Javier Bardem, Kristen Stewart, Tim Roth eta Ken Loach Zinemaldian izango dira
Javier Bardem, Laetitia Casta, Costa-Gavras, Penelope Cruz, Ricardo Darin, Gael Garcia Bernal, Valeria Golino, Nina Hoss, Michel Houellebecq, Catherine McCormack, Sam Neill, Tim Roth, Kristen Stewart, Donald Sutherland eta Yanis Varoufakis izango dira, gaur baieztatu dutenez, irailaren 20tik 28ra Donostiako Zinemaldiaren 67. edizioan hirian izango diren aurpegi ezagunetako batzuk.
Gainera, Neil Jordan irlandar zinemagile eta gidoilaria izango da Epaimahai Ofizialaren presidentea, eta Barbara Lennie eta Mercedes Moran aktoreak, Pablo Cruz eta Katriel Schori ekoizleak eta Lisabi Fridell argazki zuzendariak izango ditu zeregin horretan lagun.
67. edizioko Donostia saridunez gain –Penelope Cruz, Donald Sutherland eta Costa-Gavras–, aktore eta zinemagileen zerrenda luzeak baieztatu du Donostiara etorriko dela filmak aurkeztera. Beste hainbat aktoreren artean, Zinemaldian izango dira Javier Bardem (Sanctuary, Beste jarduera batzuk), Laetitia Casta (Le milieu de l’horizon, New Directors), Ricardo Darin (La odisea de los giles, Sail Ofiziala), Anais Demoustier (Alice et le maire, Perlak), Gael Garcia Bernal (Chicuarotes, Horizontes Latinos; Ema, Perlak; eta Wasp Network, Donostia sariaren emanaldia), Valeria Golino (Adults in the Room, Donostia sariaren emanaldia), Nina Hoss (Das Vorspiel / The Audition, Sail Ofiziala), Reda Kateb (Hors normes, Perlak), Catherine McCormack (The Song of Names, Sail Ofiziala), Sam Neill (Blackbird, Sail Ofiziala), Tim Roth (The Song of Names, Sail Ofiziala) eta Kristen Stewart (Seberg, Perlak).
Era berean, zuzendari asko bertaratuko dira Donostiara filmak aurkezteko: Benedict Andrews (Seberg, Perlak), Louise Archambault (Il pleuvait des oiseaux, Sail Ofiziala), Darren Aronofsky (Pacificado / Pacified filmaren ekoizlea), Olivier Assayas (Wasp Network, Donostia sariaren emanaldia), Kantemir Balagov (Beanpole, Perlak), Bertrand Bonello (Zombie Child, Zabaltegi - Tabakalera), Andres di Tella (Ficción privada, Zabaltegi - Tabakalera), Alan Elliot (Amazing Grace, Perlak), Sarah Gavron (Rocks, Sail Ofiziala), Ciro Guerra (Waiting for the Barbarians, Perlak), Oliver Laxe (O que arde, Perlak), Ken Loach (Sorry We Missed You, Perlak), Hirokazu Koreeda (La verité, Perlak), Ladj Ly (Les Misérables, Perlak), Roger Michell (Blackbird, Sail Ofiziala), Takashi Miike (Hatsukoi / First Love, Zabaltegi - Tabakalera), Olivier Nakache eta Éric Toledano (Hors normes, Perlak), Guillaume Nicloux (Thalasso, Sail Ofiziala), Nicholas Parisier (Alice et le maire, Perlak), Malgorzata Szumowska (The Other Lamb, Sail Ofiziala), Ina Weisse (Das Vorspiel / The Audition, Sail Ofiziala), Alice Winocour (Proxima, Sail Ofiziala) eta Wang Xiaoshuai (Di jiu tian chang / So Long My Son, Perlak).
Halaber, Michel Houellebecq idazlea eta Yanis Varoufakis greziar ministro ohia Donostian izango dira: lehenak bere burua antzeztu du Thalasso (Sail Ofiziala) filmean, eta bigarrenaren liburuak du oinarri Adults in the Room (Donostia sariaren emanaldia) Costa Gavrasen filma.
Antonio de la Torrek, Belen Cuestak, Aitor Arregik, Jon Garañok eta Jose Mari Goenagak La trinchera infinita babestuko dute Gipuzkoako hiriburuan, eta bertan izango dira, halaber, Eduard Fernandez, Karra Elejalde, Nathalie Poza, Alejandro Amenabar, Daniel Sanchez Arevalo, Leticia Dolera, Antonio Resines, Fernando Trueba, David Trueba, Itsaso Arana, David Verdaguer, Natalia de Molina, Carlos Bardem, Mario Casas eta Emma Suárez, zeinak Una ventana al mar aurkeztuko baitu, lantaldeko gainerako kideekin batera, EiTB Galan.
Azkenik, bi film gehitu dituzte Zinemaldiaren programazio ofiziala osatuko duten ia 200 lanen zerrendara. Seberg-ek Perlak sailari hasiera emango dio, Kristen Stewart protagonista duela, Veneziako zinema-jaialditik igaro ondoren. Yorgos Lanthimos greziar zuzendariaren Nimic film laburrak, bestalde, Zabaltegi-Tabakalera sailean parte hartuko du.
Albiste gehiago zinema
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.