Sofia Otero basauriarrak irabazi du Berlinaleko antzezpen onenaren Zilarrezko Hartza
Sofia Otero basauriarrak irabazi du Berlinaleko antzezpen onenaren Zilarrezko Hartza, Estibaliz Urresolaren "20.000 especies de abejas" filmean egindako lanagatik jaso du aitorpena. Zortzi urte ditu Sofia Oterok eta bera da filmeko protagonista nagusia. Zineman egiten duen lehen lana du.
Hunkituta jaso du saria eta, lantaldea ez ezik, bertan zeuden familiako kideak ere agurtu eta eskertu ditu Oterok.
Berlinaleko 73. edizioko Sail Ofizialean Urrezko Hartza lortzeko lehiatzen bazen ere, Estibaliz Urresola Solaguren zuzendari laudioarrak ez du azkenean hura lortzerik izan. Ez da, haatik, esku-hutsik itzuliko Euskal Herrira, "20.000 especies de abejas" bere lehen lan luzeak hainbat sari eskuratu baititu eta arrakasta izan baitu Berlinen.
Izan ere, Sofia Oteroren Zilarrezko Hartzaz gain, filmak epaimahai independenteek emandako bi sari jaso ditu, leihaketa ofizialetik kanpo. Horietako bat Alemaniako zinema elkartearen aitorpena da, eta bigarrena, Morgenpost egunkariko irakurleena.
Iaz, Canneseko Zine jaialdiko Kritikaren Astean "Cuerdas" film labur soziala estreinatu ondoren, Urresolak asteazken honetan, otsailak 22an, estreinatu du bere film luzea Berlingo zine jaialdian, eta 10 minutuko txalo zaparrada zirraragarria jaso zuen.
20.000 especies de abejas filmak Lucia (Sofia Otero) neskato transexualaren istorioa kontzen du, ikaskideek oraindik Aitor deitzen dioten neskatoarena. Eskolako giro horretatik ihes egin nahian, gogotsu dago uda noiz iritsiko zain. Ane amak, krisi profesional eta sentimental batean murgilduta, oporrak bere hiru seme-alabekin amaren etxean pasatzeko aprobetxatuko du. Bertan bizi da izeba Lourdes ere, erlezaintzan jarduten dena. Uda horrek bizitza aldatuko die, beraien burua gainerakoen aurrean nola erakutsi nahi duten erabakitzera behartuko baititu.
Filma 2022ko udako zazpi astetan zehar grabatu zen Euskal Herriko hainbat lekutan, Laudion eta Hendaian, besteak beste. Oterorekin batera aritu dira Patricia Lopez Arnaiz, Ane Gabarain, Itziar Lazkano, Martxelo Rubio, Sara Cozar, Miguel Garces, Unax Hayden eta Andere Garabieta.
Samsara
Bestalde, "Samsara" Lois Patiño galiziar zuzendariaren donostiar ekoizpenak epaimahaiaren aipamen berezia jaso zuen Encounters Alemaniako jaialdian zinemaren ahots berriei eta narratiba ezberdinei ahotsa eman nahi dien sailean. Kritikariek oso hitz ederrak eduki dituzte Xabier Erkizia nafarrak film horren soinuan egindako lanarentzat.
Albiste gehiago zinema
'Karmele' Asier Altunaren film berriaren trailerra, esklusiban
Karmele Asier Altuna zuzendariaren (Amama, Aupa Etxebeste!, Agur, Etxebeste) film luzea urriaren 10ean estreinatuko da. EITBren parte-hartzea duen filma Donostiako Zinemaldian ikusiko da lehenago, nolanahi den, Sail Ofizialaren barruan baina lehiatik kanpo, proiekzio berezi batean. Fikziozko filma Elkarrekin esnatzeko ordua Kirmen Uriberen eleberrian oinarrituta dago, Jone Laspiur eta Eneko Sagardoy ditu protagonista eta Nagore Aranburu eta Javier Barandiaran daude antzeztaldean.
Europa, Asia eta Costa Ricako zinemagile hasiberriek osatzen dute New Directors saila
Jonatan Etzler suediarrak, Yukari Sakamoto japoniarrak eta Seyhmus Altun kurduak, besteak beste, bat egingo dute Irati Gorostidi Agirretxe nafarraren eta Jose Alayon kanariarraren proposamenekin.
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.