hauetan guztietan ondoan izan dituen lankideei eta publikoari. Erabaki pertsonala da, eta ez berak ez bere ordezkariek ez dute honen inguruko beste adierazpenik egingo”, adierazi du Dartek.
Daniel Day-Lewisen (60 urte) azken filma “Phantom thread” Paul Thomas Andersonek 1950eko modaren munduaz eginiko lana izango da.
Hain zuzen ere, “There will be blood” Andersonen beraren filmean egindako lanak ekarri zion bigarren Oscarra Day-Lewisi. Gainerako biak “Lincoln” Steven Spielbergen lanak eta “Nire ezker oina” Jim Sheridanen pelikulak eman zizkioten.
Sariaren historian gizonezko aktore onenaren Oscarra hiru aldiz irabazi duen aktore bakarra da. Izan ere, Jack Nicholsonek eta Walter Brennanek ere hiru dauzkate, baina denak ez dira aktore nagusiaren atalekoak.
Day-Lewis bere aldakortasunak eta pertsonaien larruan muga-mugaraino sartzeko ahalmenak egin dute ezagun, eta beste bi aldiz ere izan da Oscarrerako hautagai, “In the name of the father” (Jim Sheridan) eta “Gangs of New York” (Martin Scorsese) filmetan egindako lanengatik.
Beste film ezagun askotan lan egin du, hala nola “The last of the mohicans”, “Xalotasunaren aroa”, “Nine”, “The crucible” eta “The boxer”.
Albiste gehiago zinema
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.
El Gran Wyoming da Fantasiazko eta Beldurrezko Zinemaren Asteko kartel ofizialeko protagonista
Urriaren 31tik azaroaren 7ra egingo dute Donostiako zinema jaialdiaren 36. edizioa. Espainiar aurkezle, aktore eta musikaria "Eraserhead" David Lynch zenaren lehen filmeko protagonista bihurtu da kartelerako.
Munduaren akabamendua Aragoiko basamortuan
Zeluloidezko ispilatzeetan barna gabiltza "Sirat"en adoratzaileok, burua erdi sano erdi joana dugula. Igual esnatzen garenean, sendatzen garenean, Nafarroako Errege Bardean gaudela deskubrituko dugu .
Zinemagileen "Tabakalera Belaunaldia"ri gorazarre, asteburuan Donostian
Kultura zentroaren 10. urteurrenaren harira, Zinemaldiak, Elías Querejeta Zine Eskolak, Euskadiko Filmategiak eta Tabakalerak osatzen duten ekosistemaren abaroan hazi den zinemagile belaunaldia omenduko dute asteburu honetan.