David Cronenberg: "Artearen krimena inoiz baino gehiago behar dugu"
David Cronenbergek Zinemaldiaren ohorezko Donostia Saria jaso du. Zuzendari kanadarrak filmak egiten jarraituko duela agindu du, eta zinemaren krimena "inoiz baino beharrezkoagoa" dela esan du, arteak subertsiboak izatea garrantzitsua baita.
Victoria Eugenia antzokian egindako galan, Cronenbergek aitortu du bere bizitzako uneren batean pentsatu zuela gaurkoa bezalako ohorezko sariak erretiratzeko gonbidapena zirela, "nahikoa da" esateko modu bat zela, baina denborarekin ulertu du ez dela horrela, eta gustura onartu du saria zinema egiten jarraitzeko "arnasa" gisa.
Gainera, eskertu egin du Donostian jaso izana, kulturarekin eta zinemarekin "hain lotuta" dagoen hiria baita. Esan duenez, oso garrantzitsua iruditzen zaio artea subertsiboa izatea gaur egungo munduan, baldin eta horrekin gizartea harmonian bizi badaiteke.
Bere miresle handi batek, Gaspar Noe zuzendari argentinarrak, eman dio saria, laudorio zaparrada baten ondoren. Noeren arabera, Cronenberg obra bat eraikitzea lortu duten zuzendarietako bat da, eta "ezohiko ikuspegi kezkagarri eta heldu batekin" egin du.
Viggo Mortensen aktore argentinarra kanadarraren hainbat pelikulatako protagonista izan da, tartean Eastern promises eta A history of violence, baita saria emateko ekitaldiaren baitan estreinatu den Crimes of the future ere. Mortensenek ez du aukera galdu, eta zorion hitz batzuk helarazi dizkio Cronenberg lagunari.
David Cronenberg (Toronto, 1943), gidoilaria eta inoiz aktorea ere izateaz gain, azken mende erdiko zinemagile berezienetako bat da. Izugarrikeria biologikoaren, atmosfera aztoratzaileen eta unibertso pertsonal bezain transferiezinaren maisutzat jotzen da.
Hogei bat film zuzendu ditu, eta telebistarako lan ugari egin ditu. 2004an, Zinemaldian egon zen Crash (1996) filmarekin, atzera begirako batean, eta 2008an, Eastern promises-ekin itzuli zen, orduan, Sail Ofizialean.
Scanners (1981) eta Videodrome (1983), Haragi Berriaren estetikaren gailurretako bat, ere sinatu ditu, eta horiekin genero erradikaleneko zinegile gisa ospea lortu zuen. Ondoren, The fly (1986), Dead ringers (1988) eta M. Butterfly (1993) filmatu zituen, azken biak Jeremy Ironsekin.
Orain, Crimes of the Future-rekin, bere obsesio zaharren berrikuspen edo laburpen bat egin du laugarrenez Mortensenekin.
Zure interesekoa izan daiteke
Jende-oste handi batez inguraturik eraikitako basoan
Gero eta luzeagoak dira filmen bukaerako kredituak, gero eta jende-multzo handiagoa baita ezinbesteko pelikula bat osatzeko. Are, Gaua filmean bezala, fantasiaren mugetan aritzen bagara.
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.