"918 gau" filma Punto de Vista jaialdian lehiatuko da
Punto de Vista Nafarroako Zinema Dokumentaleko Nazioarteko Jaialdiak Sail Ofiziala osatuko duten 21 filmak (13 film luze eta 8 film labur) iragarri ditu. Besteak beste, "918 gau" Arantza Santestebanen filma eta, lehiaketatik kanpo, "Los caballos mueren al amanecer" Ione Atenearen lana izango dira tartean.
Punto de Vista jaialdiaren hamaseigarren edizioa martxoaren 14tik 19ra egingo dute, eta, hain zuzen ere, Ione Atenearen "Los caballos mueren al amanecer" filmak irekiko du, hildakoen gauzekin daukagun erlazioa mintzagai duenak, lehiaketatik kanpo.
Sail Ofizialean, bestalde, "918 gau" Arantza Santestebanen filmak hartuko du parte, Lisboako, Turingo eta Galiziako zinema jaialdietan sariak jaso eta gero. EITBren parte-hartzea duen filmaren abiapuntua 2007ko urriaren 4ko gaua da.
Polizia Nazionalaren kamioneta batzuek Santestebanen autoa geldiarazi, eta atxilotu egin zuten. Terrorismo-delitua leporatu zioten, 2002ko Alderdien Legeak ilegaltzat jotako alderdi batean jarduera politikoa gauzatzeagatik. Guztira, 918 gau eman zituen espetxean, eta orduan jasotakoak dira filmaren kontagaia.
Manuel Asín jaialdiko zuzendari artistikoak eta Lucía Salasek, Miguel Zozayak, Lur Olaizolak eta Pablo García Cangak osatutako programazio batzordeak hartu dute parte 800 proposamenetatik 21 filmak aukeratzeko prozesuan.
Punto de Vista zazpi sail handitan antolatuko da: Sail Ofiziala, Atzera begidak, Foku garaikideak, X Films proiektua, Hezkuntza programa eta bi sail berri: Lan, sorkuntza eta ekoizpen prozesuen inguruko jarduera publiko batzuk proposatuko dituena eta Gainezkatzeak, zinema dokumentala beste praktika artistiko eta gogoeta praktika batzuekin harremanetan jarriko duena.
Zure interesekoa izan daiteke
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.
Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.
“Gaua”, urkijotarrentzat
Paul Urkijo arabar zinemagileak bere hirugarren film luzea estreinatu du, “Gaua”, irudi txundigarriz generoko filmen osagaiak eta euskal mitologiaren kondairak sendotzen dituen pelikula.
“Argi gorriak” seriea azaroaren 7an estreinatuko dute, Bartzelonako Serielizados jaialdian
Itziar Ituño protagonista duen “komedia garratzak” thriller ukitua du. Jaialdiaren Sail Ofizialean lehiatuko da, 2026an EITBko Primeran plataforman estreinatu aurretik.
Xanti Rodriguez eta Amancay Gaztañaga "Piztiak" seriea filmatzen ari dira
EITBren parte-hartzea duen lana 2026an ikusi ahalko da Primeran plataforman. Yune Nogueiras da Gaztañaga eta Rodriguez zuzentzen ari diren lanaren protagonista.
?fmt=png-alpha&qlt=80)
“Llámame Sinsorga” dokumentala azaroaren 28an estreinatuko dute zinemetan
Marta Gomezek eta Paula Iglesiasek zuzendu dute, eta La Sinsorga Bilboko espazio feministaren sortzeko lnak ditu ardatz.
"Aro berria" filmaren trailerra
Azaroaren 28an iritsiko da zinema aretoetara Irati Gorostidi zuzendariaren lehen film luzea, Donostiako Zinemaldiko New Directors atalean epaimahaiaren aipamen berezia jaso eta gero. EITBren parte-hartzea duen filma ur-kontagailuen fabrika bateko langileen batzarrarekin hasten da: azkenean aurrera egingo ez duen greba bat eztabaidatuko dute. Desengainatuta, inkonformistenek eremu intimoagoetara bideratuko dituzte errotiko transformaziorako dituzten nahiak. Batzuek, fabrika utzi, eta mendietako komunitate isolatu batean integratuko dira, non dozenaka gaztek bilaketa bizia egingo duten, esperientzia katartiko partekatuen medioz.
Zinemakumeak Gara jaialdiak Alauda Ruiz de Azua, Maria Ripoll eta Al Borde Films ekoiztetxea sarituko ditu
Emakumeek zuzendutako filmen jaialdiaren 30. edizioa urriaren 27tik 30era egingo dute, Bilbon. Ruiz de Azuak eta Ripollek Simone de Beauvoir saria jasoko dute, eta Al Borde Filmsek, Bihargi EITB saria.
Zinegileek Moriarti ekoiztetxea saritu dute "Maspalomas" lanagatik
Zinema industriaren barruan zuzendarien kolektiboa ordezkatzeko sortu zen Accion elkarteak Aitor Arregiren eta Jose Mari Goenagaran ekoiztetxea saritu du larunbat honetan Espainiako Zinema Akademian izan den ekitaldian.
"Los domingos" eta "Decorado" zinema-aretoetara iritsi dira
Urrezko Maskorraren irabazlea eta animaziozko film luzea gaurtik aurrera egongo dira ikusgai Hegoaldeko zinema-aretoetan.