Estibaliz Urresola eta Felix Viscarret, Malagako zinema jaialdiaren Sail Ofizialean
Estibaliz Urresola eta Felix Viscarret zuzendariek Malagako zinema jaialdiko Sail Ofizialean aurkeztuko dituzte beren pelikula berriak, "20.000 especies de abejas" eta "Una vida no tan simple", EITBren parte-hartzea duten bi lan.
Estibaliz Urresola Solagurenek Berlinale jaialdiko atal nagusian ere proiektatuko du berak idatzi eta zuzendu duen lehen film luzea, Malagan lehiatu baino lehen.
Dibertsitateari buruzko istorioa da "20.000 especies de abejas", Lara Izagirre Garizurietak eta Valerie Delapierrek ekoitzi dute, eta hauek ditu aktore zerrendan: Patricia Lopez Arnaiz, Ane Gabarain, Itziar Lazkano, Sofia Otero, Sara Cozar, Martxelo Rubio, Unax Hayden, Andere Garabieta eta Miguel Garces.
Filmean, Coco zortzi urteko umeak ikusiko du ez dituela besteen aurreikuspenak betetzen, zergatik ez dakiela. Inguruko guztiek Aitor izenez deitzen diote, baina bera ez dago eroso izen horrekin. Amama erlezainaren etxera joango da oporraldi batean, amak eta neba-arrebek lagunduta, eta uda horrek goitik behera aldatuko ditu guztion bizitzak: hiru belaunalditako emakumeek bere zalantza eta beldurrei aurre egin beharko diete.
Felix Viscarret, bestalde, 2007an "Bajo las estrellas" lanarekin Urrezko Biznaga irabazi zuen jaialdiko Sail Ofizialera itzuiko da, "Un vida no tan simple" pelikularekin.
Belaunaldi oso baten krisia eta gainbehera profesionala bizitzen ari diren pertsonaiei buruzko komediaren protagonistak dira Miki Esparbe, Alex García, Olaya Caldera, Ana Polvorosa, Julian Villagran eta Ramon Barea.
Isaias (40) etorkizun handiko arkitektoa da. Arkitektura estudioan eta seme-alabak jolastera eramaten dituen parkean joaten zaizkio egunak. Hala ere, sentitzen du bere tokia ez dela hori. Ainhoa emaztearekin batera, urteen zama eta umeen zaintza oso astunak direla igartzen hasiko da, eta Isaiasek adiskidetasun harremana abiatuko du Sonia umeen ikaskide baten amarekin, umeak haztea eta helduaroan sartzea horren erraza ez dela irakatsiko diona.
Sail Ofizialean lehian egongo dira, halaber, Matias Bize txiletarra "El castigo" filmarekin, Marina Seresesky argentinarra "Empieza el baile"rekin eta Gerardo Herrero madrildarra "Bajo terapia" komedia koralarekin, Alcaravan Films ekoiztetxearen eskutik Iruñean filmatutako pelikularekin.
Zure interesekoa izan daiteke
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.
Bost euskal film labur, Zinebiren Sail Ofizialean
Bea Lema, Aitor Gametxo, Ainhoa Ordoñez, Giulia Cosentino, Perla Sardella eta Maren Zubeldia eta Silvina Guglielmottiren azken lanak Bilboko Dokumentalen eta Film Laburren Nazioarteko Jaialdiak lehiatuko dira. Gaur hasi, eta hilaren 28an amaituko da 67. edizioa.
Jende-oste handi batez inguraturik eraikitako basoan
Gero eta luzeagoak dira filmen bukaerako kredituak, gero eta jende-multzo handiagoa baita ezinbesteko pelikula bat osatzeko. Are, Gaua filmean bezala, fantasiaren mugetan aritzen bagara.
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.