Pablo Bergerrek ikusle 'irekiak' nahi ditu bere film berrirako
Pablo Berger euskal zinemagileak (Bilbo, 1963) “Abracadabra” bere hirugarren film luzea estreinatuko du abuztuaren 4an, “komedia azalezin, sailkaezin eta ikaragarri hipnotikoa”, ikusle irekiak behar dituena.
“Ikusleak aurreiritzirik gabe eta erakarria izateko gogoz egin behar dio aurre istorioari, errusiar mendi honetan sartu eta harrituta gelditzeko irrikaz”, Bergerren hitzetan.
Espiritu sentibera duen gazte eskizofreniko baten (Quim Gutierrez) istorioa kontatzen du “Abracadabra”k: ezkontza batean hipnotizatzaile amateur batek (Jose Mota), Carmen (Maribel Verdu) emazte gozoaren lehengusuak, egindako hipnosi saio baten ondorioz, gaztea Carabanchelgo morroi baten gorputzaren barruan harrapatuta geldituko da.
Bergerrek azaldu duenez, istorioak bere bizitzako une jakin batean du jatorria. Horren lagun batek bere burua eskaini zuen hipnotizatzaile baten ikuskizun batean parte hartzeko, hari boikota egiteko asmoz, eta Abracadabra hitza entzun baino ez, ziplo jausi zen, ezustean. “Irudia buruan gelditu zitzaidan, eta, beste ezeren gainetik gidoigilea naizenez, idazteari ekin nion”.
Bergerrek aitortu du Woody Allenen zale handia dela, “batik bat jende arrunta ohiz kanpoko egoeretan jartzen duelako”, eta kasu honetan Jade eskorpioiaren madarikazioa omendu du.
Bergerren esanetan, eskizofrenia, matxismoa eta tratu txarrak ere ageri dira pelikulan. Zinemagilearen ustez, ezin da taburik egon, eta zuzendariek ezin diote beren buruari “mugarik jarri”. “Abracadabra ispilua da ikuslearentzat, eta gai horien gaineko galderak egin diezazkioke bere buruari”.
Zuzendariaren hitzetan, filma “paella” bat da, eta “nire obsesio guztiak” dira horren osagaiak: “komedia, drama, zinema soziala, esperpentoa eta sarkasmoa”, besteak beste. “Ikusleek gogoko izaten dute pelikulak ispilua izatea, eta Espainiaren errealitate itxuraldatu bat da honakoa”, esan du.
Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.