Wim Wendersen film berriak zabalduko du Donostiako Zinemaldia
Submergence Wim Wendersen azken filmaren proiekzioarekin, lanaren Europa mailako estreinaldiarekin, hasiko da Donostiako 65. Zinemaldia, irailaren 22an. James McAvoy eta Alicia Vikander dira filmaren aktore nagusiak.
Erin Dignamek idatzi du istorioa, J.M. Ledgard The Economist astekariko berriemailearen izen bereko eleberrian oinarriturik: James McAvoy ingeniari hidrauliko bat da, eta Alicia Vikander biomatematikari bat. Frantziako kostaldeko hotel batean ezagutuko dute elkar, bakoitza bere misioa prestatzen ari dela, eta ingeniaria Somalian bahituko dute gero.
Filmeko musika Fernando Velazquez bizkaitar musikagileak sortu du, Euskadiko Orkestra Sinfonikoarekin, eta Wenders bera Donostiara etorri zen martxoan, grabatzeko lanak bertatik bertara ikustera.
Wim Wenders alemaniar zuzendari, gidoilari eta ekoizlea (Düsseldorf, 1945) Europan eta Ameriketako Estatu Batuetan aritu da, eta filmografia zabala du: Der Stand der Dinge (1982), Paris, Texas (1984), Der Himmel über Berlin (1987)… Donostiako Zinemaldiaren epaimahaiko presidentea izan zen 2002an, Los lunes al sol Fernando Leon de Aranoaren filmak Urrezko Maskorra irabazi zuen urtean.
zi zuen urtean.Albiste gehiago zinema
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.
El Gran Wyoming da Fantasiazko eta Beldurrezko Zinemaren Asteko kartel ofizialeko protagonista
Urriaren 31tik azaroaren 7ra egingo dute Donostiako zinema jaialdiaren 36. edizioa. Espainiar aurkezle, aktore eta musikaria "Eraserhead" David Lynch zenaren lehen filmeko protagonista bihurtu da kartelerako.
Munduaren akabamendua Aragoiko basamortuan
Zeluloidezko ispilatzeetan barna gabiltza "Sirat"en adoratzaileok, burua erdi sano erdi joana dugula. Igual esnatzen garenean, sendatzen garenean, Nafarroako Errege Bardean gaudela deskubrituko dugu .
Zinemagileen "Tabakalera Belaunaldia"ri gorazarre, asteburuan Donostian
Kultura zentroaren 10. urteurrenaren harira, Zinemaldiak, Elías Querejeta Zine Eskolak, Euskadiko Filmategiak eta Tabakalerak osatzen duten ekosistemaren abaroan hazi den zinemagile belaunaldia omenduko dute asteburu honetan.