"Amek ez dute" Katixa Agirreren eleberria, zinema pantailarako bidean
2018an kaleratu zutenetik, bide luze-luze eta oparoa egin du "Amek ez dute" Katixa Agirre (Gasteiz, 1981) idazlearen eleberriak, "Sua falta zaigu" (2007) eta "Habitat" (2009) ipuin bildumen eta "Atertu arte itxaron" (2015) eleberriaren ondoren kaleratu zuen lanak.
Dagoeneko gaztelaniaz, katalanez, frantsesez, nederlanderaz eta ingelesez ere irakur daiteke liburua, adibidez, eta Mar Coll kataluniar zinemagilea (Bartzelona, 1981) eleberria pelikula bihurtzeko lanean ari da orain.
"Amatasunari buruzko ikuspegiarekin identifikatuta"
Duela bi urte abiatu zen proiektua, Colli eta Valentina Viso gidoilarikideari lagun komun baten bidez Agirreren eleberria iritsi zitzaienean. Collek telefonoz azaldu digunez, "urtebeteko ume bat nuen orduan, eta oso identifikatuta sentitu nintzen amatasunari buruz liburuak ematen duen ikuspegiarekin".
"Lanera bultzatuko gintuen zerbaiten bila ari ginen Valentina lagun eta lankidea eta biok, eta egokitzapen bat egiteko gogoa genuela ikusi genuen, gure aurreko lan guztiak ("Tres dies amb la família" eta "Tots volem el millor per a ella" film luzeak, esaterako) jatorrizko ideiak baitira".
Gidoiaren bertsio finko samarra dute jada esku artean. Katixa Agirrek irakurri egin du dagoeneko, esan digunez, eta itxura ona hartu dio. "Konfiantza osoa dut zuzendariarengan, bere aurreko lanak ikusita", erantsi du.
2022. urtean finantzazioa bilatzeko lanean arituko dira, Collen esanetan, filmatze lanak 2023an hasteko asmoz.
Oraindik ez dago oso argi zer hizkuntzatan filmatuko duten pelikula, eta ekoizpenaren azpiegituraren arabera erabakiko dute.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.