'Irati'k Ikusleen Saria eskuratu du Sitgeseko Jaialdian
Paul Urkijoren Irati filmak Ikusleen Saria eskuratu du Sitgeseko Zine Fantastikoaren Nazioarteko Jaialdian. Era berean, VFX Saria ere eman diote.
Zuzendari arabarraren pelikula otsailaren 24an iritsiko da gure pantailetara, baina duela egun batzuk lehenengo trailerra argitaratu zuten. VIII. mendean girotutako filmak euskal mitologiako elementuak biltzen du.
Aktore nagusiak Eneko Sagardoy, Edurne Azkarate, Iñigo Aranbarri, Nagore Aranburu, Elena Uriz, Iñaki Beraetxe, Ramon Agirre, Kepa Errasti eta Itziar Ituño dira, besteak beste.
Sisu pelikula finlandiarra, Jalmari Helanderrena, izan da Sitgeseko Jaialdiaren 55. edizioko erregina, Sail Ofizialeko lau sari eskuratuta, tartean pelikula eta gizonezko aktore onenarenak.
Bigarren mundu gerran urrezko altxor bat aurkitzen duen mertzenario baten istorioa kontatzen du pelikulak. Altxorra Laponiatik etxera eramateko bidean dituen gorabeheretan western eta zine belikoa tartekatzen dira.
Aktore onenaren saria Jormi Tommilari egokitu zaio. Sisuren argazkiagatik Kjell Lagerroos saritu dute, eta musikagatik, Jursi Seppa eta Tuomas Wainola.
Pearl-ek bi sari potolo eraman ditu: Ti Westek zuzendari onenarena eta Mia Gothek emakumezko aktore onenarena.
Sail Ofizialeko gidoi onenaren sari bikoitza eraman du Quentin Dupieuxek, aurkeztu dituen bi pelikulengatik eman baitiote 'ex aequo' saria.
Epaimahaiaren sari berezia Kim Hong-sun hego-korearraren Wolf Huntingentzat izan da, eta aipamen berezia eraman du soinu edizioagatik, montajeagatik eta eszena arriskutsuetako koreografiagatik. Nightsiren-eko Tereza Nvotova, Natalia Germani eta Eva Mores aktoreei eta zuzendariari ere aipamen berezia egin diete.
Zure interesekoa izan daiteke
?fmt=png-alpha&qlt=80)
Zinebi jaialdiak Pablo Berger eta Esther Garcia sarituko ditu
Bilboko Dokumentalen eta Film Laburren Nazioarteko Jaialdiaren 67. edizioa azaroaren 21ean abiatu, eta hilaren 28an itxiko dute, amaiera-gala eta sari-banaketa eginda.
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.
Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.
“Gaua”, urkijotarrentzat
Paul Urkijo arabar zinemagileak bere hirugarren film luzea estreinatu du, “Gaua”, irudi txundigarriz generoko filmen osagaiak eta euskal mitologiaren kondairak sendotzen dituen pelikula.
“Argi gorriak” seriea azaroaren 7an estreinatuko dute, Bartzelonako Serielizados jaialdian
Itziar Ituño protagonista duen “komedia garratzak” thriller ukitua du. Jaialdiaren Sail Ofizialean lehiatuko da, 2026an EITBko Primeran plataforman estreinatu aurretik.
Xanti Rodriguez eta Amancay Gaztañaga "Piztiak" seriea filmatzen ari dira
EITBren parte-hartzea duen lana 2026an ikusi ahalko da Primeran plataforman. Yune Nogueiras da Gaztañaga eta Rodriguez zuzentzen ari diren lanaren protagonista.
“Llámame Sinsorga” dokumentala azaroaren 28an estreinatuko dute zinemetan
Marta Gomezek eta Paula Iglesiasek zuzendu dute, eta La Sinsorga Bilboko espazio feministaren sortzeko lnak ditu ardatz.
"Aro berria" filmaren trailerra
Azaroaren 28an iritsiko da zinema aretoetara Irati Gorostidi zuzendariaren lehen film luzea, Donostiako Zinemaldiko New Directors atalean epaimahaiaren aipamen berezia jaso eta gero. EITBren parte-hartzea duen filma ur-kontagailuen fabrika bateko langileen batzarrarekin hasten da: azkenean aurrera egingo ez duen greba bat eztabaidatuko dute. Desengainatuta, inkonformistenek eremu intimoagoetara bideratuko dituzte errotiko transformaziorako dituzten nahiak. Batzuek, fabrika utzi, eta mendietako komunitate isolatu batean integratuko dira, non dozenaka gaztek bilaketa bizia egingo duten, esperientzia katartiko partekatuen medioz.
Zinemakumeak Gara jaialdiak Alauda Ruiz de Azua, Maria Ripoll eta Al Borde Films ekoiztetxea sarituko ditu
Emakumeek zuzendutako filmen jaialdiaren 30. edizioa urriaren 27tik 30era egingo dute, Bilbon. Ruiz de Azuak eta Ripollek Simone de Beauvoir saria jasoko dute, eta Al Borde Filmsek, Bihargi EITB saria.
Zinegileek Moriarti ekoiztetxea saritu dute "Maspalomas" lanagatik
Zinema industriaren barruan zuzendarien kolektiboa ordezkatzeko sortu zen Accion elkarteak Aitor Arregiren eta Jose Mari Goenagaran ekoiztetxea saritu du larunbat honetan Espainiako Zinema Akademian izan den ekitaldian.