Carla Simon katalanak Berlinaleko Urrezko Hartza irabazi du "Alcarràs" filmarekin
Melokotoi sail bat duen Kataluniako familia baten gorabeherek txunditu egin dute Berlinale, eta "Alcarràs" Carla Simón zinemagilearen pelikulak eskuratu du aurten Urrezko Hartza, "baserritar txikien egoeraren aurreko samurtasuna eta amorrua uztartzen dituen zinema baten" erakusle baita.
M. Night Shyamalan indiar-estatubatuar zinemagilea buru zuen epaimahaiak azpimarratu du interpretatzeko "ahalmen izugarria" erakusten dutela Simonek istorioaren kokalekua den eskualdeko jaietan aurkitu zituen aktore ez-profesionalek.
Epaimahaiaren Sari Nagusia "The Novelist's Film" Hong Sang-soo hegokorearraren filmarentzat izan da.
Epaimahaiaren Zilarrezko Hartza, bestalde, Natalia Lopez Gallardo boliviarrak jaso du, "Manto de Gemas" mexikar-argentinar filmagatik.
Zuzendari onenaren Zilarrezko Hartza Claire Denisek irabazi du "Avec amour et acharnement" filmean egindako lanarengatik, eta interpretazio onenarena Meltem Kaptan alemaniar-turkiarrak eraman du, "Rabiye Kurnaz versus George W. Bush" Andreas Dresen alemaniarraren filmari esker.
Xabier Erkizia
Gainera, film laburren atalean, "El sembrador de estrellas" Lois Patiño (Vigo, 1983) galiziarraren film laburra saritu dute Berlinalen, eta lan horrek ordezkatuko du Alemaniako jaialdia Europako Zinema Sarietan.
Tokioko gaueko unibertsoan zehar bidaia "oniriko eta espirituala" eskaintzen du lanak, Antonio Machado, Borges, Beckett eta Sontagen testuetan oinarrituta, eta Xabier Erkizia lesakarra arduratu da lan horren soinuaz.
Zure interesekoa izan daiteke
Silver Film Festivalek Elena Irureta omenduko du
Jaialdiaren laugarren edizioa apirilaren 20tik 24ra egingo dute, Bilbon, eta 16 filmen proiekzioa, solasaldiak eta hitzaldiak antolatu dituzte. Maiatasuna eta sexua adinari begiratu gabe bizitzeko gonbita egingo du, bost egunez.
"Itzalak argitzen": Euskal zinemaren lau klasikoren zaharberritze prozesua erakusten duen dokumentala
Koldo Almandozek eta Gorka Bilbaok Itzalak argitzen dokumentala ondu dute, 80ko hamarkadaren erdialdean ekoitzitako lau film ertain zaharberritzeko prozesua dokumentatu ostean: Hamaseigarrenean, aidanez (Anjel Lertxundi, 1985), Zergatik panpox (Xabier Elorriaga, 1985), Ehun metro (Alfonso Ungria, 1985) eta Oraingoz izen gabe (Jose Julian Bakedano, 1986). Euskadiko Filmategiaren Euskal Zinema zikloan estreinatuko da.
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.