Euskal animazioa, babes bila Bordelen
Cartoon Movie animazioaren europar industriaren Bordeleko koprodukzio foroak hiru euskal proiektu aukeratu ditu, aste honetan bertan parte hartzeko. Gaur, ostegunarekin, bukatuko da topaketa.
Fermin Muguruzak (Irun, 1963) "Black is Beltza" (2018) bere pelikularen bigarren zatia aurkeztuko du jendartean azokaren azken jardunaldi honetan.
"Black is Beltza II: Ainhoa"ren protagonista ez da Manex Unanue izango, baizik eta Ainhoa, Manexek Amanda Tamayo kubatar iraultzailearekin eduki zuen alaba, eta joan den mendeko 80ko hamarkadan egongo da girotuta EITBren parte-hartzea duen filma.
"Orain, berak hartu du oinordetzan bidaiatzeko gogo hori, munduko toki ezberdinetan gertatzen ari dena ulertzen saiatzeko tema, lekuko gisa jasotzen ari den gertakarietan parte hartuz, gainera", azaldu du musikari eta zinemagileak.
Bigarren zati honetan ere, izen handiak izango ditu Muguruzak alboan, protagonistei ahotsa ipintzeko: Antonio de la Torre, Ariadna Gil eta Itziar Ituño, adibidez.
"Sultanas's Dream"
Bestalde, Isabel Herguerak "Sultana's Dream" bere lehen film luzea aurkeztu du Bordelen, EITBren parte-hartzea duena.
CONTENIDO NO ENCONTRADO
Roquia Sakhawat Hussain benglar idazleak 1905ean idatzi zuen liburu bat da pelikularen abiapuntua, "Sultanaren ametsa". Herguera berehala maitemindu zen utopia feminista horrekin: "Mundu errotik ezberdina du kontagai: emakumeek dute finantzen eta politikaren kontrola, baita, are garrantzitsuagoa dena, zientziarena eta hezkuntzarena ere, eta gizonak konfinatuta bizi dira".
"Unicorn Wars"
Cartoon Movien laguntza bila ari den hirugarren euskal proiektua "Unicorn Wars" da, Alberto Vazquez galiziarrak zuzendu eta Iván Miñambres bilbotarrak ekoitzi duen istorioa.
Gainerako bi filmek bezala EITBren babesa duen filmak gerrako eta fantasiazko generoak eta umorea uztartzen ditu, eta hartz txikien eta unikornioen arteko gerra batean dago kokatuta.
Zure interesekoa izan daiteke
‘Itzalak argitzen’: euskal zinemaren lau klasikoren zaharberritze prozesua erakusten duen dokumentala
Koldo Almandozek eta Gorka Bilbaok 'Itzalak argitzen' dokumentala gauzatu dute 80ko hamarkadaren erdialdean ekoitzitako lau film ertain zaharberritzeko prozesua dokumentatu ostean: ‘Hamaseigarrenean, aidanez’ (Anjel Lertxundi, 1985), ‘Zergatik panpox’ (Xabier Elorriaga, 1985), ‘Ehun metro’ (Alfonso Ungria, 1985) eta ‘Oraingoz izen gabe’ (Jose Julian Bakedano, 1986). Euskadiko Filmategiaren barruko Euskal Zinema zikloan estreinatuko da.
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.