Belodromoak hiru estreinaldi hartuko ditu Zinemaldian
Lan hauek aurkeztuko dira Antonio Elorza Belodromoan, 2.500etik gora ikuslerentzat lekua duen zinema-aretoan, Donostiako Zinemaldiak iragarri duenez: Vida perfecta Leticia Dolerak sortutako telesail osoa, La gallina Turuleca Víctor Monigote eta Eduardo Gondell zuzendarien animazio filma, eta Sua – Irabazi arte dokumentala, Realak Erreginaren Kopa lortu aurreko asteari buruzkoa.
Gainera, larunbatean, hilak 21, 12:00etan, Euskadiko Orkestrak, SGAE Fundazioak eta Zinemaldiak berak antolatutako kontzertua hartuko du Belodromoak.
Zinemaldiaren arduradunek ohar batean azaldu dutenez, “Sua – Irabazi arte” Aurkene Arizak eta Mikel Fuentesek zuzendutako dokumentala ostiralean, hilak 27, emango dute, 19:30etik aurrera. Lan horretan, Donostiako kluberako historikoa izan zen garaipen horri bide eman zioten gogoa eta giroa jaso dituzte.
EOSen kontzertua
Larunbatean, Euskadiko Orkestra Sinfonikoaren kontzertua egongo da Belodromoan. Ikuskizunak soinu banden interpretazio sinfonikoa eta musika hori oinarritu zuten eszenen muntaia uztartuko ditu.
Ramon Labayen saria, Itziar Ituñorentzat
Bestalde, Gros auzoko Ulialde elkarteak seigarren urtez banatuko du Ramon Labayen saria, eta aurten Itziar Ituño aktore bizkaitarraren (‘La casa de papel’, ‘Goenkale’, ‘Loreak’…) ibilbidea nabarmenduko du. Donostia Zinemaldiaren barruan egingo da saria emateko ekitaldia, irailaren 27an, Ulialde elkartetik jakinarazi dutenez.
Sariaren asmoa euskal aktore edo zuzendari bat goraipatzea da, eta aurreko urteetako saridunak izan dira Karra Elejalde, Juanma Bajo Ulloa, Martxelo Rubio, Ane Gabarain, Gorka Aginagalde eta Jon Plazaola.
Albiste gehiago zinema
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.