“1917” jaun eta jabe Bafta sarietan, zazpi garaikur bilduta
"1917" Sam Mendesen film belikoa izan da garaile nagusia bart, Bafta britainiar zinemaren sarien 73. edizioan, zazpi sari bildu baititu, tartean film eta zuzendari onenenak.
Film onenaren, zuzendari onenaren, britainiar film onenaren, soinu onenaren, argazkilaritza onenaren, ekoizpen diseinu onenaren eta efektu bisual onenen Baftak irabazi ditu "1917"k.
"Joker" filmak hiru sari jaso ditu, nahiz eta beste edozein filmek baino izendapen gehiago zituen: jatorrizko musika onena, casting onena eta gizonezko aktore onena (Joaquin Phoenix). Saria jasotzean, dibertsitatearen eta denetariko arrazetako aktoreak saritzearen aldeko aldarria egin du aktoreak.
Gaueko garaile nagusien zerrendako hurrengoa "Parasites" izan da. Ingelesa ez den beste hizkuntza bateko film onenaren eta gidoi onenaren saria jaso ditu.
"The Irishman"ek ez du saririk lortu, nahiz eta hamar izendapen zituen, eta "Once upon a time… in Hollywood"ek, izendapen kopuru berarekin, sari bakarra lortu du, Brad Pittek bigarren mailako gizonezko aktore onenaren sailean eramandakoa.
"Judy" Judy Garland aktoreari buruzko biopicak emakumezko aktore onenaren Bafta saria eman dio Renée Zellwegerri, eta "A marriage story"k sari bakarra jaso du, Laura Dernek bigarren mailako emakumezko aktore onenaren atalean jasotakoa.
"Jojo Rabbit", "For Sama", "Little women", "Bombshell" eta "Bait" filmek Bafta sari bana irabazi dute.
Albiste gehiago zinema
Euskal zinemak inoiz baino itzal handiagoa izango du Zinemaldiaren programazioan
38 euskal ekoizpen egongo dira aurten Donostiako zinema jaialdian, eta horietako batzuen zuzendariekin (Koldo Almandoz, Jose Mari Goenaga, Asier Altuna, Irati Gorostidi, Patxi Bisquert eta Jesus Mari Lazkano) eta Jose Luis Rebordinos Zinemaldiko zuzendariarekin hitz egin dugu.
Inoiz baino euskal zinema gehiago, Donostiako Zinemaldian
Zinema jaialdiaren 73. edizioan 38 euskal ekoizpen egongo dira, horietako sei Sail Ofizialean, euskarazko hiru lan tartean. Zinemira saria Asier Altunak eta Telmo Esnalek jasoko dute, "Aupa Etxebeste!" filmaren estreinaldiaren 20. urteurrenean.
Emma Stone eta George Clooney, eguneko protagonistak Veneziako Mostran
Gaur, Mostran Noah Baumbach eta Yorgos Lanthimos zuzendarien azken lanak proiektatu dituzte, Emma Stone eta George Clooney protagonista direla, hurrenez hurren. Clooneyk ez du filma aurkezteko prentsaurrekoan parte hartu, sinusitis "oso larria" duelako.
Veronica "La Juani" izan zenekoa
Segidako testua ez da zendu berri den Veronica Echegui aktore eta zinemagilearen ohorez idatzitako hil-kanta, bizi-gomutagarria, zeluloide-hil-mezu bizia baizik.
Marina Xarriren film labur bat, Nest saileko aukeraketan
Donostiako Zinemaldiak zinema ikasleen lanen nazioarteko lehiaketako 14 film hautatuak aurkeztu ditu gaur, tartean "Habitat Hotel" Xarrirena, eta "A solidäo dos lagartos" Inés Nunes Elias Querejeta Zinema Eskolako ikasleak eginikoa.
Abian da munduko zinemaldirik zaharrena, Veneziako Mostra
George Clooney, Adam Sandler eta Laura Dern kanalen hirian daude dagoeneko, baina festibalaren 82. edizio honek izar zerrenda luzea izango du. Gaur Paolo Sorrentino zuzendariari egokitu zaio Veneziako zinemaldiari hasiera ematea.
Eusebio Poncela aktorea hil da, 79 urte zituela
Madrildarra zazpi hamarkada inguru egon da interpretazioari lotuta, eta 2001ean Aktore Protagonista Onenaren Goya Sarietan izendatu zuten.
Heidi, Bilbotik Alpeetara
Heidi, Alpeetako neskatoa, oso ezagun bihurtu zen 70eko hamarkadan. Orain, protagonista eta kokaleku berberak dituen pelikula berria heldu da. Animazioa Bilboko Sumendi Uhartea ekoiztetxeak egin du, eta Heidik euskaraz egiten du.
Bi fikzio eta Tetsuro Maeda, Jota Urondo eta Joan Roca sukaldarien erretratuak, Culinary Zinemaren plater nagusiak
Donostiako Zinemaldiaren Culinary Zinema sailak 73. edizioko menua aurkeztu du gaur, Donostian. Jon Arreguik Tetsuro Maeda Atxondoko Txispa jatetxeko arduradunari eginiko erretratuak EITBren parte-hartzea du, eta Virginia Jönas Urigüen bilbotarra da “El legado de Can Roca”ren egileetako bat.
“La Grazia” Paolo Sorrentinoren film berriak abiatuko du Veneziako zinema jaialdia
Gaur, asteazkenarekin, Werner Herzog alemaniarrak jaialdiaren ohorezko Urrezko Lehoia jasoko du, Francis Ford Coppolaren eskutik. Palmaresean agertzeko lehian, hamaika zuzendari handiren azken lanak: Olivier Assayas, Noah Baumbach, Kathryn Bigelow, Guillermo del Toro, Jim Jarmusch, Pietro Marcello…