Zinegoak jaialdiak ahotsa emango die "nahi bezala bizitzeko" borroka egiten duten pertsonei
Zinegoak Bilboko LGTBI+ zinema eta arte eszenikoen jaialdiaren 19. edizioak ahotsa emango die "nahi bezala bizitzeko" borroka egiten duten pertsonei eta film luzeen sail ofiziala hiru kategoriatan banatuko du berriro: DOK (dokumentalak), FIK (fikzioak) eta KRAK (narratiba berriak). Horrez gain, film laburren bi ziklo berri estreinatuko ditu.
Guztira 16 film luze eta 22 film labur ikusi ahalko dira sail ofizialean. Film luzeak Golem Alhondiga zinema-aretoetan proiektatuko dituzte, eta Zinegoakek Filmin plataforman duen leiho digitalean ere ikusi ahalko dira, aurrez aurreko proiekzioak amaitu ondoren. Film laburrak, berriz, doan proiektatuko dituzte Bilborocken.
Sail ofizialeko film guztiak lehiatuko dira Zinegoak Sari Nagusia eskuratzeko. Sari horrek EITBren babesa izango du lehenengo aldiz, eta 4.000 euro emango dizkio irabazleari.
EITBk zuzenean eskainiko ditu inaugurazio gala eta itxiera gala. Martxoaren 7an Bilborocken egingo den amaiera ekitaldian emango da ezagutzera palmaresa, eta gainerako sarien berri ere emango da bertan.
Alaitz Arenzana Zinemaldiko zuzendari artistikoak, Pedro Andrade ekoizpen zuzendariak eta Julen Nafarrate komunikazio arduradunak otsailaren 28tik martxoaren 7ra Bilboko hainbat aretotan egingo den edizio honetako programazio ofiziala aurkeztu dute astelehen honetan Bilbon.
Alaitz Arenzanak azpimarratu duenez, Zinegoaken aurtengo edizioaren helburuetako bat presentzialtasuna izan da, "zineaz eta kulturaz in situ gozatu ahal izateko. Zinegoak kulturaz eta aniztasunaz gozatzeko topagune izatea nahi dugu". Nolanahi ere, Zinegoakek leiho digitala ere izango du, "Bilbora joan ezin diren pertsona guztiek jaialdiaz gozatzeko aukera izan dezaten".
Gainera, nazioarteko zinegile eta epaimahaien bisitak jasoko ditu aurten ere, iazko etenaldiaren ondoren.
Honako zinemagile hauek bisitatuko dute Zinegoak: Isabelle Solas (Nos corps sont vos champs de bataille), Reka Valerik (Silent Voice), Adrián Silvestre (Sedimentos), Tim Leyendekker (Feast), Noel Alejandro (KRAK epaimahaia), Cecilia Montagut (DOK epaimahaia), Susi Sánchez aktorea (FIK epaimahaia) edo Ohorezko Saria jasoko duen Albertina Carri argentinar zinemagilea. Carrik Zinegoak jaialdiaren hasiera ekitaldian jasoko du Ohorezko Saria, otsailaren 28an, Arriaga Antzokian.
Jaialdiak hainbat gai jorratuko ditu hainbat filmetan, hala nola "indarkeria eta aterpea" edo GIB birusa, gizartean oraindik dagoen estigma soziala oso handia baita.
Film laburrei dagokienez, "Emakume zuzendariak" eta "Haurtzaroa/nerabezaroa" ohiko zikloez gain, Zinegoakek bi ziklo berri izango ditu: "Maitasunezko poliedroak", harreman afektibo-sexualen formulei buruzkoa; eta "Trantsizioak", arreta trans errealitateetan jarrita. Guztira, 22 film labur lehiatuko dira sail ofizialean, eta doan proiektatuko dira Bilborocken.
Albiste gehiago zinema
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.